جايلاۋداعى مالشىلاردان حال سۇرادى

    سەرىك يمانقان ۇلى حابارلايدى. شىلدە ايى جاز جايلاۋداعى مالشىلاردىڭ ءشوبى شۇيگىن، سۋى تۇنىق جاسىل جايلاۋدا تىڭ تىرشىلىك كۇيبىڭىن باستايتىن تاماشا مەزگىل. سونداي-اق، ساحارا مادەنيەتىنە ءسان قوسىپ، بەرەكە-بىرلىكتى نىعايتاتىن ەلدى مەكەن.

    بۋرىلتوعاي اۋدانى قاراماعاي قالاشىعىنا قاراستى دەڭ قىستاعىنداعى مالشىلاردىڭ دەنى جاز جايلاۋعا شىعادى. مىنە وسى قىستاق سەنترىنەن شالعاي بولعان مالشىلاردان حال سۇراپ، ولاردىڭ قازىرگى حال-جاعدايىن ءبىلۋ ءۇشىن دەڭ قىستاعىنا تۇسكەن جەر بايلىعى مەكەمەسىندەگى قىزمەت اترەتىندەگىلەر 200 كيلومەتردەن استام جول شالىپ، مالشىلاردىڭ قونىسىنا جەتتى.

    قىزمەت اترەتىندەگىلەر جايلاۋداعى ءاربىر مالشى وتباسىنا باسىپ سۇعىپ، ولاردىڭ ءوندىرىس، تۇرمىس احۋالىن، مال جاعدايىن ەگجەي- تەگجەيلى سۇراپ ۇعىستى. سونىمەن بىرگە، سۋ ماي، ۇن، كوكونىس سياقتى تۇرمىستىق بۇيىمداردى جەتكىزىپ بەردى ءارى حال- جاي ۇعىسۋ بارىسىندا اۋداندىق پارتكوم، ۇكىمەتتىڭ كەدەيلەردى دالمە-ءدال سۇيەمەلدەۋدەگى ءبىر قىدىرۋ ءتيىمدى ساياساتتاردى ىشكەرىلەي ۇگىتتەدى. سونداي-اق، تاۋ قويناۋىندا جاتقان مالشىلاردىڭ ينفورماتسيا كەمشىل بولۋىنان سىرتقى فاكتوردىڭ ىقپالىنا تەز ۇشىراۋىن كوزدەي وتىرىپ، قىزمەت اترەتىندەگىلەر ءتۇيىندى تۇردە ۇشقارلىقتى الاستاۋ جانە ورنىقتىلىقتى قورعاۋ جاعىنداعى قاتىستى مازمۇنداردى تولىق ۇگىتتەپ، مالشىلاردىڭ دۇرىس پەن بۇرىستى ايىرۋ قۋاتىن ايقىنداي ءتۇستى.

    ءمان-جاي ۇعىسۋ بارىسىندا، قىزمەت اترەتى جانە دە مالشىلاردىڭ اڭىس ەتكەن كەيبىر قيىنشىلقتارىنا قۇلاق تۇرىپ، دەركەزىندە بۇل ماسەلەلەردى قاتىستى تاراۋلارعا مالىمەت ەتەتىندىكتەرىن ءبىلدىردى. مالشى قاۋىمى دا پارتيا مەن ۇكىمەتتىڭ شاپاعاتىن سەزىنە ءبىلدى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:سايراش تۇرارجان قىزى