كومپارتيانىڭ دۇنيەگە كەلگەن كۇنىن تويلاپ، تاڭداۋلى وزاتتاردى ماداقتاپ، سيلادى

    اۆتونوميالى رايوندىق ۇكىمەت كەڭسەسى:

    كومپارتيانىڭ دۇنيەگە كەلگەن كۇنىن تويلاپ، تاڭداۋلى وزاتتاردى ماداقتاپ، سيلادى

    29 - ماۋسىم اۆتونوميالى رايوندىق ۇكىمەت كەڭسەسى پارتيا قۇرىلعاندىعىنىڭ 96 جىلدىعىن تويلاۋ جانە «1 - شىلدە» ماداقتاۋ - سيلاۋ جينالىسىن اشىپ، جۇڭگو كوممۋنيستىك پارتياسى قۇرىلعاندىعىنىڭ 96 جىلدىعىن بىرگە قۇتتىقتاپ، پارتيانىڭ شۇعىلالى تاريحىن ەسكە الىپ، جاڭا داۋىردەگى، جاڭا كەزەڭدەگى تاماشا بولاشاققا كوز سالدى، ۇكىمەت كەڭسەسىنىڭ ۇلتتار ىنتىماعى، العاباسارلىعىنداعى وزات نەگىزگى ساتى پارتيا ۇيىمدارىن، پارتيا ىستەرىندەگى تاڭداۋلى قىزمەتكەرلەردى جانە تاڭداۋلى كومپارتيا مۇشەلەرىن ماداقتاپ، سيلادى، 12 جولداستى جۇڭگو كوممۋنيستىك پارتياسىنىڭ كاندايدات مۇشەلىگىنە قابىلدادى.

    اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ۇكىمەت كەڭسەسىنىڭ ءبىر جىلدان بەرگى قىزمەتتە قول جەتكىزگەن كورنەكتى ناتيجەلەرىن تولىق تۇراقتاندىردى ءارى مىنالاردى اتاپ كورسەتتى: كەزەكتە تۇتاس رايونىمىز پارتيا 19 - قۇرىلتايىنىڭ جەڭىسپەن اشىلۋىن نىق سەنىممەن قارسى الۋدا، ۇكىمەت كەڭسەسىندەگى پارتيا مۇشەلەرى، كادرلار، جۇمىسشى - قىزمەتشىلەر پارتيا تانىمىن ۇزدىكسىز كۇشەيتىپ، پارتيانىڭ نازاريالىق باسىمدىعىن، ساياسي باسىمدىعىن، ۇيىمدىق باسىمدىعىن، تۇزىمدىك باسىمدىعىن جانە بۇقارامەن تىعىز بايلانىستا بولۋداي باسىمدىعىن تولىق ساۋلەلەندىرىپ، پارتيانى جاپپاي قاتاڭ جونگە سالۋدان جازباي، ۇكىمەت كەڭسەسى قىزمەتىن جاڭا ساتىعا كوتەرىپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن تىڭ دا ەلەۋلى ۇلەستەر قوسۋلارى كەرەك.

    شوكىرات زاكىر بىلاي دەدى: اۆتونوميالى رايوندىق ۇكىمەت كەڭسەسىندەگى قالىڭ پارتيا مۇشەلەرى، كادرلار مۇرات - سەنىمنەن تاپجىلماۋ جاعىندا ونان ارمان بەكەم، باتىل بولىپ، سانالى تۇردە كوممۋنيزم ۇلى مۇراتىنىڭ جانە جۇڭگوشا سوتسياليزم ورتاق مۇراتىنىڭ مىزعىماس سەنۋشىلەرى، ادال اتقارۋشىلارى بولىپ، جاپپاي دوڭگەلەك داۋلەتتى قوعام قۇرۋدىڭ، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانىن جۇزەگە اسىرۋدىڭ تاريحي ساپارىندا اۆانگاردتىق، ۇلگىلىك رولدارىن تولىق ساۋلەلەندىرۋلەرى كەرەك؛ ابسوليۋتتى ادالدىقتان جازباۋ جاعىندا ونان ارمان باتىل، بەكەم بولىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، باس شۋجي شي جينپيڭ سىندى ۇيتقىنى قورعاۋدى ەڭ ۇلكەن ساياسي ەتىپ، يدەيالىق جاقتا ۇيتقى جونىندە ورتاق تانىمدا بولۋدان، ساياسي جاقتا ۇيتقىنى قورعاۋدان، ۇيىمدىق جاقتا ۇيتقىعا بويسۇنۋدان، ارەكەت جاعىندا ۇيتقىعا تىعىز ىلەسۋدەن بۇلجىماۋلارى كەرەك؛ باس نىسانانى جۇزەگە اسىرۋ جاعىندا ونان ارمان باتىل، بەكەم بولىپ، بولشەكتەۋشىلىككە قارسى كۇرەس ءتارتىبىن قاتايتىپ، ۇلكەن دۇرىس - ۇلكەن بۇرىس ماسەلەسىندە باستان - اياق تۋلارى ايقىن، تۇرعىلارى بەرىك، تانىمدارى بىركەلكى، ءىشى - سىرتى بىردەي، پوزيتسيالارى باتىل، قادامى بىركەلكى بولىپ، ورنىقتىلىق بارلىعىن باسىپ تۇسەدى دەگەن يدەيانى بەرىك ورناتىپ، اۆتونوميالى رايوندىق پارتكوم العا قويعان ورنىقتىلىقتى قورعاۋ شارالارى مەن اماندىقتى ساقتاۋ تالاپتارىن باتىل تياناقتاندىرىپ، 19 - قۇرىلتاي كەزىندەگى قوعامدىق جاعدايدىڭ جاراسىمدى، ورنىقتى بولۋىنا ءتيىستى ۇلەستەرىن قوسۋلارى كەرەك.

