قابا اۋدانى 7-كەزەكتى ساياحات تانىستىرۋ ءماجىلىسى مەن 2016-جىلعى ساياحات كاسىبىنە ەڭ ۇزدىك قىزمەت وتەگەن ورىنداردى ماداقتاۋ ءماجىلىسىن اشتى

    ءادىل تۋعانباي ۇلى حابارلايدى. 17-ماۋسىمدا، قابا اۋدانى 7-كەزەكتى ساياحات تانىستىرۋ ءماجىلىسى مەن 2016-جىلعى ساياحات كاسىبىنە ەڭ ۇزدىك قىزمەت وتەگەن ورىنداردى ماداقتاۋ ءماجىلىسىن اشىپ، شينجياڭداعى ساياحات كاسىپ ورىندارى مەن ساياحات كارحانالارى اۋدانىمىزدىڭ ەكولوگيالىق ساياحات قاينارىن ۇگىتتەپ، سەلبەستىك حاتىنا قول قويىپ، سونىمەن بىرگە ەڭ ۇزدىك ساياحات كاسىپورىندارىن ماداقتاپ، ساياحات كاسىبىنىڭ قارقىندى دامۋىن جەبەدى.

    تانىستىرۋ جيىنىندا، ساياسي كەڭەس پارتگرۋپپاسىنىڭ شۋجيى جياڭ جىندۇڭ مىنالاردى ايتىپ ءوتتى: اۋدانىمىزدىڭ تابيعاتى كوركەم، تابيعي كورىنىس قاينارى باي، ۇلتتىق ۇلگىسى قويۋ، ساياحات كاسىبىن دامىتۋداعى دارالىق ەرەكشەلىككە يە. مەملەكەتتىك A4 دارەجەلى اققايىڭ كورىنىس رايونى، مەملەكەتتىكA5  دارەجەلى قاراتوقتىنىڭ كولى كورىنىس رايونى، مەملەكەتتىك ونەركاسىپ ۇلگىلى كورىنىس رايونى A3 دارەجەلى اشىلى مىس كەنى، عاجايىپ تاستارعا تولى قارا ۇڭگىر كورىنىس رايونى، شيدى قارىن تاس قۇرالدار مەكەنى، كوكتوعاي سازدىعى، اقشي سازدىعى، ەرتىس وزەنى اڭعارى، ىدىق قىزىل جاپىراقتى ورماندىعى، توعانباي 2-ءنومىرلى كونە قابىرلىقتارى قاتارلى ساياحات قاينارلارى بار. «ۇزدىكسىز ءتورت جىل مەملەكەتتىك تازا اۋدان اتاعىنا يە»، «مەملەكەتتىك باۋ-باقشالى اۋدان»، «مەملەكەتتىك جاسىلداندىرۋداعى ۇلگىلى اۋدان»، «مەملەكەتتىك ەكولوگيالىق مادەني قۇرلىسىنداعى ۇلگىلى رايون»، «اۆتونوميالى ساياحاتتاعى ۇزدىك اۋدان»، «اۆتونوميالى ەكولوگيالى اۋدان»، «اۆتونوميالى دارەجەلى ۇزدىك تىنىش اۋدان» قاتارلى اتاققا يە.

    اۋدانىمىزدىڭ بايلىعى مول، قازىرگە دەيىن 32 ءتۇرلى كەن ونىمدەرى قاينارى، 200دىڭ ۇستىندەگى ءدارى شوپتەر بايقالعان. اۋدانىمىزدا 4 وزەن بار بولىپ، ونىڭ جىلدىق اعىس مولشەرى116 ميليارت تەكشەمەتر، ەندى اشپاقشى بولىپ وتىرعان ساياحات ورنىنان18 بار. قاناس ساياحات جولىنىڭ قۇرلىمىنا ىلەسىپ، اۋدانىمىزدىڭ وزىندىك ساياحات ەرەكشەلىگىن تىكتەي وتىرىپ، ەرتىس وزەنى، سازدىقتى تاماشالاۋ، قۇمداعى ساياحات، سىرلى تاس، تاتىرداعى اسىل، جايلىم ساياحاتى، تۇسەلحانا كاسىبى، قايىڭ باعىمشىلىعى قاتارلى «سەگىز ءبىر تۇلعالانعان» كاسىپتى اشۋ كوزدە ۇستالىپ، ءتىپتى دە كوپ ساياحاتشىلاردىڭ كەلىپ ساياحاتتاۋى جوسپارلانىپ وتىر،-دەدى.

    جيىندا، ايماقتىق ساياحات كاسىبىنىڭ جاۋاپتىسى قايرات: «التاي ايماعىنىڭ تاۋى التىن، سۋى كۇمىس دەگەن دەگەن اتاققا يە. وسىنداي ءبىر ەرەكشە تابيعاتقا يە ساياحات ابزالدىلىعىنان پايدالانا وتىرىپ، ساياحات كاسىبىن جانداندىرۋ كەرەك. وسى رەتكى قابا اۋداندىق پارتكوم ۇكىمەت اشقان7-كەزەكتى ساياحات تانىستىرۋ جيىنى قابا اۋدانىنىڭ ساياحات كاسىبىنىڭ جاندانا تۇسۋىنە زور ىقپال جاسايتىنىنا سەنىمىمىز كامىل. ايماعىمىزدى شينجياڭداعى قوناق ءۇي جانە مەملەكەتتىك ماڭىزدى ساياحات نىسانى ەتىپ قۇرىپ شىعايىق»،-دەدى.

    ۇكىمەتتىڭ ورىنباسار اكىمى چىن جيڭ قابا اۋدانىنىڭ ءتيىمدى ساياساتتارىن، ساياحات كاسىپ شەبىندەگىلەردى سيلاۋ ءادىسى جانە وسى سالادا سيلىققا يە بولعان كاسىپورىندارىنىڭ اتىن جاريالادى.

    اۋداندىق پارتكومنىڭ تۇراقتى جوراسى ءۇمىت مۇقامەتقالي قىزى 2017-جىلى اققايىڭ قىستىق فوتو سۋرەت تارتۋدان سيلىققا يە بولعانداردىڭ ەسىمدىگىن جاريالادى. سونىمەن قوسا، سيلىق تاراتۋ سالتى بىرگە ءجۇرىلدى.

    تانىستىرۋ جيىنى اياقتالعان سوڭ، قۇرمەتتى قوناقتار اۋدانىمىزدىڭ كورىنىس رايوندارىن تانىستىرعان قىسقا فيلىمدى تاماشالادى ءارى قاراتوقتىنىڭ كولى كورىنىس رايونى، ياجۇي تۇيە ءجۇنى كاسىپ ورنى، شىرعاناق ونىمدەر كاسىپ ورنى، مينحاي ءدارى جاساۋ كاسىپ ورنى جانە بىرنەشە قوناق ۇيلەردى تاماشالاپ كوزدەن كەشىردى.

جاۋاپتى رەداكتور:سايراش تۇرارجان قىزى