تۇزىلىسكە، مەحانيزمگە جاڭالىق جاساپ، دارىندىلاردىڭ جاڭالىق اشۋ، جاسامپازدىق، شارۋاشىلىق قۇرۋ ومىرشەڭدىك كۇشىن تاسقىنداتايىق

    ج ك پ اۆتونوميالى رايوندىق 9 - قۇرىلتايى دارىندىلارعا ءمان بەرىپ، ءتۇرلى دارىندىلاردىڭ ناقتى ءىس ىستەپ، شارۋاشىلىق قۇرۋىنا تەكشە ازىرلەپ، قامتاماسىز ەتىپ، دارىندىلاردى تاني بىلەتىن، دارىندىلاردى ايالايتىن، اركىم ءوز دارىنىن تولىق تانىتاتىن، اركىم ءوز دارىنىن تولىق، دەر كەزىندە ايگىلەيتىن جاندى دا جالىندى جاعداي قالىپتاستىرۋ كەرەكتىگىن العا قويدى. تاياۋدا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «دارىندىلاردى دامىتۋ ءتۇزىلىسى، مەحانيزمى رەفورماسىن تەرەڭدەتۋ جونىندەگى اتقارۋ پىكىرىن» جاريالادى (تومەندە قىسقارتىلىپ «اتقارۋ پىكىرى» دەلىنەدى)، بۇل رايونىمىزدىڭ دارىندىلاردى دامىتۋ ءتۇزىلىس، مەحانيزم رەفورماسىن تەرەڭدەتۋ جونىندەگى تۇڭعىش جالپىلىق حۇجاتى.

    «اتقارۋ پىكىرى» ورتالىقتىڭ «دارىندىلاردى دامىتۋ ءتۇزىلىسى، مەحانيزمى رەفورماسىن تەرەڭدەتۋ جونىندەگى پىكىرىنىڭ» رۋحىن جاپپاي دايەكتىلەندىرىپ، رايونىمىزدىڭ دارىندىلاردى دامىتۋ ءتۇزىلىسى، مەحانيزمىنىڭ نەنى وزگەرتۋى، قالاي وزگەرتۋى جونىنەن «قۇرىلىس چەرتوجىن» سىزىپ، «باعدار كورسەتكىشىن» ازىرلەدى.

    باس شۋجي شي جينپيڭ جۇڭگونىڭ ىستەرىن جاقسى ىستەۋدىڭ تەتىگى پارتيادا، تەتىگى ادامدا، تەتىگى دارىندىلاردا ەكەنىن باسا دارىپتەگەن بولاتىن. اۆتونوميالى رايوندىق پارتكوم قاشاندا دارىندىلاردى دامىتۋعا ايرىقشا ءمان بەرىپ، رايوندى دارىندىلارمەن كۇشەيتۋ ستراتەگياسىن زور كۇشپەن اتقارىپ، دارىندىلارعا ۇسىنىلىمدى مولايتىپ، دارىندىلاردىڭ دامۋ ورتاسىن ساپالىلاندىرىپ، دارىندىلار قوسىنى قۇرىلىسى كورنەكتى ىلگەرىلەۋشىلىككە قول جەتكىزدى. تۇتاس رايونىمىزداعى 2 ميلليون 900 مىڭ دارىندى شينجياڭنىڭ قوعام ورنىقتىلىعى مەن باياندى تىنىشتىعىن قورعاۋداعى ماڭىزدى كۇشكە اينالدى. سونىمەن قاتار كەزەكتە رايونىمىزدا دارىندىلاردىڭ جەتىسپەۋى، كەتىپ قالۋى، ويداعىداي ىستەتىلمەۋى سياقتى ماسەلەلەردىڭ ءالى دە كورنەكتى ەكەنىن، دارىندىلاردى دامىتۋ تۇزىلىسىندە، مەحانيزمىندە ءالى دە تەرەڭ قاتپارلى كەدەرگىلەر ساقتالىپ وتىرعانىن كورە ءبىلۋىمىز كەرەك. قالىڭ دارىندىلاردىڭ جاڭالىق اشۋ، جاسامپازدىق، شارۋاشىلىق قۇرۋ ومىرشەڭدىك كۇشىن تاسقىنداتىپ، شينجياڭ قىزمەتى باس نىساناسىنىڭ جاڭا تالاپتارىنا، جاڭا مىندەتتەرىنە ۇزدىكسىز سايكەستىرۋ، ماسەلەنى شەشۋدى نىشان ەتۋدەن جازباي، دارىندىلاردى باسقارۋ، باعالاۋ، اۋىستىرۋ، شابىتتاندىرۋ سياقتى ءتۇرلى بۋىنداردىڭ «جان تامىرىنا» توتە شارا قولدانىپ، جاڭالىق اشۋعا تۇساۋ بولاتىن ءتۇرلى بوگەتتەردى الاستاۋ كەرەك.

