ۇلكەن شىڭگىلدىڭ جوعارعى اعارىنداعى كوش جولى قۇرىلىسىندا ساقتالعان ماسەلەلەردى سول ورىندا شەشتى

    قۇرمانگۇل اسپەن قىزى حابارلايدى. ەگىن، مال شارۋاشىلىق رايوندارىنداعى جولدىڭ نەگىزدىك قۇرىلعىلار جاعدايىن جاقسارتۋ، مال شارۋاشىلىعى دامۋىن زور كۇشپەن قولداۋ ٴۇشىن، شىڭگىل اۋدانى 2017-جىلى جالپى ٴجۇز ميلليون يۋان قارجى قوسىپ، 245.45 كيلومەتر كوش جولىن جاساۋدى جوسپارلاۋدا.

    9-شىلدەدە، اۋداننىڭ ورىنباسار شۋجيى، اۋدان اكىمى جالىن توتاي ۇلى، اۋداننىڭ ورىنباسار شۋجيى چىڭ جيانشين قاتىستى ورىندار مەن كوش جولىن سالاتىن ورىنداردىڭ جاۋاپتىلارىن باستاپ، ۇلكەن شىڭگىلدىڭ جوعارعى اعارىنداعى كوش جولى قۇرىلىسىندا ساقتالعان ماسەلەلەردى تەكسەرىپ، التاي تاۋى مەملەكەت مەنشىگىندەگى ورمان باسقارۋ مەكەمەسى شىڭگىل بولىمشەسىمەن حابارلاسىپ، كوش جولىن سالۋدا مەملەكەت مەنشىگىندەگى ورمانعا قاتىستى ماسەلەلەردى ورتاق شەشتى.

    جالىن توتاي ۇلى: «كوش جولىن جوندەۋ قۇرىلىس نىسانىنىڭ جولعا قويىلۋى مالشى قاۋىمىنىڭ مال باعۋىنا، ەت-ٴءسۇت ونىمدەرىن ساتۋىنا قولايلىلىق جاراتىپ، شەكاراداعى ەگىنشى-مالشى بۇقارانى ٴتىپتى دە كوپ تيىمدىلىكتەردەن يگىلىكتەندىرەدى. حالىق تۇرمىسىن قامتاماسىزداندىرۋ جانە جاقسارتۋ ينجەنەرياسى ەگىن، مال شارۋاشىلىق رايوندارىنىڭ قاتىناس، تۇرعىن ٴۇي، ەگىن، مال شارۋاشىلىعى سىندى نەگىزدىڭ قۇرىلعى –قۇرىلىس شارت-جاعدايلارى مەن ٴوندىرىس-تۇرمىس شارت-جاعدايلارى كورنەكتى جاقساراتادى»،-دەگەندى باسا دارىپتەدى.

    بۇل جولعى كوش جولى نىسانى ورىندالعاننان كەيىن، سارتوعاي اۋىلى، ارالتوبە قالاشىعى جانە ارال اۋىلىنىڭ مال شارۋاشىلىعىنىڭ دامۋىنا قولايلى شارت-جاعداي جاراتىپ، 11 مال شارۋاشىلىق قىستاعىنداعى 414 مالشى جانە 182 مىڭ باس مالدىڭ كوشى-قون ماسەلەسىن شەشەدى ٴارى مالشىلاردىڭ كوشى-قون حاۋىپسىزدىگىن كەپىلدەندىرەدى.

جاۋاپتى رەداكتور:سايراش تۇرارجان قىزى