پارتيا 19 - قۇرىلتايىن كوكىرەك تولى قىزۋ ىنتامەن، ۇزدىك ناتيجەمەن قارسى الايىق

    كەلەلى تاپسىرمانىڭ ۇددەسىنەن شىعىپ، بورىشتى ادا ەتتى. بارلىق ۋاكىلدەردىڭ ورتاق قۇلشىنۋىندا، جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق ۋاكىلدەر ءماجىلىسى ءتۇرلى مىندەتتەرىن تابىسپەن ورىنداپ جەڭىسپەن جابىلدى. ءبىز ءماجىلىستىڭ تولىق تابىستى بولعاندىعىن قىزۋ قۇتتىقتايمىز!

    وسى رەتكى ءماجىلىس − اۆتونوميالى رايونىمىز جاپپاي دوڭگەلەك داۋلەتتى قوعام قۇرۋدىڭ شەشۋشى كەزەڭىنە قادام تاستاعان، پارتيا 19 - قۇرىلتايىن شات مەرەيمەن قارسى العان جاڭا جاعدايدا اشىلعان، بۇرىنعىعا مۇراگەر، كەيىنگىگە بۇيداگەر بولعان ماڭىزدى ءماجىلىس. پارتيا ۋستاۆى مەن پارتيا ورتالىق كوميتەتىنىڭ قاتىستى بەلگىلەمەلەرىنە ساي، ءماجىلىس دەموكراتيالىق ورتالىقتاندىرۋ ءتۇزىمى پرينسيبىنەن جازباي، ۋاكىلدەر وسكەلەڭ ساياسي جاۋاپكەرشىلىك سەزىممەن، تاريحي بورىشتىلىق سەزىممەن قىزمەت جاۋاپكەرشىلىكتەرىن قاتاڭ، مۇقيات اتقارىپ، دەموكراتيانى تولىق ساۋلەلەندىرۋ، كەڭەسۋ، تالقىلاۋ نەگىزىندە، شينجياڭ ۇيعۇر اۆتونوميالى رايونىنان پارتيا 19 - قۇرىلتايىنا قاتىناساتىن ۋاكىلدەردى ءساتتى سايلاپ شىعىپ، ءماجىلىستىڭ سايلاۋ مىندەتىن تولىق ورىنداپ، تۇتاس رايونىمىزداعى ءار دارەجەلى پارتيا ۇيىمدارىنىڭ، قالىڭ پارتيا مۇشەلەرىنىڭ، كادرلاردىڭ، بۇقارانىڭ ورتاق تىلەگىن تولىق ايگىلەدى. بۇل − تۋدى بيىك ۇستاپ، بەتالىستى نۇسقاعان ءماجىلىس، ۇيتقىعا ادال بولعان، ۇيتقىنى قورعاعان ءماجىلىس، جۇرت تىلەگىن توعىستىرىپ، كۇش ۇيىستىرعان، ىنتىماقتاسا قۇلشىنعان ءماجىلىس، ءتارتىبى قاتاڭ، ستيلى پاك، سالتى دۇرىس ءماجىلىس، ءماجىلىس ۋاكىلدەردىڭ شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاعان يدەيالىق سانالىلىعىن، ساياسي سانالىلىعىن، ارەكەت سانالىلىعىن تولىق ايگىلەدى، تۇتاس رايونىمىزدىڭ جوعارىدان تومەنگە دەيىن كوكىرەك تولى قىزۋ ىنتامەن پارتيا 19 - قۇرىلتايىنىڭ جەڭىسپەن اشىلۋىن قارسى العان بەرىك سەنىمىن، رۋحاني بەينەسىن، تاماشا وبرازىن تولىق بەينەلەدى.

    جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ ۇلى جورىعىندا 2017 - جىل − پارتيا مەن مەملەكەت ىستەرىنىڭ دامۋى جونىنەن ەرەكشە ماڭىزدى ءمان الاتىن جىل. پارتيامىزدىڭ مەملەكەتتىك 19 - قۇرىلتايى اشىلادى، بۇل − ەلىمىزدىڭ جاپپاي دوڭگەلەك داۋلەتتى قوعام قۇرۋ شەشۋشى كەزەڭىندە اشىلعان توتەنشە ماڭىزدى ءماجىلىس، پارتيا مەن مەملەكەتتىڭ ساياسي ومىرىندەگى ەلەۋلى ءىس. پارتياعا جاۋاپتى بولۋ، حالىققا جاۋاپتى بولۋ، تاريحقا جاۋاپتى بولۋ پوزيتسياسىمەن، وسى رەتكى ماجىلىستە سايلانىپ شىققان ۋاكىلدەر داڭقتارىن، ءسوز جوق، ەسەلەي قاستەرلەپ، قاسيەتتى بورىشتارىن ەستە بەرىك ساقتاپ، پارتيانىڭ ۋاكىلىندىك قاسيەتتى قىزمەت جاۋاپكەرشىلىكتەرىن شىن مانىندە ويداعىداي اتقارىپ، كوممۋنيستەردىڭ العاباسار ونەگەلىك رولىن ويداعىداي ساۋلەلەندىرىپ، اۆتونوميالى رايونىمىزداعى پارتيا مۇشەلەرىنىڭ تاماشا رۋحاني بەينەسىن ايگىلەپ، تۇتاس رايونىمىزداعى قالىڭ پارتيا مۇشەلەرى مەن كادرلاردىڭ ارتقان سەنىمىن، تاپسىرعان كەلەلى تاپسىرماسىن ادا ەتىپ، تۇتاس رايونىمىزداعى ءار ۇلت حالقىنىڭ ىقىلاستى تىلەگىن ورىندايدى.

