جۇماتاي اۋباكىر ۇلى: پارتيانىڭ شاپاعاتىنا ءىس جۇزىندىك ارەكەتىم ارقىلى العىس ايتامىن

    شى شۋەحۇڭ

    قازاق شيپاگەرلىگىنىڭ ەمدەۋ امالدارىن ۇيرەنۋدەن جۇڭگوشا شيپاگەرلىكتىڭ ينە قويىپ ەمدەۋ امالىن يگەرۋگە دەيىن، ناۋقاستاردى ءوز تۋعانىنداي كورۋدەن ناۋقاستاردى ۇيىنە بارىپ ەمدەپ، ولارعا ءدارى - دارمەك جەتكىزۋدەي ساپالى قىزمەت كورسەتۋگە دەيىن، باتىل ءۇن قاتىپ، ايقىن پوزيتسيا بىلدىرۋگە بەلسەندىلىكپەن ات سالىسقاننان جالپى حالىقتىڭ دەنساۋلىعىن تەكسەرۋگە بار ىنتاسىمەن كىرىسكەنگە دەيىن... تەكەس اۋدانى بوزادىر مالشىلىق ەمدەۋ ءتۇيىنىنىڭ شيپاگەرى جۇماتاي اۋباكىر ۇلى مالشىلاردى قاباق شىتپاي ەمدەپ كەلەدى. 2015 - جىلى 30 - قىركۇيەكتە باس شۋجي شي جينپيڭ نەگىزگى ساتىداعى ۇلتتار ىنتىماعىنىڭ تاڭداۋلى ۋاكىلى بولىپ سايلانعان جۇماتاي اۋباكىر ۇلىمەن كەزدەستى.

    «ءسىزدىڭ ىزگى ىستەرىڭىزدەن حابارلىمىن، ءسىز شينجياڭنىڭ نەگىزگى ساتىسىنان كەلگەن اۋىل - قىستاق شيپاگەرىسىز، قايتىپ بارعاننان كەيىن ۇزدىكسىز قۇلشىنىپ، حالىق ءۇشىن ۇزدىكسىز قىزمەت كورسەتۋىڭىزدى ءۇمىت ەتەمىن». 20 - ماۋسىم، وسىدان ءبىر جىل بۇرىن باس شۋجيمەن كەزدەسكەن ءساتىن ەسكە العاندا، باس شۋجيدىڭ سوزدەرى جۇماتايدىڭ قۇلاعىندا كۇنى بۇگىنگە دەيىن جاڭعىرىپ تۇرعانداي ەدى.

    «جاقىنعى 2 جىلدا بوزادىر قىستاۋىنىڭ وزگەرىسى اسا زور بولدى»، - دەيدى جۇماتاي. بوزادىر قىستاۋىندا بۇرىن ەلەكتر، تەلەفون، جول - قاتىناس جوق بولاتىن، بۇل ارادا تۇرمىس كەشىرەتىن مالشىلار اۋىرا قالسا شيپاگەر جوقتىقتىڭ تاقسىرەتىن دە ءبىر كىسىدەي تارتقان. دەسەدە، پارتيا ورتالىق كوميتەتى بۇل ارادا تۇرمىس كەشىرىپ جاتقان مالشىلاردى ەستەن شىعارعان جوق، بۇل اراعا جاڭا ەمحانا سالىپ قانا قالماستان، ەلەكتر اكەلىپ، تەلەفون ورناتتى، اسفالت جول سالدى... وسىنىڭ بارلىعى مەملەكەتتىڭ جاقسى ساياساتىنىڭ ارقاسى ەدى. جۇماتايدى قاباعات قۋانتاتىنى، بوزادىر قىستاۋىندا بۇرىن 2 شيپاگەر بولسا، قازىر 8 شيپاگەر بار، ەمدەۋ قۋاتى ۇزدىكسىز تولىسىپ، مالشىلاردىڭ نەگىزدىك ەمدەلۋ قاجەتىن قاناعاتتاندىرا الاتىن بولدى، بۇل دا باس شۋجي شي جينپيڭنىڭ شينجياڭداعى ءار ۇلت بۇقاراسىنا كوڭىل ءبولۋىنىڭ، قامقورلىق جاساۋىنىڭ ارقاسى.

    جۇماتاي اۋباكىر ۇلى باس شۋجي شي جينپيڭنىڭ تاپسىرماسىن ەسىندە بەرىك ساقتاپ، شينجياڭعا باعىتتامالى كومەكتەسۋگە كەلگەن شيپاگەرلەردىڭ ونەرگە باۋلۋىندا، كومەكتەسۋىندە، جەتەكتەۋىندە جۇڭگوشا شيپاگەرلىكتىڭ ينە قويىپ ەمدەۋ امالىن جۇيەلى ۇيرەندى. جاڭا ەمدەۋ امالىن يگەرگەننەن كەيىن، ول ىزىنشە بوزادىر قىستاۋىنا قايتىپ بارىپ، ارالاپ ءجۇرىپ ەمدەۋدى باستادى. ونىڭ اتپەن ارالاپ ءبىر رەت ناۋقاس كورىپ كەلۋىنە كەمىندە 15 كۇن كەتەتىن، جول الىس، مىندەت جاپالى بولسا دا، ءوزى يگەرگەن ەمدەۋ تەحنيكاسىمەن ءتىپتى دە كوپ مالشىنىڭ جانىنا باتقان اۋرۋىن ەمدەپ جازاتىنىن ويلاعاندا، ونىڭ الدىندا قانداي قيىنشىلىق بولسا دا تۇككە تۇرماي قالاتىن. ەمدەۋ بارىسىندا، ول ءبىر جاعىنان، ناۋقاستاردىڭ اۋرۋىن دەن قويا ەمدەسە، ەندى ءبىر جاعىنان، پارتيانىڭ حالىققا ءتيىمدى ساياساتتارىن ۇگىتتەۋدى ەستەن شىعارماي، پارتيانىڭ ءۇنىن ءار ۇلت مالشىلارىنا دەر كەزىندە جەتكىزىپ وتىردى.

