لياۋنيىڭنان شينجياڭعا باعىتتامالى كومەككە كەلگەن ماماندار اۋىل-قىستاققا ءتۇسىپ تەگىن دەنساۋلىق تەكسەرۋ قيمىلىن قانات جايدىردى

 
ماماندار قىستاق تۇرعىندارىنىڭ دەنساۋلىعىن تەگىن تەكسەرۋدە.
 

    جەڭىسحان اسقار ۇلى، اۋاحان تۇراپ قىزى حابارلايدى. 13-شىلدە كۇنى، ايماقتىق دەنساۋلىق ساقتاۋ جوسپارلاۋ كوميتەتىنىڭ ورىنباسار مەڭگەرۋشىسى (ليۋنيڭنەن شينجياڭعا باعىتتامالى كومەككە كەلگەن كادر) لياۋنيڭ ولكەسى جۇڭگوشا ەمدەۋ مەديتسينا ۋنيۆەرسيتەتىنە قاراستى ايەلدەر ءبولىمى، سىرتقى اۋرۋلار ءبولىمى، ىشكى اۋرۋلار ءبولىمى، جۇرەك مي قان تامىرلار ءبولىمى، اسقازان-ىشەك ءبولىمى، قۇلاق، كوز، مۇرىن ءبولىمى سىندى 10 باعىتتامالى كومەككە كەلگەن ەمدەۋ سالاسىنداعى مامانداردى باستاپ، ساۋان اۋدانى داچۋان اۋىلى شىعىس قالا ماڭى قىستاعىنا ەرتىپ كەلىپ، قىستاقتاعى تۇرعىندارعا قىزمەت وتەپ، تەگىن دەنساۋلىق تەكسەرۋ قيمىلىن الىپ باردى.

    ايماقتىق دەنساۋلىق ساقتاۋ جوسپارلاۋ كوميتەتىنەن وسى قىستاققا تۇسكەن قىزمەت اترەتىندەگى كادرلار مەن «قىستاق ەكى كوميتەتىندەگى» باسشى كادرلار قىستاقتاعى تۇرعىنداردى ۇيىمداستىرىپ، تەگىن دەنساۋلىق تەكسەرتۋ قيمىلىنا قاتىناستىردى.

 
ماماندار قىستاق تۇرعىندارىنىڭ دەنساۋلىعىن تەگىن تەكسەرۋدە.

    ماماندار تامىر ۇستاپ، اۋرۋ جاعدايىن سۇراپ ۇعىسىپ، قان قىسىمىن ولشەپ، سونى مەن بىرگە قىستاق تۇرعىندارىنىڭ سۇراعان ءتۇرلى سۇراقتارىنا سابىرلىقپەن جاۋاپ بەرىپ، ادەتتەگى جاعداي دا دەنساۋلىق احۋالدارىنا مۇقيات كوڭىل ءبولىپ، تۇرمىستىق ادەت، تاماقتانۋ، ەڭبەك ىستەۋ، اۋرۋدىڭ الدىن الۋ، ساقتانۋ شارالارىن ءبىر-بىرلەپ وتىرىپ مۇقياتتىلىقپەن ۇعىندىردى.

    وسى رەتكى قيمىلدى الىپ بارۋ ارقىلى جيىنى 50 دەن استام قىستاق تۇرعىندارىنىڭ دەنساۋلىعىن تەكسەرىپ، اۋرۋدان قالاي ساقتاۋ جونىندە اقاسىزدىق تاربيەسىن جۇرگىزىپ، ولاردىڭ اۋرۋدان ساقتانۋ تانىمىن جوعارلاتىپ، ءار سالانىڭ ماماندارىن قىستاق تۇرعىندارىنىڭ ەسىك الدىنا جەتكىزىپ، اقىسىز دەنساۋلىق ساقتاۋ قيمىلىن ورىستەتىپ، ولارعا پارتيا مەن ۇكىمەتتىڭ مەيىرىن سەزىندىردى.

 تىلشىلەردىڭ قىزمەت ورنى: ساۋان اۋدانى مادەنيەت دەنەتاربيە مەكەمەسى

جاۋاپتى رەداكتور:نۇرجان مينۋار قىزى