    دارىندىلاردى باسقارۋ ءتۇزىلىس رەفورماسىن تەرەڭدەتۋ. ۇقىقتى تومەنگە بەيىمدەۋ، سويلەۋ ۇقىعىن بەرۋ − مۇنداعى ءتۇيىن. «اعاشتىڭ ماۋە بەرۋى قۇنارلى توپىراقتان ايرىلا المايدى». دارىندىلاردىڭ ءورىس اشىپ، ەمىن - ەركىن جاڭالىق اشۋىنا مۇمكىندىك جاساۋ. باستىسى، ۇكىمەت، بازار، قوعام جانە ادام ىستەتۋشى نەگىزگى تۇلعا اراسىنداعى قاتىناستى جونگە سالۋ، دارىندىلاردى باسقارۋدا اناعۇرلىم عىلمي دا ءونىمدى ءتۇزىلىس ورناتۋ اياق الىسىن جەبەۋ. ۇكىمەتتىڭ دارىندىلاردى باسقارۋعا قىزمەت كورسەتۋ ۇقىعى مەن جاۋاپكەرشىلىك تىزبەسىن جاساپ، دارىندىلاردى باسقارۋدا ۇكىمەت ورىندارىن ىقشامداپ، ۇقىقتى تومەنگە ءتۇسىرۋ، شىرماۋدان بوساتۋ، تومەنگە بەيىمدەۋگە ءتيىستى ۇقىقتى تومەنگە بەيىمدەۋ، بازاردىڭ قولىنان كەلەتىن ىستەردى بازارعا تابىستاۋ، ادام ىستەتۋشى نەگىزگى تۇلعاعا شەكتەن تىس كيلىگۋگە تەجەۋ سالىپ، ادام ىستەتۋشى نەگىزگى تۇلعانىڭ دەربەس ۇقىعىن قامتاماسىز ەتۋ، تياناقتاندىرۋ، بازارلانعان، قوعامدانعان دارىندىلاردى باسقارۋعا قىزمەت كورسەتۋ جۇيەسىن ۇزدىكسىز كەمەلدەندىرۋ كەرەك.

    دارىندىلار قىزمەتى مەحانيزمى رەفورماسىن تەرەڭدەتۋ. قامال الۋ بەتالىسى مەن ءتۇيىندى ايقىنداۋ − مۇنداعى ءتۇيىن. «دارىن − قابىلەتتىڭ ارقاسىندا ەڭبەك جەمىسى ماۋەلەيدى، قابىلەتتىڭ ارقاسىندا كاسىپ ءورىسى كەڭەيەدى». دارىندىلار قىزمەتى مەحانيزمى رەفورماسى دارىندىلاردى باۋلۋ، دارىندىلاردى قابىلداۋ، دارىندىلاردى ىستەتۋ سىندى تۇتاس بارىستى قامتيدى، جەلىسى ۇزىن، جاي - جاپسارى كۇردەلى كەلەدى، نازاردى ورتالىقتىڭ شينجياڭدى جونگە سالۋ جالپى جوباسى جانە اۆتونوميالى رايوننىڭ كەلەلى شەشىمدەرى مەن ورنالاستىرۋلارىنا شوعىرلاندىرىپ، دارىندىلاردى باۋلۋعا قولداۋ كورسەتۋدەگى دالدىك پەن ونىمدىلىكتى كورنەكتىلەندىرۋ كەرەك. اناعۇرلىم بەلسەندى، اناعۇرلىم اشىق، اناعۇرلىم ءونىمدى دارىندىلاردى قابىلداۋ جونىندەگى يكەمدى ساياساتتاردى اتقارۋ، جەرىنە قاراماۋ، كەمەلدى بولۋىنا بوي ۇرماۋ، قالىپپازدىقتان اۋلاق بولۋ، اينالىمداعى «اينەك ەسىك ەففەكتى» مەن «توبە ەففەكتىن» جويۋ، دارىندىلاردى مولىنان قابىلداۋ ارناسىن كەڭەيتىپ، تالانتتى دارىندىلاردى مولىنان قابىلداۋ. باعالاۋ، شابىتتاندىرۋعا كەپىلدىك ەتۋدەگى «ديريجەر تاياقشاسى» رولىن ويداعىداي ساۋلەلەندىرۋ، احىلاق - ءمورالعا، قابىلەتكە، كاسىپتىك ناتيجەگە، اقىل - پاراساتقا ءمان بەرەتىن قۇن بەتالىسىن ورناتۋعا كۇش سالۋ، دارىندىلاردى الدىمەن دامىتۋعا دەن قوياتىن، الدىمەن قارجى قوساتىن قوعامدىق ورتاق تانىم قالىپتاستىرۋ كەرەك.

