قازاق ۇلتىنىڭ ءبىر وتباسىنداعى ءتورت ۇرپاقتىڭ مەملەكەت تۋىن شىعارۋى

جۇمان جۇكەن ۇلى ەرلى-زايىپتىلار جانە ۇلىنىڭ وتباسىنداعىلارمەن بىرگە جەلبىرەگەن تۋدىڭ استىندا سۋرەتكە ءتۇستى

    الدىڭعى اپتادا، 9 سەكۋندتىق كەسكىن دوستار شەڭبەرىندە كەڭىنەن تارالدى.

    جايلاۋدا، نارت قىزىل تۋ جەلمەن بىرگە جەلبىرەدى. تۋدىڭ باعاناسى سۋلياۋ جىىپپەن بايلانعان ەكى دىڭگەك. باعانانىڭ استىندا سارى ماي سالىنعان تەرى قالتا. وسى تۋ باعاناسىنىڭ قاسىندا ءبىرى بيىك، ءبىرى الاسا ەكى بالا تىكەدەن تىك تۇرىپ، مەملەكەت تۋىنا قاسقايىپ قاراپ تۇرىپ، اسقاق داۋىسپەن: جان تانىمىزبەن سوعايىق جاڭا ۇلى قورعان،-دەپ مەملەكەت ءانىن ايتتى.

    مۇنىڭ ىشىندەگى ءبىر كىشكەنتاي قىزدىڭ جاسى 5 جارىم جاستا، اتى باۋرا تىلەك قىزى. باۋرا تىلەك قىزىنىڭ اتاسى جۇكەن قوعان ۇلىنان باستاپ، وسى ءبىر قاراپايىم قازاق وتباسىندا وتاندى ءسۇيۋدىڭ اسىل تۇقىمى سەبىلىپ، قازىرگە دەيىن شەشەك اتىپ كەلەدى.

    1952-جىلى جازدا، ساۋان اۋدانىنداعى قازاق مالشى جۇكەن قوعان ۇلى ءبىرىنشى رەت بەس جۇلدىزدى قىزىل تۋدى كورەدى.

    سول كۇنى، ول وسى بەس جۇلدىزدى قىزىل تۋدى الىپ كەلگەن ازاتتىق ارميا تۇرعان جەردەن ءبىر قالتا اق ۇن الادى.

    جۇكەن قوعان ۇلىنىڭ قيىن كۇندەرى وسى ءبىر نارت قىزىل تۋدىڭ كورگەن كۇننەن باستاپ، جاقسارا باستايدى. سودان باستاپ، ول ءوزى مەن بالالارىنىڭ باقىتتى تۇرمىسى وسى ءبىر نارت قىزىل تۋدى كورگەننەن باستالدى دەپ ويلايدى.

    جۇمان جۇكەن ۇلى جۇكەن قوعان ۇلىنىڭ بالاسى، ول ەكى جاسىندا اكە-شەشەسىمەن ىلەسىپ قارامايلى قالاسى شوگەي گۇڭشىسى ىنتىماق قىستاعىنا كەلىپ، ءبىر ءۇيلى جان مال باعىپ، كۇنەلتەدى.

    كەيىن كەلە، جۇمان جۇكەن ۇلى گازەتتە ايتىلعان «قارامايلى مۇناي الابىن قۇرۋ» سىندى اكەسىنىڭ ءىسىن بىلەدى.

    1971-جىلى، جۇمان جۇكەن ۇلى وتباسىندا تەپسە تەمىر ۇزەتىن ىسكەر ازاماتقا اينالادى. سول جىلى ءساۋىر ايىندا، ول ءبىرىنشى رەت مالداردى ايداپ كوشەدى. جولعا شىعاردان بۇرىن اكەسى وعان گۇڭشىنىڭ دۇكەنىنەن ءبىر قىزىل بۇلدى الىپ بەرىپ، تاعى ءبىر اعاش قوبديشانى بەرىپ، قىزىل بۇلدى وسى قوبديشانىڭ ىشىنە بۇكتەپ سالىپ بەرەدى دە، بىلاي دەپ تاپسىرادى: مىنا قوبديشانى كيىمدەرىڭنىڭ ىشىنە سالىپ ال، جوعالىپ قالماسىن.

    جاز جايلاۋعا بارىپ بولعاننان كەيىن، اكەسى وعان وسى قىزىل بۇلدى كيىز ءۇيدىڭ توبەسىنە بايلاپ قويدىرادى. سودان كەيىن، ول بەس بالاسىنا وسى جەلمەن بىرگە جەلبىرەپ تۇرعان قىزىل بۇلدى كورسەتىپ تۇرىپ بىلاي دەيدى: دۇكەن وتە شاعىن بولعاندىقتان، مەملەكەت تۋى جوق ەكەن. وسى قىزىل بۇل ءبىزدىڭ مەملەكەت تۋىمىز بولسىن.