    پارتيانىڭ 19 - قۇرىلتايىن اشۋ − بۇكىل پارتيانىڭ، بۇكىل ارميانىڭ، بۇكىل ەل حالقىنىڭ ساياسي ومىرىندەگى ءىرى ءىس؛ پارتيانىڭ 19 - قۇرىلتايىن قارسى الۋ، ۇگىتتەۋ، دايەكتىلەندىرۋ − بيىلعى قىزمەتتەرگە قاتىستى نەگىزگى جەلى. شينجياڭ قىزمەتتەرىن وسى نەگىزگى جەلى نەگىزىندە جوبالاپ، وسى نەگىزگى جەلىنى ارقاۋ ەتە ىلگەرىلەتكەندە عانا، تۇتاس رايونىمىزداعى ءار ۇلت كادرلارى مەن بۇقارانى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسۋعا، ءبىر نيەت، ءبىر تىلەكپەن ءورىس اشا ىلگەرىلەپ، جۇڭگو ارمانىنىڭ شينجياڭ پاراعىن جازۋ جولىندا تالىقپاي تالپىنۋعا جۇمىلدىرۋعا، جىگەرلەندىرۋگە بولادى.

    كەزەكتەگى جانە مۇنان بىلايعى ءبىر مەزگىلدە ءبىزدىڭ الدىمىزعا قويىلعان ماڭىزدى ساياسي مىندەت − قوعامنىڭ جاراسىمدىلىعىن، ورنىقتىلىعىن قورعاۋعا اناعۇرلىم باسا ءمان بەرۋ، تىڭ دامۋ ۇستانىمىن دايەكتىلەندىرۋگە اناعۇرلىم باسا ءمان بەرۋ، حالىق تۇرمىسىن قامتاماسىزداندىرۋعا جانە ونى جاقسارتۋعا اناعۇرلىم باسا ءمان بەرۋ، ۇلتتار ىنتىماعىن دامىتۋعا اناعۇرلىم باسا ءمان بەرۋ، ەكولوگيالىق ورتانى قورعاۋعا اناعۇرلىم باسا ءمان بەرۋ، ءدىن تاتۋلىعىن، جاراسىمدىلىعىن جەبەۋگە اناعۇرلىم باسا ءمان بەرۋ، شەكارانى باسقارۋعا، مەڭگەرۋگە اناعۇرلىم باسا ءمان بەرۋ، پارتيانى جاپپاي قاتاڭ جونگە سالۋعا اناعۇرلىم باسا ءمان بەرۋ، اۆتونوميالى رايوننىڭ رەفورما، دامۋ، ورنىقتىلىق قىزمەتتەرىن تىڭعىلىقتى ويداعىداي ىستەۋ، پارتيا 19 - قۇرىلتايىنىڭ جەڭىسپەن اشىلۋىن ۇزدىك ناتيجەلەرمەن قارسى الۋ. تۇتاس رايونىمىزداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار 19 - قۇرىلتايدى قارسى الۋدى، 19 - قۇرىلتايدى ۇگىتتەۋدى، 19 - قۇرىلتايدى دايەكتىلەندىرۋدى شىن مانىندە نەگىزگى جەلى ەتىپ، باس شۋجيدىڭ جەلىلەس ماڭىزدى ءسوزىنىڭ رۋحى مەن ەل باسقارۋ جاڭا ۇستانىمدارىنىڭ، جاڭا يدەيالارىنىڭ، جاڭا ستراتەگيالارىنىڭ جەتەكشىلىگىندە، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ىشكەرىلەي دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، شينجياڭدى جونگە سالۋ جۇيەسى مەن جونگە سالۋ قابىلەتىنىڭ وسىزاماندانۋىن جەبەۋدى جەتەكشى ەتۋى، ەكونوميكانى دامىتۋدى، حالىق تۇرمىسىن جاقسارتۋدى نەگىز، وتاننىڭ تۇتاستىعىن قورعاۋ، ۇلتتار ىنتىماعىن جەبەۋ سياقتىلاردى ءتۇيىن ەتىپ، مىندەتتى باتىلدىقپەن ارقالاپ، قيىنشىلىقتاردى جەڭە ورگە ۇمتىلىپ، ورنىقتىلىق، دامۋ قىزمەتتەرىن ءبىر تۇتاس جوبالاپ ىلگەرىلەتۋى، شينجياڭدى زاڭمەن جونگە سالۋدان، شينجياڭدى ىنتىماقتاسا ورنىقتىرۋدان، شينجياڭدى ۇزاق ۋاقىت كوركەيتۋدەن جازباي، يدەيانى بىرلىككە كەلتىرىپ، رۋحتى سەرپىلتىپ، اۋەلگى ماقساتتى ۇمىتپاي، ۇزدىكسىز العا ىلگەرىلەپ، ىنتىماقتى، جاراسىمدى، كوركەيىپ - گۇلدەنگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ كەرەك.

