شىنايى قامقورلىق شياڭجياڭعا مەيىرىن توكتى، كورەگەندىك كوركەم بولاشاقتى كەستەلەدى

    − پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شياڭگاڭنىڭ دامۋىنا كوڭىل بولگەنى جونىندە

    بيىل 1 - شىلدە − شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن اتاپ ءوتۋ كۇنى. شياڭگاڭنىڭ وتان قۇشاعىنا ورالعاندىعىنىڭ 20 جىلدىعىن تويلاۋ جينالىسىنا جانە شياڭگاڭ ەرەكشە اكىمشىلىك رايونىنىڭ 5 - كەزەكتى ۇكىمەتىنىڭ مىندەتكە وتىرۋ سالتىنا قاتىناسۋ ءارى شياڭگاڭ ەرەكشە اكىمشىلىك رايونىندا قىزمەت تەكسەرۋ ءۇشىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جانە ونىڭ ساپارلاستارى 29 - ماۋسىمدا شياڭگاڭعا بارادى.

    پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى ءبىر ميلليارد 300 ميلليون حالىقتى باستاپ جۇدىرىقتاي جۇمىلىپ، ۇدەرە العا تارتىپ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋ ساپارىندا ۇزدىكسىز جاڭا، ۇلى جەڭىستەرگە قول جەتكىزدى. جۇڭگوشا سوتسياليزمنىڭ ماڭىزدى قۇرامداس بولەگى رەتىندە «ءبىر ەل، ەكى ءتۇزىم» ىستەرى دە ۇزدىكسىز تىڭ تابىستارعا، جاڭا ىلگەرىلەۋشىلىكتەرگە قول جەتكىزدى.

    5 جىلدا، شياڭگاڭ ەرەكشە اكىمشىلىك رايونى «ءبىر ەل، ەكى ءتۇزىم» ءتۇزىمىنىڭ باسىمدىعىن تولىق ساۋلەلەندىرىپ، گۇلدەنىپ - كوركەيدى، ورنىقتىلىقتى ساقتادى، سان - سالالى ىستەرى جاپپاي دامىپ، جەر شارىنداعى باسەكەلىك قۋاتى ەڭ كۇشتى رايونداردىڭ ءبىرى جانە ەڭ ەركىن ەكونوميكالىق تۇلعا رەتىندە تانىلدى. وسىنىڭ بارلىعىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ «ءبىر ەل، ەكى ءتۇزىم» باعىتىن اتقارۋ بەكىمى مەن سەنىمىنەن، ورتالىق ۇكىمەتتىڭ شىنايى قامقورلىعى مەن قولداۋىنان بولە قاراۋعا بولمايدى.

    «شياڭگاڭ، ءسوزسىز، گۇلدەنىپ - كوركەيەدى»

    شىنجىنداعى ليانحۋاشان ساياباعىندا گۇل - شوپتەر قۇلپىرا جايقالىپ، كورىنىسى كوز تارتادى. ونداعى دىڭ شياۋپيڭنىڭ ايبىندى دا اسقاق مىس ءمۇسىنى تەرەڭ ويلى جانارمەن تاۋ باۋرايىنداعى ىرىستى توپىراققا جانە وزەننىڭ ارعى جاعاسىنداعى شياڭگاڭعا نازار سالىپ تۇرعانداي.

    2012 - جىلى جەلتوقساندا، ەندى عانا ج ك پ ورتالىق كوميتەتىنىڭ باس شۋجيى بولىپ سايلانعان شي جينپيڭ بەيجيڭنەن تۇڭعىش رەت قىزمەت تەكسەرىپ سىرتقا شىققاندا، ەڭ الدىمەن شىنجىنعا كەلدى. 8 - جەلتوقسان تۇستەن بۇرىن، ول ليانحۋاشان ساياباعىنا كەلىپ، دىڭ شياۋپيڭ جولداستىڭ مىس مۇسىنىنە قۇرمەتپەن قارادى ءارى گۇل شارباق قويدى. ول تاۋدان جاياۋلاپ ەتەككە تۇسكەندە، شياڭگاڭدىق ءتىلشى ودان: باس شۋجي، شياڭگاڭدىق باۋىرلاستارعا نە ايتار ەدىڭىز؟ - دەپ سۇراعاندا، شي جينپيڭ: شياڭگاڭ،ءسوزسىز، گۇلدەنىپ - كوركەيەدى! - دەدى ايقىن كەسەتىپ.

    مىنە بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شياڭگاڭعا دەگەن ىزگى نيەتتى ءۇمىتى مەن تولىق سەنىمى ەدى.

    وتكەن 5 جىلعا قايىرىلىپ قاراعاندا، پارتيا ورتالىق كوميتەتىنىڭ شياڭگاڭعا دەگەن قامقورلىعىنىڭ باستان - اياق بىردەي بولعاندىعىن كورەمىز، ىلعي دا وتاننىڭ شياڭگاڭعا دەگەن شىنايى سۇيىسپەنشىلىگىن سەزىنەمىز.

    5 جىلدان بەرى، شي جينپيڭ شياڭگاڭ ەرەكشە اكىمشىلىك رايونىنىڭ ءمانساپتىلارىن جانە قوعامداعى ءار سالا قايراتكەرلەرىن قابىلداعاندا، شياڭگاڭنىڭ ەكونوميكاسىن، حالىق تۇرمىسىن تالاي رەت اۋىزعا الدى، ىقىلاسپەن ايتقان سوزدەرى جۇرتتى ايرىقشا جىگەرلەندىردى.

