كۇيتۇن قالاسىنىڭ قارتتار دەنەتاربيە قىزمەتىن ورىستەتۋ احۋالىنا تەكسەرۋ – زەرتتەۋ جۇرگىزىلدى

    ەركىنعازى احىمەتباي ۇلى حابارلايدى. اۆتونوميالى رايوندىق قارتتار دەنەتاربيە قوعامىنىڭ ءتوراعاسى تىلەبالدى ابدىرەشيت ۇلى گرۋپپا باستىعى بولعان اۆتونوميالى رايوندىق قارتتار دەنەتاريبە قىزمەتىن تەكسەرۋ – زەرتتەۋ گرۋپپاسى 10 – شىلدەدە كۇيتۇن قالاسىنىڭ قارتتار دەنەتاربيە قىزمەتىن ورستەتۋ احۋالىنا تەكسەرۋ – زەرتتەۋ جۇرگىزدى.

    تەكسەرۋ جۇرگىزۋدىڭ الدىندا وتكىزىلگەن اڭگىمە ماجىلسىندە، كۇيتۇن قالالىق پارتكومىنىڭ ورىنباسار شۋجيى، قالا باستىعى سەرىك ماحات ۇلى كۇيتۇن قالاسىنىڭ قارتتار دەنەتاربيە قىزمەتى مەن مەملەكەتتىك 3 – كەزەكتى قارتتار دەنە شىنىقتىرۋ دوپ گيمناستيكاسىنىڭ تاجىريبە الماستىرۋ قيمىلىنا دايىندىق كورۋ احۋالىن تەكسەرۋ – زەرتتەۋ گرۋپپاسىنداعىلارعا دوكلاد ەتتى.

    اڭگىمە ماجىلسىندە تىلەبالدى ابدىرەشيت ۇلى كۇيتۇن قالاسىنىڭ قارتتار دەنەتاربيەسىنىڭ ۇيىمدىق قۇرىلىسى، الاڭ قۇرىلىسى، قارجىنىڭ تياناقتاندىرىلۋى مەن قيمىلدىڭ ورىستەتىلۋ احۋالىن تاپتەشتەي ۇعىسقان سوڭ كۇيتۇن قالاسىنىڭ قارتتار دەنەتاربيە قىزمەتىندە قول جەتكىزگەن تابىستارىن تولىق تۇراقتاندىردى. ول مىنالاردى اتاپ كورسەتتى: قارتتار دەنەتاربيە ىستەرىن دامىتۋعا ءتىپتى دە ءمان بەرىپ، قارتتار دەنەتاربيە ىستەرىن تىڭعىلىقتى ىستەپ، مەملەكەتتىك 3 – كەزەكتى قارتتار دەنە شىنىقتىرۋ دوپ گيمناستيكاسىنىڭ تاجىريبە الماستىرۋ قيمىلىنا دايىندىق كورۋ قىزمەتىن جاقسى ىستەۋ كەرەك. تانىمدى تەرەڭدەتىپ، قاتىستى قۇجات رۋحىن دايەكتى تياناقتاندىرۋ كەرەك. قارتتاردىڭ زاڭدى ۇقىعىن قامتاماسىزداندىرىپ، قارتتاردىڭ حالىقتىق دەنە شىنىقتىرۋ قيمىلىنا قاتىناسىنا باستاماشىلىق ەتىپ شابىتتاندىرىپ، قارتتاردىڭ دەنەتاربيە قيمىلىنىڭ ساپاسى مەن قارتتار دەنەتاربيە قوعامى قىزمەتىنىڭ ورەسىن ۇزدىكسىز جوعارىلاتىپ، قارتتاردىڭ دەنەتاربيە مادەنيەت قيمىلدارىن مولايتىپ، قارتتار دەنەتاربيە قىزمەتىن تاباندىلىقپەن تىڭعىلىقتى ىستەۋ كەرەك.

    كۇيتۇن قالالىق پارتكومىنىڭ ورىنباسار شۋجيى، قالا باستىعى سەرىك ماحات ۇلى بىلاي دەدى: كۇيتۇن قالاسى قۇجات رۋحىن دايەكتى تياناقتاندىرىپ، ۇيىمدىق قۇرىلىمدى كەمەلدەندىرىپ، شارالاردى بەكەمدەپ، قيمىل ورىندارىن جاقسارتىپ، قارتتار دەنەتاربيە قوعامىنىڭ رولىن تولىق ساۋلەلەندىرىپ، ءتۇرلى ءماندى قيمىلدار ورىستەتىپ، قارتتاردىڭ كۇتىم، كوڭىل اشۋ جانە ۇيرەنۋ ورتاسى بولۋ تاماشا ورتاسىن جاراتۋعا قۇلشىنىپ، ءتۇرلى قامتاماسىزداندىرۋ قىزمەتىن جاقسى ىستەپ، جوعارى – تومەن بولىپ كۇش سالىپ، مەملەكەتتىك 3 – كەزەكتى قارتتار دەنە شىنىقتىرۋ دوپ گيمناستيكاسىنىڭ تاجىريبە الماستىرۋ قيمىلىنىڭ ءساتتى وتۋىنە كەپىلدىك ەتەدى.

    اڭگىمە ماجىلىستەن كەيىن، تىلەبالدى ابدىرەشيت ۇلى كۇيتۇن قالاسى باسشىلارىنىڭ سەرىك بولۋىندا، كۇيتۇن قالالىق دەنەتاربيە ورتالىعى، جالپى حالىقتىق دەنە شىنىقتىرۋ قيىمىل ورتالىعى، قارتتار دەنەتاربيە قوعامى قاتارلى ورىندارعا بارىپ، تەكسەرۋ جۇرگىزدى.

ءتىلشىنىڭ قىزمەت ورنى: كۇيتۇن حالىق راديو ستانسياسى

جاۋاپتى رەداكتور:سايراش تۇرارجان قىزى