اۆتونوميالى رايون شينجياڭعا باعىتتامالى كومەكتەسۋ قىزمەتى اڭگىمە ءماجىلىسىن اشتى

    باعىتتامالى كومەكتەسۋ قىزمەتىن بار كۇشپەن قامتاماسىزداندىرايىق جانە وعان تىڭعىلىقتى قىزمەت كورسەتەيىك

    اۆتونوميالى رايوننىڭ شينجياڭعا باعىتتامالى كومەكتەسۋ قىزمەتى اڭگىمە ءماجىلىسى 18 - ماۋسىمدا ۇرىمجىدە اشىلىپ، الدا اشىلاتىن شينجياڭعا باعىتتامالى كومەكتەسۋ قىزمەتى جونىندەگى 6 - رەتكى مەملەكەتتىك ماجىلىسكە بايلانىستى جەرگىلىكتى دايىندىق جانە الدىڭعى مەرزىمدىك ازىرلىك قىزمەتتەرىن تىڭعىلىقتى جاقسى ىستەدى. شينجياڭعا باعىتتامالى كومەكتەسىپ جاتقان 19 ولكە، قالانىڭ الدىڭعى شەپ قولباسشىلىق شتاپتارىنىڭ نەگىزگى باسشىلارى مەن كومەك قابىلداۋشى ايماقتاردىڭ، وبلىستاردىڭ باسشىلارىنان، اۆتونوميالى رايوننىڭ، بيڭتۋاننىڭ قاتىستى مەڭگەرمە، مەكەمەلەرىنىڭ باسشىلارىنان جيىنى 100 نەشە ادام ماجىلىسكە قاتىناستى.

    اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى. اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين ءماجىلىستى باسقاردى.

    شوكىرات زاكىر بىلاي دەپ اتاپ كورسەتتى: پارتيانىڭ 19 - قۇرىلتايى اشىلار قارساڭىندا، پارتيا ورتالىق كوميتەتى شينجياڭعا باعىتتامالى كومەكتەسۋ قىزمەتى جونىندەگى 6 - رەتكى مەملەكەتتىك ءماجىلىستى اشۋدى ۇيعاردى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنىڭ شەشۋشى كەزەڭىندە اشاتىن تاعى ءبىر رەتكى اسا ماڭىزدى ءماجىلىسى ەسەپتەلەدى، مۇندا شينجياڭعا باعىتتامالى كومەكتەسۋ قىزمەتىنە مەملەكەتتىك تۇرعىدا تالداۋ جاسالىپ، زەرتتەۋ جۇرگىزىلەدى ءارى شينجياڭعا باعىتتامالى كومەكتەسۋ قىزمەتىن اناعۇرلىم جاقسى العا ىلگەرىلەتۋ جونىنەن عىلمي جوبا - جوسپار دايىندالىپ، ورنالاستىرۋ جاسالادى، بۇل شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭ قىزمەتىنە ايرىقشا ءمان بەرەتىندىگىن جانە توتەنشە قولداۋ كورسەتەتىندىگىن تاعى ءبىر رەت ايگىلەدى. ءبىز مەملەكەت ستراتەگياسىن دايەكتىلەندىرۋ، تياناقتاندىرۋ، شينجياڭ قىزمەتىنىڭ باس نىساناسىنا نازار اۋدارۋ تۇرعىسىنان، كەلەلى تاريحي ورايدى مىقتى يگەرۋ، پارتيا ورتالىق كوميتەتىنىڭ قامقورلىعىن قىزمەتتىڭ قوزعاۋشى كۇشىنە شىن مانىندە اينالدىرۋ تۇرعىسىنان، شينجياڭ ءدوپ كەلگەن كۇردەلى جاعدايعا توتەپ بەرۋ جانە «قوس 100 جىلدىق» كۇرەس نىساناسىن جۇزەگە اسىرۋ تۇرعىسىنان ءوزىمىزدىڭ تۇلعالىق رولىمىزدى شينجياڭعا باعىتتامالى كومەكتەسىپ جاتقان 19 ولكە، قالانىڭ، ورتالىقتاعى مەملەكەت ورگاندارى مەن ورتالىقتىڭ كاسىپورىندارىنىڭ زور كۇشپەن قولداۋىمەن تىعىز ۇشتاستىرىپ، قىزمەتتەگى ىرىقتىلىقتى، سانالىلىقتى ونان سايىن كۇشەيتىپ، باعىتتامالى كومەكتەسۋ قىزمەتىن بار كۇشپەن قامتاماسىزداندىرىپ جانە وعان تىڭعىلىقتى قىزمەت كورسەتىپ، قۇدىرەتتى بىرىككەن كۇش قالىپتاستىرۋعا قۇلشىنىپ، شينجياڭنىڭ ءتۇرلى قىزمەتىنىڭ تىڭ ساتىعا قادام تاستاۋىن العا ىلگەرىلەتۋىمىز كەرەك.

