مال شارۋاشىلىق باعىمشىلىق تەحنيكاسىن اۋىل–قىستاققا جەتكىزدى

 
مال شارۋاشىلىق مەكەمەسىنىڭ كادرلارى قىستاق تۇرعىندارىنا مال باعىمشىلىعى تەحنيكاسىن جالپىلاستىرۋ جونىندەگى كىتاپتاردى تاراتىپ بەرۋدە 

    جەڭىسحان اسقار ۇلى، اۋاحان تۇراپ قىزى حابارلايدى. 11-شىلدە كۇنى، ساۋان اۋداندىق مال شارۋاشىلىعى مەكەسىنىڭ بىرنەشە تەحنيك كادرلارى شيگوبي قالاشىعى ۇداگۋ قىستاعىنا كەلىپ، مال باعىمشىلىق تەحنيكاسىن قىستاققا جەتكىزىپ، قىستاقتا مال باعىمشىلىعى تەحنيكاسىنا قىزمەت ەتۋ قيمىلىن قانات جايدىرىپ، «تارباعاتاي ايماعى تابىسى مول حاۋىپسىز، ساپالى ءسۇتتى سيىردى ولشەمدى باعۋ تەحنيكاسىن جالپىلاستىرۋ قولدانباسىن» قىستاق تۇرعىندارىنا تارتۋ ەتتى.

    قىستاق تۇرعىندارى كىتاپتى قولدارىنا الا سالىپ، كوپتەگەن تۇرعىندار ناق مايداندا كورىپ وقي باستادى.

    ساۋان اۋدانى شيگوبي قالاشىعى ۇداگۋ قىستاعى مال شارۋاشىلىعىن نەگىز ەتكەن قىستاقتاردىڭ ءبىرى، قىستاق تۇرعىندارىنىڭ نەگىزگى كىرىستەرى مال شارۋاشىلىعىنان كەلەدى. قىستاقتاعى تۇرعىنداردىڭ باعىپ وتىرعان قوي-سيىرلارى 20 مىڭ باستان اسادى. سول ءۇشىن قىستاق تۇرعىندارى ەڭ وزىق مال باعىمشىلىعى تەحنيكاسى مەن مال دارىگەرلىگى تەحنيكاسىن ەرەكشە قاجەت ەتەدى. سول ءۇشىن قىستاقتاعى مالشىلاردىڭ ناقتىلى جاعدايىن نەگىز ەتە وتىرىپ، اۋداندىق مال شارۋاشىلىعى مەكەمەسىنەن كەلگەن جوعارى دارەجەلى اتاعى بار مامان جەڭىسگۇل مال باعىمشىلىعى جونىندە ءۇش ءتۇرلى جاقتان قىستاق تۇرعىندارىنا لەكسيا سويلەدى.

    بىرىنشىدەن، برۋتسللەز اۋرۋىنان ساقتانۋ جانە ونى ەمدەۋ. ەكىنشىدەن، باۋىر جىلاۋىق قۇرت اۋرۋىنىڭ الدىن الۋ جانە ەمدەۋ. ۇشىنشىدەن، تولدەردى باعۋ جانە كۇتىمدەپ باسقارۋ جونىندە لەكسيا سويلەدى ءارى مالشىلاردىڭ سۇراعان سۇراقتارىنا ناق مايداندا مۇقياتتىلىقپەن جاۋاپ بەردى.

    مىنە بۇل مال شارۋاشىلىق مەكەمەسىنىڭ ءبىر جىلدىڭ ىشىندە ەكىنشى رەت قىستاققا كەلىپ كۋرسى اشىپ تاربيەلەۋى ەكەن.

تىلشىلەردىڭ قىزمەت ورنى: ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور:سايراش تۇرارجان قىزى