حالىقتىڭ تىلەگىنە ۇيلەسەتىن ءىستىڭ بارلىعى پارتيانىڭ كۇرەس نىساناسى

    باس شۋجيدىڭ باسقان ىزىمەن

ۇمىتىلماس ساتتەر

    2014 - جىلى 28 - ءساۋىر، باس شۋجي شي جينپيڭ قاشقار كونە ءشار اۋدانى توققۇزاق قالاشىعى اياققى مانگان قىستاعىنا كەلىپ، قىستاق دارەجەلى ۇيىمنىڭ قىزمەت جاعدايىن جانە حالىققا قولايلى قىزمەت كورسەتۋ احۋالىن ۇعىستى. قىستاق كادرلارى باس شۋجيگە قىستاق شارۋاشىلىعىنىڭ دامۋى، قىستاق تۇرعىندارىنىڭ كىرىسىنىڭ ارتۋى سياقتى قىزمەتتەردىڭ مىقتاپ يگەرىلگەنىن، كەيبىر ەرەكشە مادەنيەت قيمىلدارى وتكىزىلگەنىن، اۋىلداستاردىڭ بەرەكەلى تۇراتىنىن، اماندىق باسقارۋدىڭ دا وتە جاقسى ەكەنىن ايتتى.

    باس شۋجي بىلاي دەدى

    سىزدەردىڭ امالياتتارىڭىز سوتسياليستىك جاڭاشا اۋىل - قىستاق قۇرىلىسىنىڭ جولى داڭعىل ەكەنىن، وتاننىڭ شەكارا ءوڭىرىنىڭ دامۋ بولاشاعى تاماشا ەكەنىن ءتۇسىندىردى.

    قاشقار كونە ءشار اۋدانى توققۇزاق قالاشىعى اياققى مانگان قىستاعىنىڭ تۇرعىندارى تاپسىرمانى ەستەرىنە بەرىك ساقتادى

    ەڭبەكشىل قوس قولدارى ارقىلى تاماشا تۇرمىسقا قول جەتكىزدى

    2014 - جىلى 28 - ساۋىردە باس شۋجي شي جينپيڭنىڭ قاشقار كونە ءشار اۋدانى توققۇزاق قالاشىعى اياققى مانگان قىستاعىنا كەلىپ قىزمەت تەكسەرۋى اياققى مانگان قىستاعىنىڭ تۇرعىندارى جونىنەن ماڭگىلىك ەستە قالاتىن كۇن بولدى. باس شۋجي شي جينپيڭ قىستاققا كەلىپ، قىستاق تۇرعىندارىمەن ارقا - جارقا اڭگىمەلەستى، باس شۋجيدىڭ ىقىلاسقا تولى قامقورلىعى مەن شىن پەيىلدى ءتالىمىن قىستاق تۇرعىندارى ەستەرىنە مىقتاپ ساقتادى. 2017 - جىلى 17 - ماۋسىم ءتىلشى قاشقار كونە ءشار اۋدانى توققۇزاق قالاشىعى اياققى مانگان قىستاعىنا بارعاندا، ەڭ كوپ ەستىگەن ءسوزى باس شۋجي شي جينپيڭنىڭ ىقىلاستى قامقورلىعىنا دەگەن العىس بولسا، ال بارلىق جەردەن كوزىنە شالىققانى جاڭا وزگەرىستەر بولدى، 3 جىلدان استام ۋاقىتتان بەرى، قىستاقتا جاڭادان بەيقۇت ۇيلەر سالىنىپ، جاڭا سالىنعان جولعا ماي توسەلىپ، شىراقتار ورناتىلىپ، جاڭادان قوقىر - قوقسىق ساندىقتارى قويىلىپ، جاڭا وقىتۋ عيماراتتارى بوي كوتەردى، بۇقارانىڭ اۋقاتتانۋ جولى كەڭەيىپ، تۇرعىنداردىڭ تۇرمىسى كۇننەن - كۇنگە جاقساردى.

