باس نىسانانى بەتكە الىپ ۇدەرە العا تارتايىق

    − جۇڭگو كوممۋنيستىك پارتياسى قۇرىلعاندىعىنىڭ 96 جىلدىعىن قىزۋ قۇتتىقتايمىز

    1 - شىلدە − پارتيانىڭ 96 جاسقا كەلگەن تۋعان كۇنى. پارتيا ورتالىق كوميتەتىنىڭ پارمەندى باسشىلىعىندا شينجياڭنىڭ سان سالالى ىستەرى تاريحي سيپاتتى تابىسقا قول جەتكىزىپ، تيانشاننىڭ تۇستىگى مەن تەرىستىگىندە وراسان زور وزگەرىستەر تۋىلدى. جاڭا ءداۋىر، جاڭا جاعدايدا، شينجياڭداعى ءاربىر كوممۋنيست پارتيا تۋىنا ىنتىعا قاراعان سايىن، ءوزىنىڭ ارقالاعان جاۋاپكەرشىلىگىنىڭ قانشالىق اۋىر ەكەندىگىن ءتىپتى دە تەرەڭ سەزىنۋدە.

    قازىر شينجياڭ جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزەتىن كەزەڭگە ءوتتى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعى مەن ىقىلاستى قامقورلىعىندا، اۆتونوميالى رايوندىق پارتكوم پارتيا ورتالىق كوميتەتىنىڭ بەدەلىن باتىل قورعاپ، باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحى مەن ەل باسقارۋداعى جاڭا تانىمدارىن، جاڭا يدەيالارىن، جاڭا ستراتەگيالارىن مۇقيات دايەكتىلەندىرىپ، باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، شينجياڭدا قىزمەت تەكسەرگەندە جانە مەملەكەتتىك 12 - كەزەكتى حالىق قۇرىلتايى 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا سويلەگەن ماڭىزدى ءسوزىنىڭ رۋحىن دەن قويا دايەكتىلەندىرىپ، باس نىسانا تۋىن بيىك ۇستاپ، ۇلتتار ىنتىماعىن كۇشەيتۋدى بار كۇشپەن ىلگەرىلەتۋ، نەگىزگى ساتىنىڭ نەگىزىن بەكەمدەۋ، پارتيانى جاپپاي قاتاڭ جونگە سالۋ، زورلىقتى كۇش، لاڭكەستىك ارەكەتتەرگە قاتاڭ سوققى بەرۋ سياقتى قىزمەتتەردە زور ىلگەرىلەۋشىلىككە جانە كەسەك تابىسقا قول جەتكىزىپ، قوعام ورنىقتىلىعى مەن باياندى تىنىشتىقتى پارمەندى جەبەدى. اماليات تەك ءبىز پارتيا ورتالىق كوميتەتىنىڭ شەشىمدەرى مەن ورنالاستىرۋلارىن تاباندىلىقپەن باتىل اتقارساق عانا، بارلىق قيىنشىلىق پەن ءارقانداي سىن - سايىستى جەڭىپ، ءداۋىر جۇكتەگەن داڭقتى بورىشتى ارقالاي الاتىندىعىمىزدى دالەلدەدى.

    شينجياڭ قىزمەتىن ويداعىداي ىستەۋدىڭ تەتىگى پارتيادا. رايونىمىزداعى قالىڭ پارتيا مۇشەلەرى قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ەشتەڭەنى شاق كەلتىرمەيتىن اسقاق جىگەرمەن جاۋاپكەرشىلىكتى باتىلدىقپەن ارقالاپ، ورشەلەنە العا ۇمتىلىپ، پارتيا ورتالىق كوميتەتى بەلگىلەگەن ۇلى جوبانى شينجياڭنىڭ بايتاق ولكەسىندە ءبىر - بىرلەپ ناقتاپ ىسكە اسىرىپ، باس نىسانانى بەتكە الىپ ۇدەرە العا تارتۋى كەرەك.

