جەمەنەي اۋدانىندا فۋتبول جارىسى وتكىزىلدى

    ساتەش ايتىكەن قىزى حابارلايدى. قوعام ورنىقتىلىعى مەن باياندى تىنىشتىقتى باستى نىسانا ەتىپ، ۇلتتاردىڭ ۇلى ىنتىماعى سىندى ۇلى تۋدى بيىك كوتەرىپ وتىرعان ماڭىزدى ساتتە جەمەنەيدىڭ فۋتبول رۋحىن ساۋلەلەندىرۋ، جازدىق دەنە شىنىقتىرۋ، ءوزارا ىنتىماقتاسۋ، تاجىريبە الماستىرۋ، جازدىق دەمالىستا اۋىلىنا قايتقان ستۋدەنتتەردىڭ قوعامدىق مادەني قيمىلىن بايىتۋ ماقساتىندا 2017-جىلى 11-،  14-شىلدە كۇندەرى جەمەنەي اۋدانى جەمەنەي قالاشىعى شارىقتى مەكتەبىندە تولىق ورتا مەكتەپ بىتىرگەن ساباقتاستار كومانداسىنىڭ 1-كەزەكتى بەس ادامدىق فۋتبول جارىسى وتكىزىلدى.

    قىستىڭ قاقاعان ايازىنا، جازدىڭ شىلىڭگىر ىستىعىنا قاراماي جەمەنەيدەگى حالىقتىڭ فۋتبولعا دەگەن اۋەسىنىڭ، قولداپ-قۋاتتاۋىنىڭ ارقاسىندا وتكىزىلىپ، مارەسىن تاۋىپ كەلە جاتقان ءار كەزەك جارىستىڭ دا ءوز مەرەيى، سالتاناتى بار ەكەنى دە كوپكە ايان. بۇل رەتكى جارىسقا جيىنى 12 كوماندا قاتىناسقان بولىپ، جارىستى 1996-جىلى تولىق ورتا بىتىرگەن ساباقتاستار كومانداسى ۇيىمداستىرىپ وتكىزدى.

    بۇل تۋرالى «مۇزتاۋ» فۋتبول كومانداسىنىڭ جاتتىقتىرۋشىسى، 1996-جىلدىق ساباقتاستار كومانداسىنىڭ جاۋاپتىسى اقىل جۇماجان ۇلى بىلاي دەدى: «ءبىز بۇل رەتكى جارىستىڭ باسەكەلى دە قىزعىندى بولۋى ءۇشىن ‹مۇزتاۋ› فۋتبول كومانداسىنداعى فۋتبولشىلاردى ءار جىلدىق كوماندالارىنا ءبولىپ ورنالاستىرىپ، جارىستىڭ قىزعىندى ءوتۋىن كەپىلدەندىردىك».

    فۋتبول جارىسى —  دۇنيە جۇزىلىك سيپات العان ماڭىزدى دەنەتاربيە قيمىلى سانالادى. ال، جەمەنەيدەگى فۋتبول اۋەسكەرلەرى جونىنەن دە ماڭىزى ەرەكشە زور. ءار جىلى، ماۋسىم، مەزگىل سايىن وسىلاي رەتىن تاۋىپ جالعاسقان جارىس بۇل رەت تە ءساتتى وتكىزىلىپ ءادىل دە شەشۋشى جارىس ارقىلى 2007-جىلدىق «دوس» كومانداسى بىرىنشىلىكتى، 1996-جىلدىق ساباقتاستار كومانداسى ەكىنشىلىكتى، شارىقتى مەكتەپ كومانداسى ۇشىنشىلىكتى ەنشىلەپ، جارىس لوڭقاسى 2007-جىلدىق «دوس» كومانداسىنا ۇسىنىلدى.

    2007-جىلدىق «دوس»كومانداسىنىڭ ۇيىمداستىرۋشىسى ەرجان قاباتاي ۇلى: «بۇل رەتكى جارىس بەرەكە-بىرلىكتى دارىپتەۋ، ۇلتتار ىنتىماعىن جىرلاۋ تاقىرىبىندا بولىپ ويداعىداي ءساتتى بولدى. مەن وسى ورايدا كوماندامىز اتىنان وسى رەتكى جارىستى قولداپ-قۋاتتاپ ۇيىمداستىرىپ وتكىزىپ بەرىپ وتىرعان اعالارعا، دوپ مايدانىن دايارلاپ بەرىپ وتىرعان شارىقتى مەكتەبىنىڭ باسشىلارىنا العىس ايتامىن. بۇدان بىلاي دا جالعاستى وسىنداي جارىستىڭ ءۇردىسىن تاۋىپ وتكىزىلىپ تۇرۋىنا تىلەكتەسپىز. بۇدان بۇرىنعى جارىستاردا دا كوماندامىز اعالاپ العا شىعىپ داڭق تورىنەن كورىنىپ كەلەدى. بۇل دا بولسا كومانداداعى مۇشەلەردىڭ ىنتىماعى، بەرەكە-بىرلىكتىڭ كۇشى»،-دەپ بىلەمىز.

جاۋاپتى رەداكتور:سايراش تۇرارجان قىزى