كورىكتى شينجياڭ قۇرۋدىڭ مىعىم كۇشىن ۇيىستىرايىق

    − شينجياڭعا باعىتتامالى كومەكتەسۋ قىزمەتىندە تىنباي تىڭ جاعداي اشايىق (3)

    20 جىلدان بەرى، اسىرەسە، پارتيا 18 - قۇرىلتايىنان بەرى، 19 ولكە، قالا، ورتالىقتاعى مەملەكەت ورگاندارى جانە ورتالىق كاسىپورىندارى پارتيا ورتالىق كوميتەتىنىڭ شينجياڭدى جونگە سالۋ جونىندەگى جالپى جوباسى مەن باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى سوزدەرىنىڭ رۋحىن دايەكتىلەندىردى، تياناقتاندىردى، شينجياڭعا كومەككە كەلگەن 20 مىڭعا جۋىق كادر كومەككە يە بولعان جەرلەردەگى ءار ۇلت بۇقاراسىنىڭ ماسەلەسىن شەشۋگە كۇش سالدى، شينجياڭنىڭ سان سالالى ىستەردە قول جەتكىزگەن قوماقتى تابىسى، قوعام ورنىقتىلىعى مەن ەكونوميكالىق دامۋى دۇيىم جۇرتقا ايان، ءار ۇلت حالىق بۇقاراسى پارتيا ورتالىق كوميتەتىنىڭ شىنايى قامقورلىعى مەن بۇكىل ەلىمىزدەگى ءار ۇلت حالقىنىڭ تەرەڭ سۇيىسپەنشىلىگىن جەتە سەزىندى. شينجياڭعا باعىتتامالى كومەكتەسۋ قىزمەتىنىڭ ورىستەتىلۋى شينجياڭنىڭ رەفورما، دامۋ، ورنىقتىلىق ىسىنە قۇدىرەتتى تەبىن جانە ومىرشەڭدىك كۇش باعىشتادى.

    كەزەكتە شينجياڭعا باعىتتامالى كومەكتەسۋ قىزمەتى بۇرىنعىعا مۇراگەر، كەيىنگىگە بۇيداگەر بولاتىن شەشۋشى كەزەڭگە ءوتتى. شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسى شينجياڭعا باعىتتامالى كومەكتەسۋ قىزمەتىندەگى قۇندى تاجىريبەلەردى جۇيەلى قورىتىندىلاۋمەن بىرگە، شينجياڭ قىزمەتىندە، اسىرەسە، شينجياڭعا باعىتتامالى كومەكتەسۋ قىزمەتىندە ءدوپ كەلگەن جاڭا جاعدايلار مەن جاڭا مىندەتتەرگە ىشكەرىلەي تالداۋ جاساپ، شينجياڭعا باعىتتامالى كومەكتەسۋ قىزمەتىنىڭ نەگىزگى وي جەلىسى مەن ءتۇيىندى قىزمەتتەرىن ايقىندادى، بۇل ءبىزدىڭ جاڭا جاعدايدا شينجياڭعا كومەكتەسۋ قىزمەتىن جاقسى ىستەۋىمىزگە عىلمي ءجون سىلتەيتىن ماڭىزدى ولشەم. وسى رەتكى ءماجىلىستىڭ ماڭىزدى رۋحىن مۇقيات دايەكتىلەندىرۋدى، تياناقتاندىرۋدى كەزەكتەگى ماڭداي الدى ساياسي مىندەت ەتىپ، نازاردى باس نىساناعا شوعىرلاندىرىپ، تياناقتاندىرۋدى قۇلشىنا مىقتى يگەرىپ، شينجياڭ قىزمەتىندە قۇلشىنا جاڭا جاعداي اشىپ، كورىكتى شينجياڭ قۇرۋعا، وتان ارمانىن بىرگە ورىنداۋعا مىعىم كۇش ۇيىستىرۋىمىز كەرەك.

    تىڭ بەلەستەن تىڭ جورىققا اتتانۋ. شينجياڭعا باعىتتامالى كومەكتەسۋ قىزمەتىنىڭ مەملەكەتتىك 6 - رەتكى ءماجىلىسىن باستاما ەتىپ، شينجياڭعا كومەكتەسۋ قىزمەتىندە تىڭ باستاما باستالدى. الداعى 5 جىل − شينجياڭ جونىنەن قوعام ورنىقتىلىعى مەن باياندى تىنىشتىققا بەرىك نەگىز قالايتىن شەشۋشى مەزگىل، كەدەيلىكتەن قۇتىلدىرۋدان قامال الۋ شايقاسىندا، جاپپاي دوڭگەلەك داۋلەتتى قوعام قۇرۋ شەشۋشى شايقاسىندا شەشۋشى جەڭىسكە قول جەتكىزەتىن كەزەڭ. ءبىز شينجياڭنىڭ رەفورما، دامۋ، ورنىقتىلىق ىستەرىنە ساياتىن ءتۇبىرلى، نەگىزگى، بولاشاقتىق ماسەلەلەرگە كۇشتى دالمە - ءدال جۇمساپ، ءار ۇلت بۇقاراسىنىڭ كوكەيىندەگى ماسەلەلەردى كوبىرەك شەشىپ، بۇقارانىڭ ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، يگى ىستەردى باتىل جاقسى ىستەپ، قيىن ىستەردى تىڭعىلىقتى ىستەپ، ەلەۋلى ىستەردى تىندىرىمدى ىستەپ، شينجياڭعا كومەكتەسۋ قىزمەتىنىڭ ساپاسى مەن ورەسىن جاپپاي جوعارىلاتىپ، تۇتاس شينجياڭداعى ءار ۇلت بۇقاراسىنىڭ اقىل - پاراساتى مەن كۇش - قۋاتىن شوعىرلاندىرعاندا عانا، شينجياڭ قىزمەتىندە ۇزدىكسىز جاڭا جاعداي اشۋعا بەرىك نەگىز قالاۋعا بولادى.