    شوكىرات زاكىر بىلاي دەپ باسا دارىپتەدى: 2010 - جىلى بۇكىل ەلدىڭ شينجياڭعا تىڭنان باعىتتامالى كومەكتەسۋ قىزمەتى قانات جايدىرىلعاننان بەرى، شينجياڭعا باعىتتامالى كومەكتەسىپ جاتقان 19 ولكە، قالانىڭ، ورتالىقتاعى مەملەكەت ورگاندارى مەن ورتالىق كاسىپورىندارىنىڭ بار كۇشپەن قولداۋىندا، شينجياڭنىڭ ورنىقتىلىق، دامۋ ىستەرى كورنەكتى العا باستى. ءبىز شينجياڭعا باعىتتامالى كومەكتەسۋدى شينجياڭنىڭ جالپى جاعدايى قىزمەتىنىڭ ماڭىزدى قۇرامداس بولىگى ەتۋگە، اۆتونوميالى رايونىمىزداعى ءار ۇلت جۇرتشىلىعىنىڭ باقىت سەزىمىن، تابىس سەزىمىن جوعارىلاتۋدىڭ ءونىمدى جولى ەتۋگە، اۆتونوميالى رايوننىڭ وقۋ - اعارتۋ ورەسىن جوعارىلاتۋداعى ءتۇيىندى شاراسى ەتۋگە، ۇلتتار ىنتىماعىن كۇشەيتۋدەگى ءونىمدى دانەكەر ەتۋگە، اۆتونوميالى رايونىمىزدىڭ كادر - دارىندىلار قوسىنى قۇرىلىسىنىڭ پارمەندى تىرەگى ەتۋگە، اۆتونوميالى رايونىمىزدىڭ لاڭكەستىككە قارسى تۇرىپ، ورنىقتىلىقتى قورعاۋ قابىلەتى قۇرىلىسىن كۇشەيتۋدەگى ماڭىزدى كۇش ەتۋگە تاباندى بولىپ، شينجياڭعا باعىتتامالى كومەكتەسۋدىڭ ءتۇرلى قىزمەتتەرىنە اناعۇرلىم ىرىقتىلىقپەن، اناعۇرلىم پارمەندى تۇردە سايكەسىپ، قوعام ورنىقتىلىعى مەن باياندى تىنىشتىق باس نىساناسىن ەرتەرەك جۇزەگە اسىرۋ ءۇشىن تىزە قوسا كۇرەس جۇرگىزۋىمىز كەرەك.

    شوكىرات زاكىر مىنالاردى تالاپ ەتتى: اۆتونوميالى رايوننىڭ جەر - جەرى، تاراۋلارى شينجياڭعا باعىتتامالى كومەكتەسۋ قىزمەتى جونىندەگى 6 - رەتكى مەملەكەتتىك ءماجىلىستى وراي ەتىپ، تۇلعالىق رولدارىن تولىق ساۋلەلەندىرۋى، وتە - موتە، سۇيىسپەنشىلىك، جاۋاپكەرشىلىك، بورىشتىلىق سەزىممەن شينجياڭعا باعىتتامالى كومەكتەسەتىن ولكە، قالالارمەن سايكەسۋدى، سەلبەسۋدى كۇشەيتىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن ۇزدىكسىز ارتتىرۋى كەرەك. شينجياڭعا باعىتتامالى كومەكتەسۋگە سۇيەنىپ، كەدەيلىكتەن قۇتىلدىرۋدان قامال الۋ شايقاسىندا كۇش سالا جەڭىسكە جەتىپ، وقۋ - اعارتۋ، ەمدەۋ ورەسىنىڭ جوعارىلاۋىن العا ىلگەرىلەتىپ، كاسىپ سالاسىنىڭ دامۋىنداعى قيىن تۇيىندەردە قامال الىپ، ءار ۇلت جۇرتشىلىعىنىڭ تىنىش تىرشىلىگىن قامتاماسىزداندىرىپ، ۇلتتار ىنتىماعى قىزمەتىن تەرەڭدەتىپ، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شارالارىن ويداعىداي قولدانىپ، ءتۇرلى قىزمەتتەردى تىڭعىلىقتى جاقسى ىستەپ، پارتيانىڭ 19 - قۇرىلتايىنىڭ جەڭىسپەن اشىلۋىن اناعۇرلىم كوتەرىڭكى رۋحپەن، اناعۇرلىم سۇبەلى ناتيجەلەرمەن قارسى الۋ كەرەك.