    سول جىلدان باستاپ، جۇمان جۇكەن ۇلىنىڭ جاز جايلاۋىنداعى كيىز ءۇيىنىڭ توبەسىندە قىپ-قىزىل «مەملەكەت تۋى» جەلبىرەپ تۇرادى.

    كەيىن كەلە شارت-جاعداي بارعان سايىن جاقسارىپ، قىزىل بۇلدان جاسالعان «مەملەكەت تۋى» ناعىز بەس جۇلدىزدى قىزىل تۋعا الماسادى.

    تىلەك جۇمان ۇلىنىڭ داڭقتى مىندەتى

    1993-جىلى شىلدەدە، جۇمان جۇكەن ۇلى پارتياعا كىرەدى. ول وسى بەس اعايىندىلاردىڭ ىشىندەگى ەڭ سوڭعى پارتياعا كىرگەن ادام ەدى.

    جۇكەن قوعان ۇلىنىڭ بالالارى بولۋ سالاۋاتىمەن، 5 ادامنىڭ پارتياعا كىرۋدەگى العاشقى ماقساتى ۇقساس بولاتىن، ول بولسا، اكەلەرىنىڭ: ءارقاشان مەملەكەتتىك شاپاعاتىنان يگىلىكتەنە بەرۋگە بولمايدى، تىلەكتى اقتاپ، مەملەكەت ءۇشىن ەڭبەك ەتۋ. پارتيا مۇشەسى مەملەكەت ءۇشىن ەڭبەك ەتۋ كەرەك، پارتياعا كىرۋگە قولشىنۋ كەرەك،- دەگەن تالاپ ەدى.

    2003-جىلى تامىز ايىنىڭ سوڭىندا، جۇمان جۇكەن ۇلى بالاسى تىلەك جۇمان ۇلىن ىلە پەداگوگيكا ينستيتۋتىنا وقۋعا جىبەرگەن كەزدە، ۇلىنا مىنالاردى اشىق ايتادى: پارتيا مەن ۇكىمەتتىڭ جاقسى ساياساتىنىڭ ارقاسىندا سەن جوعارى مەكتەپكە وقۋعا كەتىپ باراسىڭ، مەملەكەتتىك شاپاعاتىنان يگىلىكتەنە بەرۋگە بولمايدى، تىلەكتى اقتاۋدى ءبىلىپ، قۇلشىنا ۇيرەنىپ، مەكتەپ ءۇشىن كوبىرەك قىزمەت وتەۋدى ءبىلۋىڭ كەرەك.

    تىلەك جۇمان ۇلى ۋنيۆەرسيتەتكە شىققان ءبىرىنشى كۇننەن باستاپ، ناقتىلى ىستەرىمەن اكەسىنىڭ ءسوزىن جەردە قالدىرماۋعا تىرىسادى.

    جاڭا قابىلدانعان وقۋشىلاردىڭ اسكەري جاتتىعۋ مەزگىلىندە ۇزدىك بولعاندىقتان، ول مەكتەپ جاعىنان مەملەكەت تۋىن قورعاۋ اترەتىنىڭ مۇشەسى بولادى.

    ول مەملەكەت تۋىن شىعارۋدى ءسوزسىز ىستەۋگە ءتيىستى ىسىنە اينالدىرىپ، تۋدى شىعارۋدى جاپالى جاتتىعادى. تۋدى شىعارۋ ورنىنان تۋ باعاناسىنا دەيىن 18 قادام جۇرەمىن، تۋدىڭ جىبىن وڭ قولىما S فورماسىندا ورايمىن، «مەملەكەت ءانى» 46 سەكۋند، سۇيەمەل مۋزىكا 7 سەكۋندتقا كەلگەندە، تۋدى سەرپىپ شىعارامىن. تۋدى باعانادا 42 رەت سىرعىتىپ شىعارامىن.

    ول تۋ ۇستاۋشىدان «ورلەپ» تۋدى سەرپىپ لاقتىرۋشى بولادى. ودان تۋدى شىعارۋشى بولادى. ودان اترەت باستىعى بولىپ، ءۇشىنشى جىلدىققا كەلگەندە، تىلەك جۇمان ۇلى داڭقتى تۇردە جۇڭگو كوممۋنيستىك پارتياسىنا كىرەدى.

    شىنىن قۋعاندا، اكەسىنىڭ اسەرىنە ۇشىراۋدان تىس، تىلەك جۇمان ۇلى 1991-جىلى جاڭادان باستاۋىش مەكتەپ وقىعان كەزدە، اتاسىنىڭ سۋرەتىنىڭ ۇستىندە پارتيا تۋىنىڭ ىلىنگەنىن كورىپ، اتاسى سياقتى پارتيا مۇشەسى بولعىسى كەلەتىن-دى.

جاۋاپتى رەداكتور:سايراش تۇرارجان قىزى