    يدەيا − ارەكەتتىڭ جەتەكشىسى. جاڭا جاعدايدا شينجياڭ قىزمەتىن جاقسى ىستەۋ ءۇشىن، ەڭ اۋەلى، يدەيانى وسكەلەڭ دارەجەدە بىرلىككە كەلتىرۋ كەرەك. «4 تانىمدى» ونان ارى نىعايتىپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمداردى، جاڭا يدەيالاردى، جاڭا ستراتەگيالاردى ىشكەرىلەي ۇيرەنىپ، دايەكتىلەندىرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن مۇقيات دايەكتىلەندىرىپ، تياناقتاندىرىپ، ءتوراعا يۇي جىڭشىڭنىڭ ماڭىزدى ءسوزى مەن ماڭىزدى نۇسقاۋىنىڭ رۋحىن تياناقتاندىرىپ، شينجياڭدى زاڭ بويىنشا جونگە سالۋدان، ىنتىماقتاستىرا ورنىقتىرۋدان، باياندى كوركەيتۋدەن جازباۋ كەرەك؛ «بەسكە، ءسوز جوق، تاباندى بولۋ» ماڭىزدى پرينسيبىن ۇزدىكسىز دايەكتىلەندىرۋ كەرەك، بۇل − شينجياڭعا كومەكتەسۋ قىزمەتىندە قوماقتى تابىسقا قول جەتكىزۋدىڭ ماڭىزدى كەپىلى؛ «التىعا ءتىپتى دە باسا ءمان بەرۋ» ءتۇيىندى مىندەتىن باستان - اياق مىقتى يگەرىپ، «التىدان اۋىتقىماۋ» قىزمەت ءتۇيىنىن باتىل تياناقتاندىرۋ كەرەك، بۇل − كەلەسى قادامداعى شينجياڭ قىزمەتىندەگى ماڭىزدى ءتۇيىن ءارى قيىن ءتۇيىن، قامال الۋ ءتۇيىنى.

    جۇمىستىڭ ءبىر ۇلەسى ورنالاستىرۋدا، 9 ۇلەسى تياناقتاندىرۋدا. جەر - جەر، تاراۋلار شينجياڭ قىزمەتىندەگى جاڭا جاعدايعا، جاڭا مىندەتتەرگە ساي، قىزمەت مىندەتى مەن جاۋاپكەرشىلىكتى باس نىسانانى مىقتاپ ارقاۋ ەتە وتىرىپ اتقارىپ، بارىنشا كۇش سالۋ كەرەك. قوعامدىق جالپى جاعدايدىڭ جاراسىمدىلىعىن، ورنىقتىلىعىن قورعاۋ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك ەتۋدەن جازباي، لاڭكەستىككە قارسى تۇرىپ، ورنىقتىلىقتى قورعاۋدىڭ «كەشەندى شارالارىن» تياناقتاندىرىپ، «3 قيان - كەسكى شايقاس» پەن «ءبىر حالىقتىق شايقاستى» باتىل جۇرگىزۋ؛ كەدەيلىكتەن قۇتىلدىرۋدان قامال الۋ شايقاسىندا باتىل جەڭىسكە جەتىپ، كۇشتى شوعىرلى، دالمە - ءدال جۇمساپ، شينجياڭعا كومەكتەسۋ باسىمدىعىن ساۋلەلەندىرىپ، بۇكىل ەلىمىزبەن تەڭ قادامدا جاپپاي دوڭگەلەك داۋلەتتى قوعام قۇرۋعا شىنايى كەپىلدىك ەتۋ؛ نەگىزگى ساتى نەگىزىن ونان ارى بەكەمدەپ، نەگىزگى ساتىنى مىقتى يگەرۋ مەن نەگىزدى بەرىك قالاۋدى شينجياڭدى ورنىقتىرۋداعى، شينجياڭنىڭ تىنىشتىعىن ساقتاۋداعى بولاشاقتىق جوسپار جانە نەگىزدى بەكەمدەۋ شاراسى ەتۋ؛ كاسىپ سالاسى بويىنشا شينجياڭعا كومەكتەسۋدى ۇزدىكسىز ىلگەرىلەتىپ، جۇمىسقا ورنالاستىرۋ ءورىسىن ۇزدىكسىز كەڭەيتىپ، وقۋ - اعارتۋ ءىسىن الدىمەن دامىتىپ، شينجياڭعا كومەككە كەلگەن كادرلاردىڭ، دارىندىلاردىڭ رولىن تولىق ساۋلەلەندىرىپ، ۇلتتار ىنتىماعىن بەكەمدەپ جانە دامىتىپ، حالىق تۇرمىسىن شىن مانىندە قامتاماسىز ەتىپ جانە جاقسارتىپ، شينجياڭعا كومەكتەسۋ قىزمەتىنە بولعان ۇيىمدىق باسشىلىقتى كۇشەيتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز اتتىرىپ، جاڭا جاعدايدا شينجياڭ قىزمەتىن بار كۇشپەن جاقسى ىستەۋ كەرەك.

    تاريحي كەلەلى مىندەت پەن ءداۋىر ۇندەۋى الدىندا، ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، ۋاقىت كۇتىپ تۇرمايدى، مەنەن باسقا كىم بار دەيتىن بەكىممەن، ءورىس اشا ىلگەرىلەۋ رۋحىمەن ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ جولىندا تالىقپاي تالپىنىپ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋىمىز كەرەك.

جاۋاپتى رەداكتور:سايراش تۇرارجان قىزى