كومپارتيا مۇشەلەرىنىڭ بورىشىن ادالدىقپەن امالياتتا ايگىلەدى

    − مەملەكەتتىك تاڭداۋلى كومپارتيا مۇشەسى ليدا پەرۋاي قىزى جونىندە

    2016 - جىلى 4 - شىلدە كۇنى ليدا پەرۋاي قىزىنا «مەملەكەتتىك تاڭداۋلى كومپارتيا مۇشەسى» دەگەن داڭقتى اتاق بەرىلىپ، بۇقارانىڭ نازارىنداعى «ايگىلى ادامعا»، پارتيالى كادرلاردىڭ ۇيرەنۋ ۇلگىسىنە اينالدى. «مەملەكەتتىك تاڭداۋلى كومپارتيا مۇشەسى»، «مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە»، «اۆتونوميالى رايوندىق 10 ۇزدىك انا» سياقتى كوپتەگەن داڭقتى اتاق الدىندا ليدا پەرۋاي قىزى باستان - اياق قاراپايىم دا جاناسىمدى قاسيەتىن ساقتادى.

    55 جاسقا شىققان ليدا «كوپتەگەن اۋىر سالاۋات» ارقالاعان: ول الەۋمەتتىك اۋماق پارتيا باسشىلىق گرۋپپاسىنىڭ باستىعى، سەرىكتەستىكتىڭ القاسى، وتباسىندا قيىنشىلىعى بار 9 بالانىڭ «شەشەسى». ليدانىڭ قاربالاستىقتان تاماق ءىشۋدى دە ۇمىتىپ كەتەتىن كەزدەرى كوپ. ول: كومپارتيانىڭ مۇشەسى بولۋ مەنىڭ مەرەيىم، بورىش پەن مىندەتتى ارقالاي الامىن، - دەيدى.

    «ولاردىڭ قيىن جاعدايدان قۇتىلۋىنا مۇمكىندىگىمشە كومەكتەستىم»

    23 - ماۋسىم كۇنى ادىلبەك بىزگە: ليدا مەنىڭ ۇيرەنۋ ۇلگىم، مەن ول سياقتى باسقالارعا ۇنەمى كومەكتەسەمىن، - دەدى.

    ادىلبەك − ليدا سەرىكتەستىگىندەگى مۇگەدەك قىزمەتشى. 6 جىلدىڭ الدىندا جۇمىسقا ەشقانداي ەبى جوق ول ليدانىڭ سەرىكتەستىگىنە كەلىپ ىستەۋدى وتىنگەندە، ليدا ەش ءارى - ءسارى بولماستان ونى قابىلدايدى ءارى كەستە تىگۋدى قولما - قول ۇيرەتەدى. قازىرگى كەزدە ادىلبەك سەرىكتەستىكتىڭ نەگىزگى سۇيەنىشىنە اينالادى.

    31 جاسقا شىققان جىلى ليدا اكە - شەشەسى مەن كۇيەۋىنەن ايرىلىپ قالادى، اۋىر اياق ول تاعدىرعا مويىمايدى. 20 جىلدان بەرى ليدا ءوز كۇشىنە سۇيەنىپ كەدەيلىكتەن قۇتىلىپ، اۋقاتتانۋعا بەت الدى. قوس قولىنا سۇيەنگەن ول قازىر سەرىكتەستىكتىڭ اتقارۋشى القاسى. «جالعىز بايىعان ادام باي سانالمايدى، كوپشىلىكتى بايۋعا باستاعان ناعىز باي سانالادى». ليدا قولونەر بۇيىمدارى شەكتى جاۋاپكەرشىلىك سەرىكتەستىگىندە 90 قىزمەتكەر بار، مۇگەدەكتەر ونىڭ %60ىن ۇستايدى. «مەن ولاردىڭ قيىن - قىستاۋ جاعدايدان قۇتىلۋىنا مۇمكىندىگىنشە كومەكتەسىپ، ومىرگە دەگەن سەنىمىن ارتتىرۋدى ويلايمىن»، - دەيدى ليدا.

    12 جىلدىڭ الدىندا ليدا جەتىم بالالار شيۇڭ ميڭلۇڭ مەن شيۇڭ ميڭياندى ۇيىنە الىپ كەلىپ، 10 نەشە جىل باعىپ - قاعادى. ليدا 2 بالاعا «جۇلدىز»، «شۋاق» دەپ ات قويادى. ليدا: بالالارىمنىڭ ەلگە شۋاق بولىپ شاشىلۋىن ءۇمىت ەتەمىن. بالالارىم وتە كوپ، ولاردىڭ ءماندى دە ءساندى تۇرمىس كەشىرىپ جاتقانىن كورگەنىمدە ەڭبەگىمنىڭ ەش كەتپەگەنىن سەزدىم، - دەيدى.

جاۋاپتى رەداكتور:سايراش تۇرارجان قىزى