چىن باۋشىڭ رايونىمىز وقۋ - اعارتۋىنىڭ جالپىلىق رەفورماسىنا جانە جوعارى مەكتەپتەردىڭ يدەيالىق - ساياسي قىزمەتىنە تەكسەرۋ - زەرتتەۋ جۇرگىزدى

    مەكتەپتەردىڭ يدەيالىق - ساياسي قىزمەتىن تەرەڭدەتىپ، وقۋ - اعارتۋدىڭ جالپىلىق رەفورماسىن، دامۋىن ىلگەرىلەتۋ كەرەك

    16 - ماۋسىمنان 17 - ماۋسىمعا دەيىن وقۋ - اعارتۋ مينيسترلىگى پارتيا باسشىلىق گرۋپپاسىنىڭ شۋجيى، وقۋ - اعارتۋ مينيسترى چىن باۋشىڭ قاتارلىلار شينجياڭ وقۋ - اعارتۋىنىڭ جالپىلىق رەفورماسى، دامۋ جاعدايى جانە جوعارى مەكتەپتەردىڭ يدەيالىق - ساياسي قىزمەتى جونىندەگى مەملەكەتتىك ءماجىلىستىڭ رۋحىن دايەكتىلەندىرۋ، تياناقتاندىرۋ جاعدايى جونىندە رايونىمىزدا تەكسەرۋ - زەرتتەۋ جۇرگىزدى.

    اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەتى كوميتەتىنىڭ شۋجيى لي پىڭشيننىڭ سەرىك بولۋىندا، چىن باۋشىڭ قاشقار ۋنيۆەرسيتەتى، قاشقار كونەءشار اۋدانى توققۇزاق قالاشىعى سەنترلى باستاۋىش مەكتەبى، قاشقار جاڭاءشار اۋدانى ورتا دارەجەلى كاسىپتىك مەكتەبى، بيڭتۋان 3 - ديۆيزياسى 41 - پولك ورتا مەكتەبى جانە بالا باقشاسى، قاشقار قالاسى داۋلەتباق اۋىلى سەنترلى بالا باقشاسى، قاشقار قالاسى شىنجىن - قاشقار 1 - جوعارى دارەجەلى ورتا مەكتەبى سياقتى جەرلەرگە بارىپ، جوعارى مەكتەپتەردىڭ يدەيالىق - ساياسي تاربيەسى، وقۋ - وقىتۋ رەفورماسى، «قوس ءتىل» تاربيەسى، دارىندى تاربيەلەۋ سياقتى جاعدايلارىنا تەكسەرۋ - زەرتتەۋ جۇرگىزىپ، وقىتۋشى - وقۋشى ۋاكىلدەرىمەن ىقىلاستى اڭگىمەلەستى ءارى شينجياڭ وقۋ - اعارتۋ قىزمەتى اڭگىمە ماجىلىسىنە قاتىناستى.

    شينجياڭ وقۋ - اعارتۋ قىزمەتى اڭگىمە ماجىلىسىندە چىن باۋشىڭ پارتيا 18 - قۇرىلتايىنان بەرى شينجياڭنىڭ وقۋ - اعارتۋ ىستەرىندە قول جەتكىزگەن تابىستارىن تولىق تۇراقتاندىردى. ول بىلاي دەدى: وقۋ - اعارتۋ مينيسترلىگى شينجياڭ وقۋ - اعارتۋىنىڭ رەفورماسىنا، دامۋىنا ەجەلدەن وسكەلەڭ ءمان بەرىپ، ءبىر قىدىرۋ قولداۋ شارالارىن العا قويىپ كەلەدى. شينجياڭ وقۋ - اعارتۋىنان، بىرىنشىدەن، ءوز ءىس جۇزىندىك جاعدايىن ارقاۋ ەتىپ، ەرەكشە باسىمدىعىن ساۋلەلەندىرىپ، جالپىلىق رەفورمانى تەرەڭدەتىپ، دالمە - ءدال رەفورما جۇرگىزۋىن؛ ەكىنشىدەن، يدەيالىق - ساياسي قىزمەتى جونىندەگى مەملەكەتتىك ءماجىلىستىڭ رۋحىن دايەكتىلەندىرۋ، تياناقتاندىرۋ جاعىندا ۇزبەي قۇلشىنىپ، كوپ كۇش جۇمساۋىن؛ ۇشىنشىدەن، كاسىپتىك وقۋ - اعارتۋدىڭ دامۋ سەرپىنىن اناعۇرلىم ارتتىرۋىن؛ تورتىنشىدەن، جوعارى مەكتەپتەردىڭ جاراتىلىستىق - تەحنيكالىق عىلىمدار قۇرىلىسىن كۇشەيتىپ، شينجياڭ ەرەكشەلىگىنە يە، شينجياڭنىڭ ەكونوميكالىق، قوعامدىق دامۋىنا قىزمەت كورسەتەتىن پاندەر مەن ماماندىقتاردى كوپتەپ اشۋىن ءۇمىت ەتەمىن. مۇنان بىلاي وقۋ - اعارتۋ مينيسترلىگى شينجياڭنىڭ وقۋ - اعارتۋ ىستەرىنىڭ دامۋىن بۇرىنعىداي قولدايدى.