    جۇماتاي اۋباكىر ۇلى بىلاي دەيدى: باس شۋجي شي جينپيڭنىڭ قىزمەتى سونشا قاربالاس بولا تۇرسا دا، مەندەي ءبىر قاراپايىم اۋىل - قىستاق شيپاگەرىنىڭ جاعدايىنان حابار تاۋىپ وتىرادى ەكەن، سوندىقتان دا مەنىڭ ءار ۇلت بۇقاراسى ءۇشىن قۇلشىنا قىزمەت كورسەتپەيتىن ەش ءجونىم جوق.

    «مەن ءتىپتى دە كوپ ناۋقاستىڭ جانىنا باتقان اۋرۋىن ەمدەۋدى ءوزىمنىڭ كۇرەس نىسانام ەتەمىن»، - دەيدى جۇماتاي. بيىل ناۋرىزدا ول التاي ايماعىنا بارىپ، 2 ايلىق قازاق شيپاگەرلىگى تەحنيكاسى كۋرسىنا قاتىناسىپ، ءوزىنىڭ ەمدەۋ شەبەرلىگىن جوعارىلاتتى.

    « پارتيانىڭ شاپاعاتىنا دەگەن العىسىمدى ءىس جۇزىندىك ارەكەتىم ارقىلى بىلدىرەمىن». جاقىنعى بىرنەشە كۇندە، تەكەس اۋدانى بوزادىر مالشىلىق ەمدەۋ تۇيىنىندە قىزمەت ىستەيتىن جۇماتاي اۋباكىر ۇلى مەن قىزمەتتەستەرى بوزادىر قىستاۋىنداعى كوكسۋ اراسانىنا تۇسۋگە كەلگەن مالشىلاردىڭ دەنساۋلىعىن تەكسەرۋمەن قاربالاس بولدى. كوكسۋ اراسانىنا 20 - ساۋىردە كەلىپ مالشىلاردىڭ دەنساۋلىعىن تەكسەرىپ، ناۋقاس ەمدەگەننەن بەرى، ولار 1500دەن استام ناۋقاستى تەكسەرىپ، ەمدەدى. مالدى ورىسكە شىعاراتىن ۋاقىتتى قولدان بەرمەۋ ءۇشىن، مالشىلار ۇنەمى تاڭەرتەڭگى ساعات 8دە وعان كورىنۋگە، ۋكول سالدىرۋعا كەلەتىن. جۇماتاي سول قاربالاستىقتان قاس قارايعانشا ىستەپ، تۇندە ەمدەلۋگە كەلگەن مالشىلارعا ارحيۆ تۇرعىزىپ، ءار كۇنى ءتۇن ورتاسىنان اۋعانشا وتىرادى.

    تەكەس اۋداندىق دەنساۋلىق ساقتاۋ - جوسپارلى تۋىت كوميتەتى وتكىزگەن توپتىق باتىل ءۇن قاتىپ، ايقىن پوزيتسيا ءبىلدىرۋ قيمىلىندا، جۇماتاي قالىڭ شيپاگەرلەردى تۇرعىسى بەرىك، پوزيتسياسى باتىل بولىپ، اۆتونوميالى رايوندىق پارتكومنىڭ قوعام ورنىقتىلىعىن قورعاۋداعى كەشەندى شارالارىنىڭ تالاپتارىن باتىل دا بەرىك دايەكتىلەندىرۋگە، تياناقتاندىرۋعا، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، «ءۇش ءتۇرلى كۇشكە» ىرىقتى تۇردە سايىس جاريالاۋعا بەلسەندىلىكپەن شاقىردى.

    جالپى حالىقتىڭ دەنساۋلىعىن تەكسەرۋ قىزمەتىندە، جۇماتاي بوزادىر قىستاۋىنىڭ شالعاي مال شارۋاشىلىق رايوندارىنا باراتىن جول كۇدىر، مالشىلاردىڭ كوشى - قونى قيىن بولۋداي جاعدايلارعا مەڭزەس، قىزمەتتەستەرىمەن بىرگە مالشىلاردىڭ دەنساۋلىعىن شوعىرلى تەكسەرۋ، وتباسىلارىنا بارىپ قىزمەت كورسەتۋ سياقتى شارالار ارقىلى مال شارۋاشىلىق رايونىنداعى جالپى حالىقتىڭ دەنساۋلىعىن تەكسەرۋ قىزمەتىن تىڭعىلىقتى جۇرگىزدى، ولار قازىرگە دەيىن 1000نان استام مالشىنىڭ دەنساۋلىعىن جالپى بەتتىك تەكسەردى.

    «مەن باس شۋجيدىڭ شىنايى ءۇمىتىن ەسىمدە بەرىك ساقتاپ، ارەكەتىم ارقىلى تياناقتاندىرامىن»، - دەيدى جۇماتاي. ول باس شۋجي شي جينپيڭگە بەرگەن ۋادەسىن ءىس جۇزىندىك ارەكەتى ارقىلى امالياتتان وتكىزىپ، بوزادىر قىستاۋىنداعى ءار ۇلت بۇقاراسىنىڭ دەنساۋلىعىن كوڭىل تورىنە قويا ءبىلدى.

جاۋاپتى رەداكتور:سايراش تۇرارجان قىزى