حالىق تۇرمىسىن بار كۇشىمىزبەن قامتاماسىز ەتەيىك جانە جاقسارتايىق

    حالىق تۇرمىسى − باس شۋجي شي جينپيڭ بار ىقىلاسىن ارناعان، قايتا - قايتا باسا دارىپتەپ كەلە جاتقان ماڭىزدى ماسەلە.

    «پارتيامىزدىڭ بارلىق ساياساتى تۇگەلدەي حالىق تىلەگىنە ۇيلەسۋدى، حالىق تۇرمىسىنا تيىمدىلىك جاساۋدى ارقاۋ ەتىپ جاسالۋى جانە تياناقتانۋى كەرەك»، «دامۋدى حالىق تۇرمىسىن جاقسارتۋدا تياناقتاندىرۋ كەرەك»، «شينجياڭدى ورنىقتىرۋ، شينجياڭنىڭ تىنىشتىعى سىندى ستراتەگيالىق تۇرعىنى تياناق ەتىپ، ءار ۇلت بۇقاراسىنىڭ الاڭسىز تىرشىلىك ەتۋىن مىقتاپ ارقاۋ ەتىپ، ءوندىرىس، تۇرمىس شارت - جاعدايىن جاقسارتاتىن نىسانداردى كوبىرەك اتقارىپ، حالىق تۇرمىسىنا تيىمدىلىك جاسايتىن ناقتى ىستەردى كوبىرەك تىندىرىپ، ءار ۇلت بۇقاراسىنىڭ كوكەي تەستى ماسەلەلەرىن كوبىرەك شەشىپ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ مەيىرىن سەزىندىرۋ كەرەك».

    ...

    3 جىلدىڭ الدىندا شينجياڭعا كەلىپ قىزمەت تەكسەرۋدەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشۋعا دەيىن، ونان بيىل مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقانعا دەيىن باس شۋجي شي جينپيڭنىڭ جەلىلەس ماڭىزدى سوزدەرى ونىڭ ايقىن حالىقتىق تۇرعىسىن ايگىلەدى، تەرەڭ حالىق تۇرمىسى سەزىمى قامتىلعان بۇل سوزدەر شينجياڭنىڭ جاڭا جاعدايداعى حالىق تۇرمىسى قىزمەتىن جاقسى ىستەۋدىڭ باعىتىن ايقىنداپ بەردى.

    شينجياڭ سىندى ەكونوميكاسىنىڭ دامۋى كەندە، حالقى ءالى بايي قويماعان ۇلتتىق رايون جونىنەن العاندا، حالىق تۇرمىسىن بار كۇشپەن قامتاماسىز ەتۋ جانە جاقسارتۋ ەرەكشە ماڭىزدى مانگە يە، ول قوعامنىڭ ورنىقتىلىعىنا، دامۋدىڭ قوزعاۋشى كۇشىنە، ۇلتتاردىڭ ىنتىماعىنا سايىپ قانا قالماستان، جاپپاي دوڭگەلەك داۋلەتتى قوعام قۇرۋ نىساناسىن ۋاعىندا جۇزەگە اسىرا الۋ - الماۋعا دا سايادى، قوعام ورنىقتىلىعى مەن باياندى تىنىشتىق باس نىساناسىنىڭ ەرتەرەك جۇزەگە اسۋىنا ءتىپتى دە قاتىستى.

    قانداي قيىنشىلىق بولسا دا، ءمان بەرىلسە بولعانى، قيىنشىلىق ەسەپتەلمەيدى. 3 جىلدان بەرى، اسىرەسە، ج ك پ اۆتونوميالى رايوندىق 9 - قۇرىلتايى اشىلعاننان بەرى، اۆتونوميالى رايوندىق پارتكوم شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل، بۇلجىماي دايەكتىلەندىرىپ، تياناقتاندىرىپ، ءار ۇلت بۇقاراسىنىڭ مۇڭ - مۇقتاجىنا قاشاندا كوڭىل تورىنەن ورىن بەرىپ، حالىق تۇرمىسىن ماڭداي الدى ورىنعا قويۋدان، حالىق تۇرمىسىنا قاتىستى ىستەردى الدىمەن تىندىرۋدان جازباي، ءوز دارەجەسىندەگى قازىنالىق شىعىس پەن شينجياڭعا باعىتتامالى كومەكتەسۋ قارجىسىنىڭ %70تەن استامىن حالىق تۇرمسىن جاقسارتۋعا پايدالانىپ، حالىققا ءتيىمدى ينجەنەريالاردى ۇزبەي ىلگەرىلەتىپ، ءار ۇلت بۇقاراسىنىڭ تابىس سەزىمىن، باقىت سەزىمىن ۇزبەي كۇشەيتتى. حالىق تۇرمىسى قۇرىلىسى سىندى الىپ ماگنيت ءورىسى ءار ۇلت بۇقاراسىنىڭ پارتياعا العىس ايتاتىن، پارتيانىڭ سوزىنە قۇلاق اساتىن، پارتياعا ىلەسەتىن بەرىك سەنىمى مەن تەبىندى كۇشىن ۇيىستىردى.