    لي پىڭشين اۆتونوميالى رايوندىق پارتكوم، ۇكىمەت اتىنان شينجياڭنىڭ وقۋ - اعارتۋ قىزمەتى احۋالىنان مالىمەت بەردى ءارى وقۋ - اعارتۋ مينيسترلىگىنىڭ ۇزاق ۋاقىتتان بەرى شينجياڭنىڭ قىزمەتتەرىنە، اسىرەسە، وقۋ - اعارتۋ ىستەرىنە پارمەندى قولداۋ كورسەتكەنىنە شىن جۇرەكتەن العىس ايتتى. لي پىڭشين بىلاي دەدى: پارتيا ورتالىق كوميتەتى، مەملەكەتتىك كەڭەس ەجەلدەن شينجياڭنىڭ وقۋ - اعارتۋ قىزمەتىنە وسكەلەڭ ءمان بەرىپ، نازار اۋدارىپ، قولداپ كەلەدى، وتە - موتە، پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ وقۋ - اعارتۋ قىزمەتىن «شينجياڭنىڭ قوعام ورنىقتىلىعىن قورعاۋدىڭ، باياندى تىنىشتىقتى ىسكە اسىرۋدىڭ ءتۇبىرى − ادامدا، تەتىگى − وقۋ - اعارتۋدا» دەيتىن ستراتەگيالىق بيىكتىككە كوتەرىپ، «وقۋ - اعارتۋدى ماڭداي الدى ورىنعا قويۋدان جازباۋ، تاڭداۋلى دارىندىلاردى تاربيەلەۋ» سىندى ستراتەگيالىق ورنالاستىرۋ جاسادى، اۆتونوميالى رايوندىق پارتكوم مەن ۇكىمەت پارتيانىڭ وقۋ - اعارتۋ قىزمەتىنە باسشىلىعىن جاپپاي كۇشەيتىپ، مەكتەپتەردىڭ يدەيالىق - ساياسي قىزمەتىن ءتۇيىندى تۇردە تەرەڭدەتىپ، «قوس ءتىل» وقۋ - اعارتۋىن ستراتەگيالىق تۇرعىدا جوسپارلاپ، جەبەپ، وقۋ - اعارتۋدىڭ سايكەستى دامۋىن جالپى جاعداي تۇرعىسىنان ىلگەرىلەتىپ، شينجياڭنىڭ وقۋ - اعارتۋ ىستەرى دامۋىنىڭ تىڭ ساتىعا وتۋىنە جەتەكشىلىك ەتتى. وقۋ - اعارتۋ مينيسترلىگىنىڭ ساياسات، دارىندى، قارجى جاقتارىنان شينجياڭنىڭ وقۋ - اعارتۋ ىستەرىنىڭ دامۋىنا ونان سايىن زور قولداۋ كورسەتە بەرۋىن شىنايى ءۇمىت ەتەمىن.

    اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى نايىم ياسىن، اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ۇلى اڭگىمە ماجىلىسكە قاتىناستى. اۆونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى، وقۋ - اعارتۋ قىزمەتى كوميتەتىنىڭ ورىنباسار شۋجيى ەركىن تۇنياز تەكسەرۋ - زەرتتەۋدە بىرگە بولدى. شينجياڭ ءوندىرىس - قۇرىلىس بيڭتۋانى پارتكومىنىڭ ورىنباسار شۋجيى، ورىنباسار ساياسي كوميسسارى لي شينميڭ بيڭتۋاننىڭ وقۋ - اعارتۋ قىزمەتى جاعدايىنان مالىمەت بەردى.

جاۋاپتى رەداكتور:سايراش تۇرارجان قىزى