ۇلتتار ىنتىماعىن ۇزدىكسىز بەكەمدەيىك

    باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا بىلاي دەپ اتاپ كورسەتتى: ءار ۇلت ۇلتتار ىنتىماعىن كوزىنىڭ قاراشىعىنداي قورعاۋى، ۇلتتار ىنتىماعىن ءومىرىن قاستەرلەگەندەي قاستەرلەۋى، اناردىڭ دانىندەي تىعىز ۇيىسۋى كەرەك. بۇل باس شۋجيدىڭ شينجياڭنىڭ ۇلتتار ىنتىماعىنا بولعان ىقىلاستى تىلەگى ءارى شينجياڭداعى ءار ۇلتتىڭ ءبىر جاعادان باس، ءبىر جەڭنەن قول شىعارىپ، ىنتىماقتاسا العا ۇمتىلۋىنىڭ ناقتى بەينەسى.

    3 جىلدىڭ الدىندا، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەرگەندە مىنالاردى باسا دارىپتەدى: ۇلتتار ىنتىماعى − دامۋدىڭ، العا باسۋدىڭ ىرگە تاسى. پارتيانىڭ ۇلت ساياساتىن جاپپاي دايەكتىلەندىرىپ، تياناقتاندىرىپ، ۇلتتىق تەرريتوريالىق اۆتونوميا تۇزىمىنە تاباندى بولىپ جانە ونى كەمەلدەندىرىپ، ۇلتتاردىڭ بەرەكە - بىرلىگىن، ءبىر جاعادان باس، ءبىر جەڭنەن قول شىعارىپ، جاراسىمدى دامۋىن جەبەپ، ۇلتتار ىنتىماعى گۇلىنىڭ تيانشاننىڭ تۇستىگى مەن تەرىستىگىندە شەشەك اتۋىنا مۇمكىندىك جاساۋ كەرەك. ءبىر ايدان كەيىن، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى وتكىزىلدى، باس شۋجي شي جينپيڭ مىنالاردى باسا دارىپتەدى: شينجياڭ ماسەلەسىندە ەڭ ۇزاق ۋاقىتتىق ماسەلە، سايىپ كەلگەندە، ۇلتتار ىنتىماعى ماسەلەسى. ۇلتتار ىنتىماعى − ءار ۇلت حالقىنىڭ جان تامىرى. ۇلتتار ۇلى ىنتىماعىنىڭ تۋىن بيىك ۇستاپ، ءار ۇلت اراسىندا مەملەكەت تانىمىن، ازاماتتىق تانىمدى، جۇڭحۋا ۇلتى ورتاق تۇلعاسى تانىمىن بەرىك ورناتىپ، ءار ۇلت بۇقاراسىن ەڭ زور دارەجەدە ىنتىماقتاستىرىپ جانە ولارعا سۇيەنىپ، ءار ۇلتتىڭ، ءار ازاماتتىڭ جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا كۇش قوسىپ، وتاننىڭ گۇلدەنىپ - كوركەيۋ، دامۋ جەتىستىگىنەن بىرگە يگىلىكتەنۋىنە مۇمكىندىك جاساۋ كەرەك.

    ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت، بۇل تاريح قايتا - قايتا دالەلدەگەن بۇلجىماس اقيقات. شينجياڭدا بولشەكتەۋشىلىككە قارسى تۇرۋ كۇرەسنىڭ ناتيجەسىنىڭ قانداي بولعاندىعىنا باعا بەرۋدە، باستىسى، ۇلتتار ىنتىماعىنىڭ قالاي بولعاندىعىنا قاراۋ كەرەك. 3 جىلدان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم تۇتاس رايونىمىزداعى ءار ۇلت بۇقاراسىن باستاپ، باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن باتىل دايەكتىلەندىرىپ، ۇلتتار ۇلى ىنتىماعىنىڭ تۋىن باستان - اياق بيىك ۇستاپ، تەپە - تەڭ، ىنتىماقتى، قارايلاسىمدى، جاراسىمدى سوتسياليستىك ۇلت قاتىناسىن بەكەمدەپ، ۇلتتار ىنتىماعى گۇلىنىڭ تيانشاننىڭ تۇستىگى مەن تەرىستىگىندە شەشەك اتۋىنا مۇمكىندىك جاسادى.

