بەيجيڭ ــ الماتى سەلبەستىك ساۋدا ورايىن تانىستىرۋ جيىنى وتكىزىلدى

    بەيجيڭ ــ الماتى سەلبەستىك ساۋدا ورايىن تانىستىرۋ جيىنى 19 – ماۋسىم كۇنى قازاقستاننىڭ ءبىرىنشى ۇلكەن قالاسى الماتى قالاسىندا وتكىزىلدى. بۇل رەتكى ساۋدا ورايىن تانىستىرۋ جيىنىن بەيجيڭ قالالىق ساۋدانى ىلگەرىلەتۋ قوعامى مەن قازاقستان – جۇڭگو ساۋدانى ىلگەرىلەتۋ قوعامى سەلبەسىپ وتكىزدى. بەيجيڭ قالالىق ەكونوميكا جانە ينفورماتسيالاندىرۋ كوميتەتى، بەيجيڭ قالالىق ساياحاتتى دامىتۋ كوميتەتى، قازاقستان مەملەكەتتىك كاسىپورىن بىرلەسپە قوعامى، الماتى قالالىق ساياحات جانە سىرتقى بايلانىس مەكەمەسى قاتارلى 10 نەشە قۇرىلىم ۋاكىلدەرى، جۇڭگو – قازاقستان ەكى ەلدىڭ 130 نەشە كاسىپورىن يەلەرى جيىنعا قاتىناستى.

    بەيجيڭ قالالىق ۋاكىلدەر توبىنىڭ باستىعى، بەيجيڭ قالالىق ساۋدانى ىلگەرىلەتۋ قوعامى باستىعىنىڭ ورىنباسارى لي لۋشيا سويلەگەن سوزىندە، قازىرگى كەزدە، جۇڭگو – قازاقستان جان – جاقتى ستراتەگيالىق سەرىكتەستىك قاتىناسى ءتىپتى دە قويۋلاسا تۇسكەنىن، «ءبىر بەلدەۋ ءبىر جول» قۇرىلىسى ۇزدىكسىز ىلگەرىلەگەنىن، بەيجيڭ الماتى قالاسىمەن بولعان ساۋدا سەلبەستىگى جانە ساۋدالىق قارجى قوسۋدى دامىتۋدى قالايتىنىن ءبىلدىردى.

جاۋاپتى رەداكتور:سايراش تۇرارجان قىزى