    2013 - جىلى 6 - قازان، يندونەزيانىڭ بالي ارالى، ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 21 - رەتكى بەي رەسمي كەڭەسى. شي جينپيڭ شياڭگاڭ ەرەكشە اكىمشىلىك رايونىنىڭ اكىمى لياڭ جىنيىڭدى قابىلداعاندا: شياڭگاڭ ەكونوميكاسىنىڭ گۇلدەنۋى مەن قوعامىنىڭ ورنىقتىلىعىن قولداۋ − ورتالىق ۇكىمەتتىڭ بۇلجىمايتىن دايەكتى تۇرعىسى. ەرەكشە اكىمشىلىك رايون ۇكىمەتىنىڭ زاڭ بويىنشا بيلىك جۇرگىزۋدەن جازباي، ەكونوميكانى دامىتۋ، حالىق تۇرمىسىن جاقسارتۋ قىزمەتىن مىقتاپ يگەرۋىن ءۇمىت ەتەمىن، - دەپ اتاپ كورسەتتى.

    2015 - جىلى 18 - قاراشا، فيليپپيننىڭ مانيلا قالاسى، ازيا - تىنىق مۇحيت ەكونوميكالىق سەلبەستىك ۇيىمىنا مۇشە ەلدەر باسشىلارىنىڭ 23 - رەتكى بەي رەسمي كەڭەسى. شي جينپيڭ لياڭ جىنيىڭگە مىنانى اتاپ كورسەتتى: تاياۋدان بەرى، ەرەكشە اكىمشىلىك رايون ۇكىمەتى بيلىك جۇرگىزۋدىڭ ماڭىزدى ءتۇيىنىن دەر كەزىندە ەكونوميكاعا، حالىق تۇرمىسىنا ويىستىرىپ، شياڭگاڭ قوعامىنداعى ءار سالانىڭ جاقسى اڭىسىنا يە بولدى. ورتالىق ۇكىمەت اكىمشىلىك رايوننىڭ اكىمى مەن ەرەكشە اكىمشىلىك رايون ۇكىمەتىنىڭ قىزمەتىن تولىق تۇراقتاندىرادى، زور كۇشپەن قولدايدى.

    2016 - جىلى 23 - جەلتوقسان، جۇڭنانحايدىڭ يىڭتايى. شي جينپيڭ بەيجيڭگە قىزمەتتەن ەسەپ بەرگەلى كەلگەن لياڭ جىنيىڭدى قابىلداعاندا مىنانى اتاپ كورسەتتى: قازىر شياڭگاڭنىڭ قوعامى، ساياسيى، ەكونوميكاسى ورنىقتى قاداممەن دامۋدا، ورتالىق ۇكىمەت تە شياڭگاڭ قالاسىنىڭ تۇرعىندارى سياقتى ەكونوميكانى اناعۇرلىم دامىتۋدى، حالىق تۇرمىسىن جاقسارتۋدى، قوعامنىڭ جاراسىمدى بولۋىن، قالا تۇرعىندارىنىڭ الاڭسىز تىرشىلىك ەتۋىن ءۇمىت ەتەدى.

    5 جىلدا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شىنايى قامقورلىعىندا، ورتالىق ۇكىمەت شياڭگاڭعا ءتيىمدى ءبىر قىدىرۋ ساياساتتاردى ىركەس - تىركەس شىعارىپ، شياڭگاڭ ءۇشىن ناقتى دامۋ ورايىن جانە شەكسىز دامۋ ءورىسىن ازىرلەدى، بۇل شياڭگاڭنىڭ ۇزاق ۋاقىت گۇلدەنىپ - كوركەيۋىن، ورنىقتى بولۋىن ساقتاۋدىڭ پارمەندى كەپىلى بولدى.

    «ىشكى وڭىرلەردىڭ شياڭگاڭمەن اناعۇرلىم قويۋ ەكونوميكالىق قاتىناس ورناتۋى جونىندەگى ورنالاستىرۋ» (CEPA) − ىشكى وڭىرلەر جاپپاي اتقارعان ءارى دۇنيە جۇزىلىك ساۋدا ۇيىمىنىڭ قاراۋىنان وتكەن ەڭ العاشقى ەركىن ساۋدا كەلىسىمدەرىنىڭ ءبىرى، سونداي - اق شياڭگاڭ قول قويعان تۇڭعىش ەركىن ساۋدا كەلىسىمى. ىشكى وڭىرلەردىڭ شياڭگاڭعا زات ساۋداسىن ەركىندەستىرۋدى جاپپاي اتقارۋ نەگىزىندە، 2015 - جىلى 27 - قاراشادا ىشكى وڭىرلەردىڭ شياڭگاڭمەن قىزمەت كورسەتۋ ساۋداسىن ەركىندەستىرۋدى ىسكە اسىرۋ ماقساتىنداعى «CEPA قىزمەت كورسەتۋ ساۋدا كەلىسىمىنە» ءساتتى قول قويىلىپ، شياڭگاڭنىڭ ىشكى وڭىرلەردىڭ ەسىك اشۋداعى ەڭ ءتيىمدى شارالارىنان يگىلىكتەنۋىنە اناعۇرلىم كەپىلدىك ەتىلدى.

جاۋاپتى رەداكتور:نۇرجان مينۋار قىزى