    ۇلتتار ىنتىماعىن بەكەمدەۋدىڭ تەتىگى پارتيانىڭ ۇلت ساياساتىن جاپپاي دايەكتىلەندىرۋدە. تاريح پارتيامىزدىڭ ۇلت قىزمەتى نازارياسى مەن باعىت - ساياساتتارىنىڭ دۇرىس، ۇلت ماسەلەسىن جۇڭگوشا شەشۋ جولىنىڭ دۇرىس ەكەندىگىن تالاسسىز دالەلدەدى. شينجياڭ ەجەلدەن بەرى ۇلتتىق تەرريتوريالىق اۆتونوميا تۇزىمىنە تاباندى بولدى جانە ونى كەمەلدەندىردى؛ از ۇلت كادرلارىن باتىلدىقپەن باۋلىدى، ىستەتتى؛ ماركستىك «5 كوزقاراس» تاربيەسىن بارىنشا ورىستەتىپ، «ءۇشتىڭ ءبىر - بىرىنەن ايرىلا الماۋ» جانە «5 ورتاق تانىم» تاربيەسىن كۇشەيتتى؛ ۇلتتار ىنتىماعى، العاباسارلىعىنداعى وزاتتاردان بولۋ قيمىلىن كەڭ كولەمدە ورىستەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەدى. مىنە وسىنىڭ ارقاسىندا ۇلتتار ىنتىماعى جاعدايى ۇزدىكسىز بەكەمدەلدى. ۇلتتار ىنتىماعىن قورعاۋ، ۇلتتار ىنتىماعىن امالياتتا ايگىلەۋ − ءار ۇلت كادر - بۇقاراسىنىڭ سانالى تانىمىنا جانە ارەكەتىنە اينالدى.

    ۇلتتار ىنتىماعىن بەكەمدەۋدە، ءسوز جوق، شىنايى سۇيىسپەنشىلىكتى، شىن نيەتتى ارناۋ كەرەك. كەمەنىڭ كۇشى جەلكەنىندە، ادامنىڭ كۇشى نيەتىندە. باس شۋجي شي جينپيڭ مىنالاردى باسا دارىپتەدى: «ۇلت قىزمەتىن جاقسى ىستەۋدىڭ تەتىگى ۇلتتار ىنتىماعىن جاقسارتۋدا، مۇنداعى ەڭ كادەگە جارايتىنى جۇرت تىلەگىنە قول جەتكىزۋ». شىنايى سۇيىسپەنشىلىكتى، شىن نيەتتى ارنايتىن بولساق عانا، ارالىقتى جاقىنداتىپ، كىربەڭدىكتى جويۋعا بولادى؛ قايشىلىقتى باسەڭدەتىپ، تۇسىنىكتى ارتتىرۋعا بولادى؛ ۇلتتار ىنتىماعىنىڭ سۇيىسپەنشىلىك نەگىزىن كۇشەيتۋگە بولادى. ءۇرتىس 4 جىلدان بەرى، «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتىنە ات سالىسقان 200 مىڭ كادر نەگىزگى ساتىعا بارىپ، ءار ۇلت بۇقاراسىمەن تاماقتا، تۇرمىستا، ەڭبەكتە بىرگە بولىپ، شىنايى سۇيىسپەنشىلىكتەرى ارقىلى شىنايى سۇيىسپەنشىلىككە، شىن نيەتتەرى ارقىلى شىن نيەتكە قول جەتكىزىپ، ءار ۇلت بۇقاراسىنىڭ شىنايى القاۋى مەن قولداۋىنا يە بولىپ، نەگىزگى ساتىنىڭ ورنىقتىلىقتى قورعاۋ نەگىزىن بەكەمدەدى. كەزەكتە ورىستەتىلىپ جاتقان «ۇلتتار ىنتىماعىنىڭ بەرەكەلى شاڭىراعى» قيمىلىندا ءار دارەجەلى كادرلار نەگىزگى ساتىداعى «تۋىستارىمەن» شىن پەيىلدە، ءبىر - بىرىنە ادال بولۋ، مۇڭ - مۇقتاج ۇعىسۋ، ءوزارا قامقور بولۋدىڭ ارقاسىندا، ءار ۇلت كادر - بۇقاراسى يدەيالىق سۇيىسپەنشىلىكتەرىن اناعۇرلىم كۇشەيتىپ، سەتىنەمەس سۇيىسپەنشىلىك ورناتقان ءبىر سەميانىڭ ادامدارىنا اينالدى. قازىر قاۋاشاق جايىپ، قۇلپىرا اشىلعان ۇلتتار ىنتىماعى گۇلى تيانشانىڭ تەرىستىگى مەن تۇستىگىندەگى ەڭ كوركەم كورىنىسكە اينالدى.