    باس نىسانانى بەتكە الىپ ۇدەرە العا تارتۋ ءۇشىن، ءسوز جوق، اتويلاپ الدا ءجۇرۋ كەرەك، ءاربىر پارتيا مۇشەسىنىڭ ءوزى ءبىر - ءبىر نارت قىزىل تۋ. ورنىقتىلىق بولماسا، ءبارى نولگە تەڭ. رايونىمىزداعى ءار ۇلت پارتيا مۇشەلەرى باستان - اياق لاڭكەستىككە قارسى تۇرىپ، ورنىقتىلىقتى قورعاۋدى ءبارىن باسىپ تۇسەتىن ساياسي مىندەت، تايشان تاۋىنان دا سالماقتى ساياسي جاۋاپكەرشىلىك دەپ ساناپ، قوعام ورنىقتىلىعى مەن باياندى تىنىشتىقتى قورعاۋدىڭ سەركەسى بولىپ، تۋى ايقىن، تۇرعىسى بەرىك تۇردە «ءۇش ءتۇرلى كۇشپەن» باتىل كۇرەس جاساپ، ءوزى باس بولىپ، اتويلاپ الدا ءجۇرۋى، شەشۋشى ساتتە كەۋدە كەرىپ العا شىعا الاتىن، اتويلاپ الدا جۇرەتىن، توزىمدىلىك كورسەتەتىن، شايقاستا جەڭىپ شىعاتىن بولۋى كەرەك. دامۋ بولماسا، باياندى ورنىقتىلىق بولمايدى. رايونىمىزداعى قالىڭ پارتيا مۇشەلەرى دامۋدى ماڭداي الدى مىندەت ەتىپ، العان بەتىنەن قايتپاي، دامۋدى جەبەۋدىڭ كوشباسشىسى، ءار ۇلت حالقىنىڭ تىرەگى بولۋى كەرەك.

    باس نىسانانى بەتكە الىپ ۇدەرە العا تارتۋ ءۇشىن، ءسوز جوق، ناقتى ءىس تىندىرۋ كەرەك. الىسقا ساپار ادىم جەردەن باستالادى دەگەن. جوبا جاسالىپ، باعىت بەلگىلەنىپ بولدى، قىزمەتتەردى قۇنتتىلىقپەن دايەكتىلەندىرۋىمىز، تياناقتاندىرۋىمىز، ىجداعاتتىلىقپەن، ءبىر - بىرلەپ تىڭعىلىقتى شىنايى ىستەۋىمىز كەرەك. رايونىمىزداعى ءار دارەجەلى پارتيالى كادرلار شىندىققا جۇگىنىپ، ناقتى ىستەر ىستەۋدە تاباندى بولىپ، قىزمەتتى جاقسى ىستەي الماسا، تاماعىنان اس وتپەيتىن، تىنىشتىق تابا المايتىن كۇشتى جاۋاپكەرشىلىك سەزىممەن، بەل شەشە كىرىسىپ، شىنايى ىستەپ، ورنالاستىرۋدى، ىلگەرىلەتۋدى، تياناقتاندىرۋدى مىقتى يگەرىپ، تەرەڭ قويناۋلارعا قادام تاستاپ، ءىرى ىستەردى كوزدەپ، قيىن ماسەلەلەردى شەشىپ، ناقتى ونىمدىلىككە قول جەتكىزۋگە تالپىنىپ، رياسىز كوڭىلمەن، بار ىنتا - پەيىلمەن حالىق ءۇشىن قىزمەت ەتىپ، حالىققا ناقتى يگىلىك جاراتۋعا قۇلشىنۋلارى كەرەك.