    جەڭىس جوعارىدان تومەنگە دەيىن ءبىر نيەتپەن سەلبەسكەندەرگە ءتان. ۇلى زاماندا، ءبىر ۇلتتىڭ قايتادان كوركەيۋىنە كۋا بولۋداي وزگەشە جورىقتا باسقان ءار قادام كىسىنى سۇيىندىرمەي تۇرمايدى. كورىكتى شينجياڭ قۇرىپ، وتان ارمانىن بىرگە ورىنداۋداي ۇلى جورىقتا ءاربىر شينجياڭ پەرزەنتى باس كەيىپكەر، بارلىعى تيەسىلى جاۋاپكەرشىلىك ارقالايدى. مىندەتتى باتىلدىقپەن ارقالاعاندا عانا، تىڭ جول اشۋعا، شىنايى ىستەگەندە عانا ارمانعا جەتۋگە بولادى.

    19 - قۇرىلتايدى ۇزدىك ناتيجەلەرمەن قارسى الۋ ءۇشىن، اشىق وي جۇيەنى، ناقتى ىستەۋ قىزمەت ستيلىن، تاماشا رۋحاني جاعدايدى ساقتاۋىمىز جانە ونى ساۋلەلەندىرۋىمىز، شىنايى يگەرىپ، ناقتى ىستەپ، ءاربىر كۇندى مىقتى يگەرىپ، ءاربىر ءىستى تىڭعىلىقتى ىستەپ، بىرتە - بىرتە مول تابىسقا قول جەتكىزۋىمىز كەرەك. ءاربىر شينجياڭ ۇلانى شارۋاشىلىق قۇرۋ سانالىلىعى مەن ىرىقتىلىعىن ساۋلەلەندىرىپ، كورىكتى شينجياڭ قۇرۋعا بەلسەنە ات سالىساتىن بولسا، قۇدىرەتتى قوزعاۋشى كۇشكە يە بولىپ، جىگەرىمىز تاسقىنداپ، رەفورما تەبىنىمىز ارتىپ، جاڭالىق اشۋعا باتىل بولىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ورىنداۋعا ارشىندى قادام تاستاي الامىز.

    «بارلىق كۇشتى شوعىرلاندىرساق، ءسوز جوق، جەڭىسكە جەتەمىز؛ كوپتىڭ اقىل - پاراساتىن شوعىرلاندىرساق، ءسوز جوق، تابىسقا جەتەمىز». ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز توپتاسىپ، شينجياڭ استانا بەيجيڭنەن الىس بولعانمەن، اۆتونوميالى رايوندىق پارتكوم، تۇتاس رايونىمىزداعى ءار دارەجەلى پارتيا ۇيىمدارى، قالىڭ پارتيا مۇشەلەرى، كادرلار جانە ءار ۇلت حالىق بۇقاراسى قاشاندا شي جينپيڭ جولداستى ۇيتقى ەتكەن پارتيا ورتالىق كوميتەتىمەن بىتە قايناسىپ، بەرىك تۇتاسىپ، يدەيادا، ساياسيدا، ارەكەتتە پارتيا ورتالىق كوميتەتىمەن قاي - قاشان دا وسكەلەڭ ءبىر اۋىزىلدىقتى ساقتاپ، اۋەلگى ماقساتتى ۇمىتپاي، تاسقىنداعان رۋحپەن بىلەك سىبانا كىرىسىپ، تاريحتىڭ، زاماننىڭ، حالىقتىڭ ۇددەسىنەن شىعاتىن تىڭ ناتيجەلەرگە قول جەتكىزىپ، كورىكتى شينجياڭنىڭ جاڭا جاعدايىن اشىپ، ءتىپتى دە ۇزدىك ناتيجەلەرمەن پارتيا 19 - قۇرىلتايىنىڭ جەڭىسپەن اشىلۋىن قارسى الۋىمىز كەرەك!

جاۋاپتى رەداكتور:نۇرجان مينۋار قىزى