    اياققى مانگان قىستاعى پارتيا ياچەيكاسىنىڭ شۋجيى روزىمامەتجان ءمامتىمىن تىلشىگە باس شۋجيدىڭ ىقىلاستى قامقورلىعىنىڭ ارقاسىندا، جوعارى دارەجەلى پارتكوم مەن «ۇعىسۋ، تيىمدىلىك جاساۋ، توعىستىرۋ» قىزمەت اترەتىنىڭ كومەگىندە، قىستاق تۇرعىندارى باس شۋجيدىڭ تاپسىرماسىن ەستەرىنە بەرىك ساقتاپ، تىزە قوسا قۇلشىنۋ ارقىلى بىلتىر تۇتاس قىستاق بويىنشا كەدەيلىكتەن جاپپاي قۇتىلۋ جۇزەگە استى دەگەن حاباردى قۋانا جەتكىزدى. روزىمامەتجان ءمامتىمىن بىلاي دەدى: «قىستاق قالا ماڭىندا بولۋداي باسىمدىعىن تولىق ساۋلەلەندىرىپ، جەمىس ورمان شارۋاشىلىعىن زور كۇشپەن دامىتۋدى بۇقارانىڭ كىرىسىن ءۇرتىس ارتتىرۋداعى جەتەكشى كاسىپ ەتىپ ىلگەرىلەتىپ، شىلان باعىپ - باپتاۋ جاعىنداعى تەحنيكتەردى ارناۋلى ۇسىنىس ەتىپ، 2300 مۋ جەردەگى شىلاندى باعىپ - باپتاۋ تەحنيكاسىن جالپى بەتتىك جوعارىلاتىپ، جيناۋدان ۇلگى كورسەتەتىن 2 باقشا اشتى، سونىمەن جەمىس ورمانىن جەتەكشى كاسىپ ەتۋدىڭ نەگىزگى كولەمى العاشقى ادىمدا قالىپتاستى. سونىمەن بىرگە، كوكونىس ەگىنشىلىگىن زور كۇشپەن دامىتىپ، قۇرىلعىلى اۋىل شارۋاشىلىعىن مولايتىپ، كۇشەيتىپ، جاڭادان 155 قالتقى سالىپ، پاميدور، قىزىل بۇرىش سياقتى كوكونىستەردى ءوسىردى، كوكونىس ءوسىرۋ اۋماعىن كەڭەيتىپ، «كوجە - قاتىق» ينجەنەرياسىن بەلسەنە دامىتتى ءارى «ءبىر وتباسىنا ءبىر جوبا جاساۋ» ۇلگىسى بويىنشا شارۋالاردىڭ اۋلا شارۋاشىلىعىنا وزگەرىس ەنگىزىپ، اۋلا شارۋاشىلىعى ارقىلى ەرەكشە ەگىنشىلىك، باعىمشىلىق كاسىپتەرىن، ساياحات كاسىبىن زور كۇشپەن دامىتىپ، اۋىل شارۋاشىلىعىندىق سەرۋەن - ساياحات كاسىبى، مادەنيەت - تىنىعۋ - كوڭىل اشۋ كاسىبى ءبىر تۇلعالانعان ۇلگى كورسەتۋ تۇيىندەرىن قالىپتاستىرىپ، «شاعىن اۋلا، كولەمدى شارۋاشىلىق» فورماسىن جۇزەگە اسىردى.

    ءتىلشىنىڭ ۇعىسۋىنشا، قىستاق تاعى دا شارۋالاردىڭ كاسىپتىك سەلبەستىك كووپەراتيۆتەرىن دە زور كۇشپەن دامىتىپتى. اياققى مانگان قىستاعى شارۋالار كيىم - كەشەك كاسىپتىك سەلبەستىك كووپەراتيۆىن قۇرىپ، 59 ادامنىڭ جاقىن ماڭنان، ءوز جەرىندە، وتباسىندا جۇمىسقا ورنالاسۋىنا مۇمكىندىك جاساعان، مۇنداعى مۇشەلەردىڭ ايلىق كىرىسى 2400 − 2800 يۋاننان اينالعان. قىستاقتاعى سىبىرتكى جاساۋعا شەبەر تۇرعىنداردىڭ باسىمدىعىن تولىق ساۋلەلەندىرىپ، تۇرعىنداردىڭ ۋارىس قولونەر بۇيىمدارى شارۋالار كاسىپتىك سەلبەستىك كووپەراتيۆىن قۇرۋىنا، ساۋدا ماركاسىن تىركەتىپ، توراپ دۇكەنىن اشۋىنا قولداۋ كورسەتىپ جانە كومەكتەسىپ، «ينتەرنەت +» توتە ساتۋ ۇلگىسىن سىناق ەتىپ، ءداستۇرلى كاسىپتى ۇلعايتقان جانە كۇشەيتكەن. قازىر سەلبەستىك كووپەراتيۆى كۇنىنە 7000 سىبىرتكى جاسايدى، جىلدىق ءونىم قۇنى 19 ميلليون 600 مىڭ يۋانعا جەتىپ، 350 ادامنىڭ ءوز جەرىنەن، جاقىن ماڭنان جۇمىسقا ورنالاسۋىنا تۇرتكى بولدى. قولدانىلمالى تەحنيكاعا جەتىلدىرۋ جانە ەڭبەككۇشتەردى سىرتقا شىعارۋ ۇگىتى ارقىلى قىستاق تۇرعىندارىنىڭ تانىمىندا وزگەرىس تۋدىردى، قىستاقتان سىرتقا شىعىپ جۇمىس ىستەيتىندەردىڭ سانى بۇرىنعى 100 نەشە ادامنان 500 نەشە ادامعا مولايدى. كوپ ءتۇرلى جول ارقىلى بۇقارانىڭ كىرىسىن ارتتىرىپ، تۇتاس قىستاقتاعى 192 كەدەي وتباسى بىلتىر كەدەيلىكتەن ءساتتى قۇتىلدى. قىستاقتىڭ مادەنيەت الاڭىندا، ءتىلشى توققۇزاق قالاشىعى مادەنيەت پۋنكتىنىڭ كادرى يپارگۇل ۇلقاش پەن اياققى مانگان قىستاعىنىڭ حالىق ونەرپازى قاۋىل مامەتكە كەزدەسىپ قالدى، ولار قىستاقتا ورىستەتىلگەن مادەنيەت، دەنە تاربيە قيمىلىنا جەتەكشىلىك ەتۋدە ەكەن. قاۋىل مامەت عىجەكپەن «ءبىزدىڭ شينجياڭ ەڭ كوركەم» ءانىن ورىنداي وتىرىپ، باس شۋجيدىڭ قىستاق تۇرعىندارىمەن شۇيىركەلەسە اڭگىمەلەسكەن ءساتىن ەسكە الدى. قاۋىل مامەت تىلشىگە باس شۋجيدىڭ شينجياڭداعى ءار ۇلت حالقىنا دەگەن شىنايى قامقورلىعىن مۋزيكاسى ارقىلى جىرلاپ، مۋزيكاسى ارقىلى ءوزىنىڭ باس شۋجيگە دەگەن العىستى سەزىمىن بەينەلەيتىنىن ايتتى.