    اماليات حالىق تۇرمىسى حالىق تىلەگىنە ساياتىنىن، حالىق تىلەگى حالىق كۇشىن ۇيىستىراتىنىن تاعى ءبىر رەت تالاسسىز دالەلدەدى. بۇقارانى شىن مانىندە كوڭىلدە ساقتاعاندا عانا، حالىق بۇقاراسىنىڭ ءتول مۇددەسىنە ساياتىن ماسەلەلەردى بار امالىن تاۋىپ جاقسى شەشكەندە عانا، جاراسىمدىلىققا، ورنىقتىلىققا جات فاكتورلاردى تۇبىرىنەن ازايتۋعا بولادى؛ رەفورمانىڭ، دامۋدىڭ، ورنىقتىلىقتىڭ جەتىستىكتەرىن ءار ۇلت بۇقاراسىمەن ورتاقتاسقاندا عانا، ەڭ سوڭىندا ءار ۇلت بۇقاراسىنىڭ شىنايى قورعاۋىنا يە بولىپ، قۇدىرەتتى ۇيىسۋ كۇشى مەن تىلەكتەستىك كۇشىن قالىپتاستىرىپ، العا ىلگەرىلەۋ جولىنداعى ءارقانداي ماشاقات پەن توسقىندىقتى جەڭۋگە بولادى.

    حالىق تۇرمىسىن بار كۇشپەن قامتاماسىز ەتۋدە جانە جاقسارتۋدا ماسەلەنى نىشان ەتۋدەن جازباي، ءار ۇلت بۇقاراسى جاپپاي كوڭىل ءبولىپ وتىرعان كورنەكتى ماسەلەلەردى جاقسى شەشىپ، حالىق بۇقاراسىنىڭ تابىس سەزىمىن شىن مانىندە جوعارىلاتۋ كەرەك. حالىقتى وزەك ەتۋ ەكونوميكانىڭ، قوعامنىڭ دامۋىنداعى ءار بۋىندا ايگىلەنۋى كەرەك. بۇقارا نە نارسەگە كوڭىل بولسە، نە نارسەنى كوكسەسە، رەفورما جاساپ دامۋدا سول نارسەنى يگەرىپ، ساياسات - شارادا سول نارسەنى ىلگەرىلەتكەندە عانا، حالىق بۇقاراسى ءۇشىن رەال ماسەلەلەردى شەشىپ، ولاردىڭ تابىس سەزىمىن ارتتىرۋعا بولادى. ارەكەتكە كەلۋ ءبىر توپ باعدارناما جاساپ قويىپ قانا قاراپ وتىرۋدان الدەقايدا ابزال، حالىق بۇقاراسى جاپپاي كوڭىل ءبولىپ وتىرعان كورنەكتى ماسەلەلەردى شەشۋدى تياناق ەتىپ، حالىق تۇرمىسىنا ساياتىن سالتاناتتى ۋادەلەردى ءبىر - بىرلەپ ناقتى اتقارىپ، حالىق تۇرمىسىن جاقسارتاتىن شارالاردى ءبىر - بىرلەپ تياناقتاندىرىپ، بارلىق ءىس تياناقتانۋدى، بارلىق ىستە ناتيجە بولۋدى جۇزەگە اسىرىپ، ءار ۇلت بۇقاراسىنا وزگەرىستەردى كورسەتىپ، تيىمدىلىككە كەنەلتكەندە عانا، حالىق بۇقاراسىنىڭ تابىس سەزىمىن، رازىلىق سەزىمىن، باقتى سەزىمىن، ءسوزسىز، اناعۇرلىم ناقتى دا شىنايى ەتۋگە بولادى.

    حالىق تۇرمىسن بار كۇشپەن قامتاماسىز ەتۋدە جانە جاقسارتۋدا ءبىر جاعىنان، «شەلپەكتى» ۇلكەيتىپ، ەندى ءبىر جاعىنان، «شەلپەكتى» جاقسى ۇلەستىرىپ، رەفورمانىڭ، دامۋدىڭ جەتىستىكتەرىن ءار ۇلت بۇقاراسىمەن ورتاقتاسۋ كەرەك. مۇنان كەيىن رايونىمىزدىڭ حالىق تۇرمىسى «شەلپەگىنىڭ» بارعان سايىن ۇلكەيەتىنىن مەجەلەۋگە بولادى، سونىمەن بىرگە، حالىق تۇرمىسىنا قاتىستى ءتۇزىم قۇرىلىسىن كۇشەيتىپ، ءار ۇلت بۇقاراسىن ەكونوميكانىڭ، قوعامنىڭ دامۋ جەتىستىكتەرىنەن اناعۇرلىم تولىق، اناعۇرلىم ءادىل يگىلىكتەندىرىپ، ولاردى بولاشاق جونىندە اناعۇرلىم مول سەنىمگە يە ەتۋگە، كورىكتى شينجياڭ قۇرىلىسىنا اناعۇرلىم بەلسەندىلىكپەن ات سالىسۋىنا مۇمكىندىك جاراتۋ كەرەك.

    3 جىل كوزدى اشىپ - جۇمعانشا وتە شىقتى. وسى 3 جىلدا، اسىرەسە، ج ك پ اۆتونوميالى رايوندىق 9 - قۇرىلتايى اشىلعاننان بەرى، شينجياڭنىڭ حالىق تۇرمىسى قۇرىلىسى نىق قادام باستى. مۇنان كەيىن شينجياڭ ۇدەرە العا تارتىپ، حالىق تۇرمىسىن قامتاماسىز ەتۋ مەن جاقسارتۋدى ەكونوميكانىڭ، قوعامنىڭ دامۋىنداعى ەڭ مەيىرلى شىرايى ەتەدى!

جاۋاپتى رەداكتور:سايراش تۇرارجان قىزى