    دارىندىلاردى دامىتۋ ءتۇزىلىس مەحانيزمى رەفورماسىن تەرەڭدەتۋ. پارتيانىڭ دارىندىلاردى باسقارۋ پرينسيبىنەن، ءسوزسىز، اۋىتقىماۋ. دارىندىلاردى دامىتۋ ءتۇزىلىس مەحانيزمى رەفورماسىنىڭ شارپيتىن اۋماعى كەڭ، ساياساتتىق سيپاتى كۇشتى، ءبىر بۋىن تۇتاس تۇلعاعا اسەر ەتەدى، اۋەلى، ءىشىنارالارى تەرەڭ قاتپارداعى داۋ - شار جانە مۇددە جۇيەسىنە بارىپ تىرەلەدى. «مەملەكەت قۋاتى دارىندىلاردىڭ ارقاسىندا نىعايادى». پارتيانىڭ دارىندىلار قىزمەتىنە دەگەن ءبىر تۇتاس باسشىلىعىن كۇشەيتۋ، «تۇتاس تۇلعا» يدەياسىن ورناتۋ، نازاردى باس نىساناعا قىزمەت كورسەتۋگە شوعىرلاندىرۋ، سايكەستى جەبەۋ، تەڭ يگەرىپ، بىردەي باسقارۋ، باعىتتاس، بىلەكتەس بولاتىن پارتيانىڭ دارىندىلاردى باسقارۋ قىزمەتىنىڭ سونى جۇلگەسىن قالىپتاستىرۋ كەرەك. پارتيا ۇيىمىنىڭ دارىندىلاردى ۇيىستىرۋ رولىن جەتە ساۋلەلەندىرىپ، ساياسات جاعىنان جەتەكشىلىك ەتۋ، ساياسات جاعىنان قابىلداۋ، ىنتىماقتاستىرۋ، باستاۋ، جەتەكشىلىك ەتۋگە قىزمەت كورسەتۋ قىزمەتىن ويداعىداي ىستەپ، دارىندىلارعا رياسىز پەيىلمەن كوڭىل ءبولۋ، دارىندىلاردى ايالاۋ، دارىندىلاردىڭ تابىسقا جەتۋىنە مۇمكىندىك جاساۋ كەرەك.

    «دارىندىلاردىڭ ارقاسىندا ءىس ىلگەرى باسادى». دارىندىلاردى دامىتۋ ءىسى ءبىر قادام ىلگەرىلەگەن سايىن، دامۋداعى قوزعاۋشى كۇش سولعۇرلىم تەبىندەيدى، قوعام ورنىقتىلىعى مەن باياندى تىنىشتىققا ءبىر تىرەۋ كەلىپ قوسىلادى. «اتقارۋ پىكىرىندە» ءتۇزىلىس مەحانيزمىندە جاڭالىق اشۋ، دارىندىلاردى باۋلۋ - تاربيەلەۋدى دامىتۋداي ءتۇزىم ابزالدىلىعىنىڭ ارقاسىندا، دارىندىلار قۋاتى مىعىم ءوڭىر قۇرۋ ارمانى سۇلباسى بىرتە - بىرتە كورىنە باستادى. جەر - جەر، تاراۋلار جاۋاپكەرشىلىك سەزىمدى، بورىشتىلىق سەزىمدى، كوكەي تەستىلىك سەزىمدى شىن مانىندە كۇشەيتىپ، ءتۇيىندى مىقتى يگەرۋگە، ولقىلىقتاردى تولىقتاۋعا، سارا جول اشۋعا كۇش سالىپ، دارىندىلار ءتۇزىلىسى مەحانيزمىندەگى كەدەرگىلەردى كۇش سالا الاستاۋ، تۇتاس رايونىمىزداعى دارىندىلاردىڭ جاڭالىق اشۋىنا، جاسامپازدىقپەن شۇعىلدانۋىنا، شارۋاشىلىق قۇرۋىنا دەم بەرۋ، كورىكتى شينجياڭ قۇرۋعا، وتان ارمانىن جۇزەگە اسىرۋعا اقىل - پاراسات جانە كۇش - قۋاتىن باعىشتاۋعا مۇمكىندىك تۋدىرۋى كەرەك.

جاۋاپتى رەداكتور:سايراش تۇرارجان قىزى