    توققۇزاق قالاشىعى مادەنيەت پۋنكتىنىڭ كادرى يپارگۇل ۇلقاش تانىستىرىپ بىلاي دەدى: 3 جىلدان بەرى قىستاقتا 2 مادەنيەت الاڭى جاڭادان سالىندى، قالاشىق ادەبيەت - كوركەمونەر كونسەرت ۇيىرمەسىنىڭ، نەگىزگى ساتىداعى مادەنيەت شەبەرلەرى قوسىنىنىڭ دامۋىنا قولداۋ كورسەتتى، قاۋىل مامەت ەكەۋىمىز قىستاق تۇرعىندارىن نەگىزىنەن اپتا سايىن ءماشىراپ، الاڭ ءبيى، ءجىپ سەكىرۋ، تەپكىش تەبۋ، باسكەتبول ويناۋ سياقتى مادەنيەت، دەنە تاربيە قيمىلدارىنا قاتىناسۋعا ۇيىمداستىرىپ، بۇقارانىڭ رۋحاني مادەني تۇرمىسىن بايىتىپ كەلەمىز. روزىمامەتجان ءمامتىمىن بىلاي دەدى: «3 جىلدان بەرى، تۇرعىنداردىڭ ءوندىرىس، تۇرمىس شارت - جاعدايى كەمەلدەندى، رۋحاني بەت - بەينەسى دە بارعان سايىن جاقساردى. قىستاق تۇرعىندار كوميتەتى وتانشىلدىق تاربيە بازاسىن قۇرىپ، باس شۋجي قىزمەت تەكسەرگەن كەزدە ول كىسىمەن اڭگىمەلەسكەن، بىرگە سۋرەتكە تۇسكەن اۋىلداستاردان، «ءتورت ءتۇرلى قارتتاردان» بۇقارالىق ۇگىت - لەكسيا ۇيىرمەسىن ۇيىمداستىرىپ، بۇقارانىڭ جانىنداعى ادامداردان، ماڭايىنداعى ىستەردەن، توڭىرەگىندەگى وزگەرىستەردەن پايدالانىپ، تۇتاس اۋدانداعى بۇقارانى العىس تانىمىن ورناتۋعا، ءىس جۇزىندىك ارەكەتتەرى ارقىلى پارتياعا، قوعامعا العىس ايتۋعا تاربيەلەدى جانە جەتەكتەدى». الداعى دامۋدى تىلگە العاندا، روزىمامەتجان ءمامتىمىن نىق سەنىممەن: قىستاق تۇرعىندار كوميتەتى باسشىلار القاسىنىڭ مۇشەلەرى باس شۋجيدىڭ تاپسىرماسىن ەسىندە بەرىك ساقتاپ، تۇرعىنداردىڭ جۇمىس تاۋىپ ىستەۋىنە، تابىس تابۋىنا مۇمكىندىك جاساپ، قىستاقتاعى شارۋالار كاسىپتىك سەلبەستىك كووپەراتيۆتەرىن دامىتىپ، تۇرعىنداردى سىرتقا شىعارىپ جۇمىس ىستەتۋ تەبىنىن ارتتىرىپ، كورىكتى اۋىل - قىستاق قۇرىلىسىن ىلگەرىلەتىپ، شارۋالاردى ەڭبەكشىل قوس قولدارىنا سۇيەنىپ ءتىپتى دە باقىتتى، ءتىپتى دە تاماشا تۇرمىسقا قول جەتكىزۋگە جەتەكتەيدى جانە ولارعا كومەكتەسەدى، - دەدى.

جاۋاپتى رەداكتور:نۇرجان مينۋار قىزى