جايىلىم شۇرايلانىپ، جۇرت كوڭىلى مارقايدى

    مايرا بەردىبەك قىزى حابارلايدى. پارتيانىڭ 18 – قۇرىلتايىنان بەرى قاراي، ءار دارەجەلى پارتكوم مەن ۇكىمەتتىڭ قولداپ قۋاتتاۋىندا، شىڭگىل اۋدانىنىڭ تابيعي جايىلىم ورتاسى ۇزدىكىسز جاقسارىپ، جايىلىم سيىمدىلعى جوعارىلاپ، جەم-ءشوپ جەتكىلىكتى ازىرلەنىپ، مال شارۋاشىلعى بايلىق قاينارى قامتاماسىزداندىرىلىپ، جايىلىمنىڭ ءوسىپ-ءونۋى ويداعىداي بولىپ، مالشىلاردىڭ كىرىسى دە ايتارلىقتاي ارتتى.

    جاقىنعى جىلداردان بەرى، اۋداندىق مال شارۋاشىلعى مەكەمەسى جايىلىمدى شۇرايلاندىرۋ نىسانىن بەلسەنە اتقارىپ، وزەن ماڭىنداعى جايىلىمدى تولىقتىرىپ ەگىپ، 13 – بەسجىلدىق جوبا مەزگىلىندەگى تولىقتىرىلىپ ەگىلگەن جەر اۋماعى مەجەمەن 800 مىڭ مۋعا جەتكەن. قورشالعان جايىلىم اۋماعى 3 ميلليون 200 مىڭ مۋ، اشىلعان جەم ءشوپ بازاسى 41 مىڭ مۋ بولىپ، تابيعي اپاتقا بولعان قارسىلىق قۋاتتى كۇشەيتىپ، تابيعي جايىلىمعا مال جايۋداعى قىسمدى باسەڭدەتتى. جايىلىم ەكولوگياسىن قورعاۋداعى تولىقتىرۋ قاراجاتىن بەرۋ مەحانيزمى ارقىلى 4 ميلليون 800 مىڭ مۋ جەر مال جايىلىسىنان تىزگىندەلدى. تاراتىلعان سيلاۋ تولىقتىرۋ قاراجاتى 184 ميلليون يۋان بولعان. شىڭگىل اۋدانى جايىلىمدى تولىقتىرىپ ەگۋ قىزمەتىندە وسىمدىك جامىلعسىن زيانداماۋ استىندا، سورتتى تۇقىم جەتىلدىردى. ءار جىلى تۇياق كەستى بولعان جايىلىمداردى تولىقتىرىپ ەگىپ، بيىلعى تولىقتىرىپ ەگىلگەن اۋماق 50 مىڭ مۋ بولعان.

    مال شارۋاشىلعى مال شيپاگەرلىك مەكەمەسى جايىلم پۋنكتىنىڭ باستىعى سۇن يۇانفىڭ بىلاي دەدى: «نىسانىنىڭ اتقارىلۋى وسىمدىك جامىلعىسىن ءونىمدى تۇردە قالپىنا كەلتىرىپ، ءونىم مولشەرىن ارتتىرىپ، جايىلم ساپاسىن جوعارىلاتىپ، بورانىنان ساقتانىپ، قۇمدى تىزگىندەۋ قاتارلى جاقتارداعى قىزمەتتەردە بەلسەندى رول اتقاردى. شىڭگىل اۋداندىق مال شارۋاشىلىعى مال شيپاگەرلىك مەكەمەسى ءونىمدى شارالادان ۇتىمدى پايدالانىپ، ايماق دارەجەلى شۇعىل جاعدايعا توتەپ بەرۋ جەم ءشوپ ساقتاۋ قامباسىن باسقارۋ باقىلاۋ قىزمەت تەبىنىن ارتتىردى. سونىمەن بىرگە، ەگىنشى-مالشى بۇقاراسىن سۇرلەم بورمي ەگۋگە جۇمىلدىرىپ، ءتۇرلى اپاتقا قارسى تۇرۋداعى دايىندىق قىزمەتتەردى جاقسى ىستەدى. بيىل اۋدانىمىز 50 توننا بورمي ۇرىعى، 40 توننا جوڭشقا ۇرىعىن تەگىن تاراتتى ءارى جايىلىمدى شۇرايلاندىرۋ قاتارلى نىسانداردى بەلسەنە اتقارۋ ارقىلى 22مىڭ مۋ جەم-ءشوپ بازاسىن قۇرىلىستاندىردى.15 مىڭ مۋ جوڭىشقالىق جەر جاڭالانىپ، 25 مىڭ مۋ جەرگە بورمي ەگىلدى.

    مال شارۋاشىلعى مال شيپاگەرلىك مەكەمەسى جايىلىم پۋنكتىنىڭ باستىعى سۇن يۇانفىڭ بىلاي دەدى: «جەم-ءشوپ دايىنداۋ قىزمەتىن جاقسى ىستەۋ ءۇشىن، ءبىز ەگىنشى-مالشى بۇقاراسىن جەم-ءشوپ ەگۋ جۇمىسىنا بەلسەنە ات سالىسۋعا شابىتتاندىرىپ، جەم-ءشوپ ۇرىعىن تاراتۋ ارقىلى اۋدانىمىزدىڭ جەم-ءشوپ دايىنداۋ قىزمەت قابىلەتىن جوعارىلاتتىق».

    ءتىلشىنىڭ قىزمەت ورنى: شىڭگىل اۋداندىق راديو–تەلەۆيزيا مەكەمەسى

جاۋاپتى رەداكتور:سايراش تۇرارجان قىزى