جاڭجياجيە قالاسى قازاقستاندا «جىبەك جولى ايالداماسىن» قۇردى

    «جۇڭگو جاڭجياجيە (استانا) جىبەك جولى ايالداماسىنىڭ» ماڭدايشالىعىن اشۋ سالتى 17 – شىلدە كۇنى قازاقستان ەلورداسى استانا قالاسىندا وتكىزىلدى، جۇڭگو مەن قازاقستاننان 40 نەشە قوناق قيمىلعا قاتىناستى. اتالعان قيمىل استانا الەمدىك كورمەسى جۇڭگو سارايىنداعى حۋنان اپتالىعىنىڭ ماڭىزدى بولەگى ەسەپتەلەدى.

    اتالعان ايالدامادا «جىبەك جولى» مەن «ايالداما» سىندى ەكى ءتۇرلى ۇعىم ءبىر تۇلعالاندىرىلعان، اتالعان ايالداما جاڭجياجيەنى قازاقستان سىندى ورتا ازيا ەلدەرىنىڭ ساياحات، ەكونوميكا – ساۋدا، مادەنيەت سالاسىنداعى كاسىپورىندارىمەن بايلانىستىرىپ، كوپ ەل، كوپ كاسىپورىن اراسىنداعى اۋىس – كۇيىس پەن سەلبەستىكتىڭ دانەكەرى جانە كوپىرى بولۋدان سىرت، جاڭجياجيەنى شەتەلگە تانىستىرۋ، ساياحاتتى ۇگىتتەۋ، ەكونوميكا – ساۋدا سەلبەستىگى، مادەني اۋىس – كۇيىس جاقتارىنداعى حالىقارالىق تەكشە بولىپ تابىلادى.

    ماڭدايشالىقتى اشۋ سالتىندا، جاڭجياجيەنىڭ سۋرەتتەر توپتاماسى جانە ەرەكشە ونىمدەرى تانىستىرىلعان ورىس تىلىندەگى كىتاپشا تاراتىلىپ، قازاقستاندىق قوناقتاردىڭ نازارىن اۋداردى. ماڭدايشالىقتى اشۋ سالتىنان كەيىن، جۇڭگو – قازاقستان ەكى ەل كاسىپورىندارى ءبىرقىدىرۋ سەلبەستىك كەلىسىمدەرىنە قول قويدى.

    ۇعىسۋعا قاراعاندا، استانادا «جىبەك جولى ايالداماسىن» اشقاننان كەيىن، جاڭجياجيە رەسەيدىڭ سانكت – پەتەربۋرگ قالاسى قاتارلى شەتەلدەردىڭ قالالارىندا وسى تەكتەس قۇرىلعىلاردى سالىپ، «جاڭجياجيە جىبەك جولى ايالدامالار تورابىن» اشپاقشى.

جاۋاپتى رەداكتور:سايراش تۇرارجان قىزى