    شوكىرات زاكىر 19 - رەتكى پارتيا ستيلى، پاكتىك قۇرىلىسى تاربيە ايى قيمىلىن قانات جايدىرۋ جونىندە مىناداي ايقىن تالاپتاردى ورتاعا قويدى: ۇكىمەت كەڭسەسىنىڭ پارتيا باسشىلىق گرۋپپاسى پارتيانى باسقارۋدىڭ، پارتيانى جونگە سالۋدىڭ تۇلعالىق جاۋاپكەرشىلىگىن ساتىلار بويىنشا تياناقتاندىرىپ، باسشىلىقتى كۇشەيتىپ، ءبىر تۇتاس ورنالاستىرىپ، جىنتىكتەي تياناقتاندىرىپ، پارتيا ستيلى، پاكتىك قۇرىلىسى تاربيە ايى قيمىلىنىڭ ناقتى ونىمدىلىككە قول جەتكىزۋىنە كەپىلدىك ەتۋ كەرەك.

    شوكىرات زاكىر مىنالاردى باسا دارىپتەدى: ۇكىمەت كەڭسەسىنىڭ كادرلارى مەن جۇمىسشى - قىزمەتشىلەرى بورىشتىلىق سەزىمىن، جاۋاپكەرشىلىك سەزىمىن جانە ءىس تىندىرۋ ىنتاسىن ىشكەرىلەي كۇشەيتىپ، باس نىساناعا قاداعالاي نازار اۋدارىپ، باس نىساناعا قىزمەت ەتىپ، قىزمەت قابىلەتىن جوعارىلاتۋعا، «ۇيرەنۋ، بۇرىلىس جاساۋ، جەبەۋ» ارناۋلى قيمىلىن تەرەڭدەتۋگە، ۇلتتار ىنتىماعىن جەبەۋگە اناعۇرلىم مول زەيىن - زەردەلەرىن، كۇش - قۋاتتارىن ارناپ، لاڭكەستىككە قارسى تۇرىپ، ورنىقتىلىقتى قورعاۋدىڭ، كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدىڭ، جاپپاي دوڭگەلەك داۋلەتتى قوعام قۇردىڭ ۇلى امالياتىنا اقىل - پاراساتتارى مەن كۇش - قايراتتارىن ارناپ، شىنشىل دا ىسكەر بولىپ، تاڭداۋلى ناتيجە جاراتۋعا قۇلشىنىپ، ۇكىمەت كەڭسەسى قىزمەتتەرىنىڭ جاڭا جاعدايىن ۇزبەي جاراتۋلارى كەرەك.

    جينالىستى اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز باسقاردى.

    اۆتونوميالى رايوندىق ۇكىمەت پارتيا باسشىلىق گرۋپپاسىنىڭ مۇشەلەرى، ۇكىمەت كەڭسەسى پارتيا باسشىلىق گرۋپپاسىنىڭ مۇشەلەرى، ورىنباسار شارلاپ تەكسەرۋشىلەر، باسقا دا مەڭگەرمە دارەجەلى باسشىلار، ۇكىمەت كەڭسەسىنىڭ ءارقايسى باسقارمالارىنىڭ، كەڭسەلەرىنىڭ (ورىن)، توتە قاراستى ورىنداردىڭ بارلىق كادر، جۇمىسشى - قىزمەتكەرلەرى جينالىسقا قاتىناستى ءارى پارتياعا كىرۋ سەرتىن ەسكە ءتۇسىردى. جاڭادان قابىلدانعان كاندايدات پارتيا مۇشەلەرى پارتياعا كىرۋ سەرتىن بەردى.

جاۋاپتى رەداكتور:نۇرجان مينۋار قىزى