جۇڭگودا ءار ون مىڭ ادامعا 8.9 دانا تاپقىرلىق پاتەنت ۇقىعى تۋرا كەلەدى

    مەملەكەتتىك زياتكەرلىك ۇقىعى مەكەمەسى جۋىردا 2017 – جىلدىڭ العاشقى جارتىسىنداعى نەگىزگى قىزمەت ساناعىن جانە «پاتەنتتى الدىمەن تەكسەرۋدى باسقارۋ ءادىسناماسى» تۋرالى قاتىستى احۋالداردى ءتۇسىندىرۋ مالىمەتىن جاريالادى. 2017 – جىلى ماۋسىمنىڭ سوڭىنا دەيىن، ەلىمىزدە تاپقىرلىق پاتەنت ۇقىعى ءبىر ميلليون 227 مىڭ دانا بولىپ، ءار ون مىڭ ادامعا 8.9 دانا تاپقىرلىق پاتەنت ۇقىعى تۋرا كەلەدى، مۇنى «12 – بەسجىلدىق» جوسپاردىڭ سوڭعى مەزگىلىندەگىمەن سالىستىرعاندا 2.6 دانا كوپ بولىپ، بۇل مەملەكەتتىڭ «13 – بەسجىلدىق» جوسپارى مەزگىلىندە ءار ون مىڭ ادامعا 12 دانا تاپقىرلىق پاتەنت ۇقىعى تۋرا كەلۋ سىندى كورسەتكىش نىسانانى ورىنداۋ جولىندا نىق قادام تاستاعاندىعىمىزدى بىلدىرەدى.

    2017 – جىلدىڭ العاشقى جارتىسىندا، ەلىمىز ازاماتتارىنىڭ شەتەلدەن پاتەنت ۇقىعىن ءوتىنىش ەتۋ بەتالىسى دا ورنىقتى ارتۋدا. ەلىمىزدىڭ ءوتىنىش بەرۋشىلەرى مەملەكەتتىك زياتكەرلىك ۇقىعى مەكەمەسى ارقىلى PCT حالىقارالىق پاتەنت ۇقىعىنا 2 مىڭ دانا ءوتىنىش تاپسىرعان، بىلتىرعى وسى مەزگىلدەگىمەن سالىستىرعاندا، ارتۋ قارقىنى %15.3كە جەتكەن.

    2017 – جىلدىڭ الدىڭعى جارتىسىندا، «ءبىر بەلدەۋ، ءبىر جول» بويىنداعى ەلدەردە (ەلىمىزدى قامتىمايدى) ەلىمىزدەن جاريا تۇردە پاتەنت ۇقىعىنا ءوتىنىش بەرۋ مولشەرى 2174 دانا بولىپ، بىلتىرعى وسى مەزگىلدەگىدەن %17.8 ارتقان، ءوتىنىش بەرۋشىلەر 17 مەملەكەتتە ءوتىنىش بەرگەن. «ءبىر بەلدەۋ، ءبىر جول» بويىنداعى ەلدەردىڭ جۇڭگودا 2038 دانا پاتەنت ۇقىعىنا ءوتىنىش بەرگەن، بۇل بىلتىرعى وسى مەزگىلدەگىمەن سالىستىرعاندا %23.2 ارتقان.

جاۋاپتى رەداكتور:سايراش تۇرارجان قىزى