    ۇلتتار ىنتىماعىن بەكەمدەۋدە، ەڭ ماڭىزدىسى، تۋى ايقىن تۇردە ۇلتتىق بولشەكتەۋشىلىككە قارسى تۇرىپ، وتاننىڭ تۇتاستىعىن قورعاپ، ءتۇرلى تاسىلدەگى ۇلتتىق بولشەكتەۋشىلىك ارەكەتتەرىمەن باتىل كۇرەس جاساۋ كەرەك. قاساقانا ىرتكى سالىپ، ۇلتتىق كەمسىتۋگە جانە وشپەندىلىككە جەلىكتىرگەن، ۇلتتار ىنتىماعىن ءبۇلدىرىپ، ۇلتتىق بولشەكتەۋشىلىك جانە زورلىقتى كۇش، لاڭكەستىك دەلولارىن تۋدىرعان قىلمىستىلارعا زاڭ بويىنشا باتىل سوققى بەرىلدى. كەزەكتە ايبىندى باتىل ءۇن قاتىپ، ايقىن پوزيتسيا ءبىلدىرۋ قيمىلى تيانشان الابىندا دابىرالى جۇرگىزىلۋدە، ءار ۇلت كادر - بۇقاراسىنىڭ ادىلەت ءارى قاتاڭ ءۇنىنىڭ جىگەرى تاسىپ، اقيقات جولىندا اراشاشى بولدى، ءتىپتى دە كوپ ۇندەر ءبىر اراعا توعىسقاندا، جەر - الەمدى ءزىلزالاعا كەلتىرەتىن كۇش - قۋات تۋىنداپ، «ءۇش ءتۇرلى كۇش» ەستىگەن زامان زارەسى ۇشىپ، بارار جەر، باسار تاۋى قالمايتىن كۇيگە تۇسەتىن بولادى.

    كەزەكتە بولشەكتەۋشىلىككە قارسى تۇرۋ كۇرەسى شەشۋشى مەزگىلدە تۇر، جاعداي كۇردەلى ءارى قاتاڭ. وسىنداي جاعدايدا، ءبىز سەنىمدى اناعۇرلىم بەكەمدەپ، نيەتتەس، تىلەكتەس بولىپ، ۇلتتار ۇلى ىنتىماعىنىڭ تۋىن بيىك ۇستاپ، زەيىن - زەردە مەن كۇش - قۋاتتى شوعىرلاندىرىپ، ىنتىماقتاسا كۇرەس جاساپ، وتاننىڭ تۇتاستىعىن قورعاۋدىڭ، ۇلتتار ىنتىماعىن قورعاۋدىڭ، قوعام ورنىقتىلىعىن قورعاۋدىڭ قۇرىش قامالىن تىزە قوسا سالۋىمىز كەرەك.

جاۋاپتى رەداكتور:سايراش تۇرارجان قىزى