قىزمەت اترەتىندەگىلەر قىستاق بۇقاراسىن اۋلا شارۋاشىلىعىن دامىتۋعا باستادى

    گۇلنار ءاۋساي قىزى حابارلايدى. بيىل ايماقتىق جەرلىك باجى مەكەمەسىنەن شىڭگىل اۋدانى شاعانعول اۋىلىنىڭ ساربۇلاق قىستاعىنا تۇسكەن قىزمەت اترەتىندەگىلەر قىستاق تۇرعىندارىنىڭ اۋلا شارۋاشىلىعىن دامىتىپ، كىرىستەرىن ارتتىرۋلارىنا باستاماشى بولدى.

    قىزمەت گرۋپپاسىنداعىلار وتباسىلارىن ارالاپ جاعداي يەلەۋ بارىسىندا قىستاق تۇرعىنى جازەننىڭ جولداسىنىڭ ءار جىلى جازدا تاۋعا شىعىپ مال باعاتىنىن، ءوزى ۇيدە قالىپ بالالارعا قارايتىنىن ۇعىسقاننان كەيىن وعان قاز، ۇيرەك، قىزىل تۇمسىق تىرنا جەتكىزىپ بەرىپ، باعىمشىلىق تەحىنيكاسىن ۇيرەتەدى ءارى كاسپورىنمەن قامداۋ ساتۋ توقتامىن ءتۇزىسىپ، ونىڭ 60 مۋ جەر شاپپالىعىن ويداعىداي پايدالانىپ، اۋلا شارۋاشىلىعىن دامىتۋىنا باستاماشى بولادى.

    شاعانعول اۋىلى ساربۇلاق قىستاعىنىڭ تۇرعىنى جازەن تىلشىگە بىلاي دەدى:«بيىل قىزمەت اترەتىندەگىلەر 100 قاز، ۇيرەك تاراتىپ، باعۋ تەحىنيكاسىن ۇيرەتتى. بۇدان تۇسەتىن جىلدىق كىرىسىمىز 5000 يۋانعا بارادى».

    قىستاق تۇرعىنى التىن قىستاقتا اشىلعان اسپازشىلىققا تاربيەلەۋ كۋرسىنە قاتىناسقاننان كەيىن، ءوزىنىڭ شارۋالار ساياجايىن اشۋ ويىن جۇزەگە اسىرادى. سونداي-اق قىزمەت اترەتىندەگىلەردىڭ قولداۋى مەن كومەگىنە يە بولادى.

    التىن تىلشىگە بىلاي دەدى: «قازىر ساۋدام جاقسى، قىزمەت اترەتىندەگىلەر ماعان قاجەتتى ىدىس-اياق، تاۋىق، ۇيرەك ەتى قاتارلىلاردى جەتكىزىپ بەرەدى. 10 كۇندەگى كىرىسىم 4000 دا 5000 يۋان اينالاسىندا بولدى».

    قىزمەت اترەتىندەگى كادرلار تاعى كوكونىس ۇرىعىن اكەلىپ ەگىپ، قىستاق تۇرعىندارىنىڭ ەسىك الدارىندا ءار تۇردەگى كوكونىس ەگۋلەرىنە جەتەكشىلىك ەتەدى.

    شاعانعول اۋىلى ساربۇلاق قىستاعىنىڭ تۇرعىنى ناپيزا تىلشىگە بىلاي دەدى: «قىزمەت اترەتىندەگىلەردىڭ جەتەكشىلىگىندە كوكونىس، قاراقات، بۇلدىرگەندەردى ءوزىمىز ەگىپ، سىل ءتۇستى ازىقتىق تۇتىناتىن بولدىق».

    ايماقتىق جەرلىك باجى مەكەمەسىنەن تۇسكەن قىزمەت اترەتىندەگىلەردىڭ قۇلشىنىسىنىڭ ارقاسىندا شاعانعول اىۋلى ساربۇلاق قىستاعىنداعى جەلەكتىلەر اۋلا شارۋاشىلىعىن دامىتىپ، وسى قىستاقتىڭ كەدەيلىكتەن قۇتىلۋدان قامال الۋىنا بەرىك نەگىز قالادى.

    ايماقتىق جەرلىك باجى مەكەمەسىنىڭ كادىرى ۇي تايجياڭ تىلشىگە بىلاي دەدى: «ءبىز قىستاقتاعى 10 وتباسىن تالداپ، تاۋىق، ۇيرەك، قىزىل تۇمسىق تىرنا باعۋ تەحنيكاسىن ۇيرەتتىك. قىستاق تۇرعىندارىنىڭ سايكەسۋى دە وتە جاقسى. قازىرگە دەيىن 4000 ءتۇپ قاراقات، 3000 ءتۇپ شىرعاناق قالامشاسى وتىرعىزىلدى. ءبىز ەندى ءتىپتى دە كوپتەگەن بۇقارانىڭ اۋلا شارۋاشىلىعىن دامىتىپ، كىرىستەرىن ارتتىرۋلارىنا باستاماشى بولامىز».

 ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور:سايراش تۇرارجان قىزى