ءامىر ايىت، پان يۇيليان، جۇماتاي اۋباكىر ۇلى قاتارلىلار مەملەكەتتىك 6 – كەزەكتى ءمورال ۇلگىلەرىن سارالاۋ قيمىلىنىڭ كانديداتتىعىنا كورسەتىلدى

    جەر – جەرلەردىڭ، قاتىستى تاراۋلاردىڭ كورسەتۋى نەگىزىندە، شينجياڭ ۇيعۇر اۆتونوميالى رايوندىق وركەنيەت كوميتەتى ءامىر ايىت، پان يۇيليان، جۇماتاي اۋباكىر ۇلى، جاڭ شين، قۇربان نياز، مامەتيمين ءابدىقادىر، لاچين بايەك، سانيحان ەيتام، ۋاڭ جىنيۇن قاتارلىلار مەملەكەتتىك 6 – كەزەكتى ءمورال ۇلگىلەرىن سارالاۋ قيمىلىنىڭ كانديداتتىعىنا كورسەتىلدى.

    ۇعىسۋعا قاراعاندا، مەملەكەتتىك 6 – كەزەكتى ءمورال ۇلگىلەرىن سارالاۋ قيمىلىندا «ەلگە كومەكتەسۋ ۇلگىسى»، «ادىلەت جولىندا تايسالماۋ ۇلگىسى»، «ادالدىق، سەنىمدىلىك ۇلگىسى»، «كاسىپكە ءوزىن ارناۋ ۇلگىسى»، «قارتتاردى ايالاۋ ۇلگىسى» قاتارلى 5 ءتۇر بويىنشا باعالاۋ جۇرگىزىلەدى. شىلدەنىڭ سوڭىندا ورتالىق وركەنيەت كەڭسەسى ورتالىقتاعى نەگىزگى اقپارات قۇرالدارى مەن ءتۇيىندى توراپتاردا كانديداتتاردىڭ نەگىزگى احۋالى مەن ماڭىزدى ىزگى ىستەرىن تانىستىرىپ، جۇرتشىلىقتان پىكىر الىپ، قوعامنىڭ باقىلاۋىن قابىلدايدى. تامىز ايىندا «بۇقارالىق ون مىڭ ۋاكىل» مەن سارالاۋ كوميسسياسى داۋىس بەرەدى، داۋىس بەرۋ ناتيجەسى بويىنشا، مەملەكەتتىك ءمورال ۇلگىلىسى سيلىعىنا كورسەتىلگەندەردىڭ ءتىزىمى جاريالانادى.

جاۋاپتى رەداكتور:سايراش تۇرارجان قىزى