    باس نىسانانى بەتكە الىپ ۇدەرە العا تارتۋ ءۇشىن، ءسوز جوق، قۋاتتى ارتتىرىپ، قايراتتى مولايتىپ، العاباسارلىقتى ماڭگى ساقتاۋ كەرەك. پارتيا مەن مەملەكەت بولاشاق تاعدىرىن بىزگە تاپسىرعان ەكەن، وسى جاۋاپكەرشىلىكتى باتىلدىقپەن ارقالاۋىمىز كەرەك. تەمىر سوعۋ ءۇشىن تەمىردەن دە مىقتى بولۋ كەرەك دەگەندەي، بىزدە وسى جاۋاپكەرشىلىكتى ارقالاي الاتىن قاۋقار، قايرات بولۋى، ءوز قىزمەت ورنىمىزدا قۇلشىنا قىزمەت ىستەيتىن، كاسىپتى ءسۇيىپ، قالتقىسىز ۇلەس قوساتىن كۇي بولۋى قاجەت. پارتيانى كوركەيتۋ، پارتيانى قۇدىرەتتەندىرۋ ءۇشىن، ءسوز جوق، وزىنە - ءوزى باتىلدىقپەن توڭكەرىس جۇرگىزەتىن جىگەر مەن رۋحتى شىڭداپ، قابىلەتتى سومداۋى، «ۇشتە قاتاڭ، ۇشتە شىنايى بولۋ»، «ەكىنى ۇيرەنۋ، بىردە تولىمدى بولۋدى» ءوزىن كەمەلدەندىرۋدىڭ نەگىزى، اكىمشىلىك ءىس قاعيداسى، ءىس تىندىرۋدىڭ تەتىگى ەتىپ، كوڭىلىندە پارتيا، جۇرەگىندە حالىق، ويىندا جاۋاپكەرشىلىك، ساناسىندا تيىم بولۋ سىندى ساياسي كوورديناتانى دۇرىستاعاندا عانا، شامامىز جەتپەي قالادى - اۋ، حالىقتىڭ تىلەگىن توعىستىرا الماي قالامىز - اۋ دەگەننەن الاڭدامايمىز. رايونىمىزداعى قالىڭ پارتيا مۇشەلەرى «4 تانىمدى» كوكەيگە بەرىك ورناتىپ، «4 سەنىمدى» بەكەمدەپ، رۋحاني كالتسيدى تولىقتاپ، ستيلدى قاتايتىپ، ءتۇزىم قاپاسىن بەرىك توقىپ، زاڭ، ءتارتىپ شىبىعىن مىقتى ءۇيىرىپ، «4 ءتۇرلى بۇرىس ستيل» مەن «4 تەرىس پيعىلدى» باتىل الاستاپ، جاۋاپكەرشىلىكتى ارقالاي الاتىن، سىن - سايىستارعا توتەپ بەرە الاتىن، كوممۋنيست دەگەن ايبىندى اتاققا ساي كەلەتىن بولۋلارى كەرەك.

    ءبىز يدەيادا، ساياسيدا، ارەكەتتە باستان - اياق پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، پارتيانىڭ تۋىن تۋ، پارتيانىڭ باعىتىن باعىت، پارتيانىڭ ەركىن ەرىك ەتىپ، نەگىزگى ساتىداعى ءاربىر پارتيا ۇيىمىنىڭ قۇدىرەتتى جاۋىنگەر قورعانعا اينالۋىنا، ءاربىر پارتيا مۇشەسىنىڭ اۆانگاردتىق، ونەگەلىك رولىن تولىق ساۋلەلەندىرۋىنە مۇمكىندىك جاساپ، پارتيانىڭ ۇيىسۋ قۋاتىن، باۋراۋ قۋاتىن، جاۋىنگەرلىك قۋاتىن ونان ارى كۇشەيتىپ، ۇزبەي جاڭا جاعداي جاراتىپ، پارتيا 19 - قۇرىلتايىنىڭ جەڭىسپەن اشىلۋىن ناقتى ارەكەتىمىزبەن قارسى الۋىمىز كەرەك!

جاۋاپتى رەداكتور:سايراش تۇرارجان قىزى