    لي پىڭشين بىلاي دەپ اتاپ كورسەتتى: شينجياڭعا تىڭنان باعىتتامالى كومەكتەسۋ قىزمەتى قانات جايدىرىلعان 7 جىل − شينجياڭنىڭ ەكونوميكالىق، قوعامدىق دامۋ قارقىنى ەڭ تەز، ءار ۇلت جۇرتشىلىعى كەنەلگەن ناقتى يگىلىك ەڭ كوپ، قالا مەن اۋىلدىڭ بەت - بەينەسىندەگى وزگەرىس ەڭ زور بولعان 7 جىل، شينجياڭنىڭ ەكونوميكالىق، قوعامدىق دامۋ ومىرشەڭدىك كۇشى ءونىمدى تۇردە تاسقىنداعان 7 جىل بولدى، شينجياڭعا باعىتتامالى كومەكتەسكەن 19 ولكە، قالانىڭ، شينجياڭعا باعىتتامالى كومەكتەسكەن 11 مىڭ 622 كادردىڭ شينجياڭعا قالتقىسىز ۇلەس قوسقانىنا بۇكىل اۆتونوميالى رايونداعى ءار ۇلت كادر - جۇرتشىلىعى شىن جۇرەكتەن العىس ايتادى، ولاردى قاي - قاشان دا ەسىنەن شىعارمايدى. اۆتونوميالى رايوننىڭ، بيڭتۋاننىڭ ءارقايسى تاراۋلارى، كومەك قابىلداعان جەرلەر، شينجياڭعا باعىتتامالى كومەكتەسىپ جاتقان ولكە، قالالاردىڭ الدىڭعى شەپ قولباسشىلىق شتاپتارى بەلسەنە ارەكەتتەنىپ، جۇدىرىقتاي جۇمىلىپ، جاۋاپكەرشىلىكتى تولىق ادا ەتىپ، شينجياڭعا باعىتتامالى كومەكتەسەتىن ولكە، قالالاردىڭ كومەگىمەن سايكەستى شەشىلەتىن ىستەردى تياناقتاندىرۋدى تىزە قوسا العا ىلگەرىلەتىپ، شينجياڭعا باعىتتامالى كومەكتەسۋ قىزمەتى جونىندەگى 6 - رەتكى مەملەكەتتىك ءماجىلىستىڭ دايىندىق قىزمەتتەرىن بار كۇشپەن تىڭعىلىقتى جاقسى ىستەپ، ءماجىلىستىڭ ءوز ۋاعىندا ءساتتى اشىلۋىنا شىنايى كەپىلدىك ەتۋى كەرەك.

    اۆتونوميالى رايوننىڭ جانە بيڭتۋاننىڭ باسشىلارىنان ما شۋەجۇن، پىڭ جيارۇي، ۋاڭ يۇڭميڭ، باداي ماجىلىسكە قاتىناستى.

    شينجياڭعا باعىتتامالى كومەكتەسىپ جاتقان 19 ولكە، قالانىڭ الدىڭعى شەپ قولباسشىلىق شتاپتارىنىڭ جاۋاپتىلارى تاجىريبە اۋىستىرىپ ءسوز سويلەدى.

جاۋاپتى رەداكتور:سايراش تۇرارجان قىزى