تولىق ورتا مەكتەپكە وقۋشى قابىلداۋ قىزمەتى رەسمي باستالدى

    ىنتىماق داۋلەتباي ۇلى حابارلايدى. 10-شىلدە بۋرىلتوعاي اۋداندىق 1-تولىق مەكتەبى تولىق ورتانىڭ 1-جىلدىعىنا وقۋشى قابىلداۋ قىزمەتىن رەسمي باستادى. سول كۇنى تاڭ سارىدەن باستاپ نەشە جۇزدەگەن اتا-انا بالالارىن جەتەلەي مەكتەپ اۋلاسىنا قاراي اعىلدى. مەكتەپ الدىن الا كەمەلدى دە جوسپارلى ورنالاستىرۋلار جاساپ، تىزىمدەلۋگە كەلگەن وقۋشىلار مەن بالالارىن تىزىمدەتۋگە كەلگەن اتا-انالارعا جان-جاقتىلى قولايلىلىقتار جاراتىپ، ساپالى قىزمەت وتەۋگە ساقاداي سايلانعان بولاتىن.

    مەكتەپ ەڭ اۋەلى 6 ورىننان تىزىمگە الۋ ورنىن بەلگىلەپ، ارناۋلى تىزىمگە الاتىن وقىتۋشىلار ورنالاستىرىپ، اتا-انالاردىڭ شىرەت كۇتىپ توسىپ قالۋىنىڭ الدىن الدى. مۇنان سىرت، بانكە قىزمەتكەرلەرىن مەكتەپكە ۇسىنىس ەتىپ تىزىمدەلۋ قاراجاتىن مەكتەپتەن الۋدى، سونداي-اق قاراجات ءتۇرلەرى مەن تىزىمدەلۋ راسمياتتارىن مەكتەپ اۋلاسىنىڭ اتا-انالار مەن وقۋشىلار وڭاي كورەتىن ورىندارىنا ەكى تىلدە انىق جازىپ، كەزەكشى وقىتۋشىلارعا تىزىمدەلۋشىلەردى قاجەتتى ورىندارعا باستاپ بارۋدى قاداعالاي تاپسىرۋ ارقىلى جاڭادان كەلگەن وقۋشىلار مەن ولاردىڭ اتا-انالارىنىڭ بوس سابىلىپ، ۋاقىتىن زايا كەتىرمەۋىنە كەپىلدىك ەتتى. سول كۇنى، مەكتەپ باسشىلارى دا قىزمەت ورىندارىنان تاپجىلماي وتىرىپ، ءتۇرلى جاعىدايلارمەن ىزدەگەن وقۋشىلار مەن اتا-انالارعا لايىعىندا جاۋاپ بەرىپ، ءجون-جوسىق كورسەتىپ، وقۋشىلار مەن اتا-انالار ءۇشىن قاي-قاشاندا دايىن تۇراتىندىقتارىن ناقتىلى ءىس-ارەكەتتەرى ارقىلى ايگىلەدى.

    مەكتەپتىڭ حالىق ءۇشىن شىنايى كۇيىنىشتىلىك ءبىلدىرىپ، ساپالى قىزمەت اتقارىپ جاتقاندىعىن كوزدەرىمەن كورگەن اتا-انالاردا اعىنان اقتارىلا العىستارىن ايتىپ، بالالارىن الاڭسىز تۇردە مەكتەپكە تابىستاپ اۋىلدارىنا اتتانىپ جاتتى.

جاۋاپتى رەداكتور:سايراش تۇرارجان قىزى