ستۋدەنت ەرىكتىلەرى ورتانى قورعاۋ الەۋمەتتىك يگىلىك قيمىلىن وزدىردى

 

    گۇلنار ءاۋساي قىزى حابارلايدى. باتىس ءوڭىر ستۋدەنت ەرىكتىلەرىنىڭ رۋحىن ساۋلەلەندىرىپ، ۇشكول تابيعي كورىنىس رايونىنىڭ ورتا تازالىعىن قورعاپ، ساياحاتشىلاردىڭ ورتانى قورعاۋ تانىمدارىن ارتتىرۋ ءۇشىن، 9-شىلدە كۇنى اۋدانىمىزداعى باتىس ءوڭىر ستۋدەنت ەرىكتىلەرى ورتانى قورعاۋ الەۋمەتتىك يگىلىك قيمىلىن ورىستەتتى.

    سول كۇنى بەيجيڭ ۋاقىتى ساعات 9 دا ستۋدەنت ەرىكتىلەرى ۇشكولگە بارىپ، شىباركولدەگى ءبىرىنشى الىپ تاستان نوعان كورىنىس رايونىنا دەيىنگى ارالىققا تاستالعان احىلاتتاردى تەردى. تازالىق ىستەۋ بارىسىندا ءشوپ اراسىنا تاستالعان قاعاز، سۋلياۋ دوربالاردى قىسقىشپەن تەرسە، سۋسىندىق بوتەلكەلەرىن قولدارىمەن تەرىپ، قوقسىق قالتاسىنا سالىپ، كورىنىس رايونىنىڭ تازالىعىن كەپىلدەندىردى.

    ستۋدەنت ەرىكتىسى ۋاڭ مي تىلشىگە بىلاي دەدى: «ءبىز ءوزىمىزدىڭ ناقتىلى ارەكەتىمىز ارقىلى ورتانى قورعاپ، قوس قولىمىزعا سۇيەنىپ جانعا جايلى تۇرمىس ورتاسىن ورتاق جاراتۋعا باستاساق دەيمىز».

    جارىم كۇنگە جالعاسقان تازالىق ىستەۋ قيمىلى ارقىلى جالپى كورىنىس رايونىنا قالايماقان تاستالعان قوقسىقتار تەرىلدى ءارى قيمىل بارىسىندا ساياحاتشىلاردا ستۋدەنت ەرىكتىلەرىمەن بىرگە قوقىر-قوقسىق تەرۋگە قاتىناسىپ، بۇدان كەيىن وزدەرىنىڭ ءجۇرىس-تۇرىستارىنا كوڭىل ءبولىپ، ساياحات كورىنىس رايونىنىڭ تازالىعىن قورعايتىندىقتارىن ءبىلدىردى.

    ساياحات مەكەمەسىنىڭ قىزمەتكەرى گاۋ ي تىلشىگە بىلاي دەدى: «وسى ورايدا ءبىز ساياحاتشىلاردىڭ كورىنىس رايونىن تاماشالاۋ بارىسىندا قالايماقان قوقسىق تاستاماۋلارىن، ورتانى قورعاۋ ورتاق بورىش تانىمىن ەستەرىندە بەرىك ساقتاۋلارىن ءۇمىت ەتەمىز».

ءتىلشىنىڭ قىزمەت ورنى: شىڭگىل اۋداندىق راديو-تەلەۆيزيا مەكەمەسى

جاۋاپتى رەداكتور:سايراش تۇرارجان قىزى