باس نىسانا تۋىن بيىك ۇستاپ، جوعارى مەكتەپتەردىڭ شەبىن بەكەمدەيىك

    15 - ماۋسىمدا اۆتونوميالى رايونىمىزداعى جوعارى مەكتەپتەر «تۋدى بيىك ۇستاپ، ادالدىقپەن جاۋاپكەرشىلىك ارقالاپ، <ءۇش ءتۇرلى كۇشپەن> باتىل كۇرەسەمىز» اتىنداعى سەرت بەرۋ جينالىسىن وتكىزىپ، جوعارى مەكتەپ وقىتۋ شەبىندەگى پارتيالى كادرلاردى وبۇلقاسىم ءماتتۇرسىننان ۇيرەنىپ، «ءۇش ءتۇرلى كۇشپەن» باتىل كۇرەسۋگە جۇمىلدىردى. وسى رەتكى سەرت بەرۋ جينالىسى − «4 تانىمدى» جوعارىلاتۋدىڭ، ساياسي تۇرعىنى بەكەمدەۋدىڭ ناقتى بەينەسى، نازاردى باس نىساناعا شوعىرلاندىرىپ، باس نىسانانى تياناقتاندىرۋدىڭ ءىس جۇزىندىك ارەكەتى، بولشەكتەۋشىلىككە قارسى تۇرۋ ءتارتىبىن قاتايتۋدىڭ، «ءۇش ءتۇرلى كۇشپەن» باتىل كۇرەسۋدىڭ ايبىندى ۋادەسى. بۇكىل رايونىمىزداعى جوعارى مەكتەپتەر وسى قيمىلدى وراي ەتىپ، بورىشتى، جاۋاپكەرلىكتى كۇشەيتىپ، جوعارى مەكتەپتەردى پارتيانىڭ باسشىلىعىنان اۋىتقىمايتىن مىعىم شەپ ەتىپ قۇرۋعا، جۇڭگوشا سوتسياليزمنىڭ قۇرۋشىلارى مەن سەنىمدى ءىزباسارلارىن تاربيەلەيتىن بەكەم شەپ ەتۋ قۇرۋعا كەپىلدىك ەتۋلەرى كەرەك.

    باس شۋجي شي جينپيڭ بىلاي دەپ اتاپ كورسەتكەن: «جاستاردىڭ قۇن بەتالىسى بولاشاقتاعى بۇكىل قوعامنىڭ قۇن بەتالىسىن بەلگىلەيدى». جاستار قۇن كوزقاراسىنىڭ قالىپتاسۋ جانە تۇراقتانۋ كەزەڭىندە، وسى كەزەڭدەگى قۇن كوزقاراسىنىڭ قالىپتاسۋىن يگەرۋ اسا ماڭىزدى. ۋنيۆەرسيتەتتەر ءۇشىن الىپ ايتقاندا، ادام تاربيەلەۋدەن ماڭىزدى ءىس جوق، ۋنيۆەرسيتەت وقۋشى قۇن كوزقاراسىنىڭ العاشقى تۇيمەسىن دۇرىس تۇيمەلەۋگە جەتەكشىلىك ەتۋى كەرەك. جوعارى مەكتەپتەر ەجەلدەن يدەولوگيا سالاسىنداعى بولشەكتەۋشىلىككە قارسى كۇرەستىڭ الدىڭعى شەبى. شينجياڭدا «ءۇش ءتۇرلى كۇش» جوعارى مەكتەپتەردى كەۋلەپ كىرۋدىڭ، ءبۇلدىرۋدىڭ ءتۇيىندى نىسانى ەتكەن، بىزبەن شەپكە، وقىتۋشىلار مەن وقۋشىلارعا، جۇرت نيەتىنە تالاسۋ كۇرەسى اسا قيان - كەسكى بولۋدا. بولشەكتەۋشىلىككە قارسى كۇرەستىڭ قاتاڭ دا كۇردەلى جاعدايى الدىندا، رايونىمىزداعى جوعارى مەكتەپتەر ساياسي سانانى شىن مانىندە جوعارىلاتىپ، ساياسي جاۋاپكەرشىلىكتى كۇشەيتىپ، تۋى ايقىن تۇردە «ءۇش ءتۇرلى كۇشكە» سايىس جاريالاپ، اتويشى بولىپ، شەپتى بەرىك ساقتاپ، پارتيا تۋىن جوعارى مەكتەپتەر شەبىندە باستان - اياق بيىك جەلبىرەتۋى كەرەك.

    «ۇشقىننان جالىن قاۋلايدى». سوڭعى مەزگىلدە بۇكىل رايونىمىزداعى كوپتەگەن جوعارى مەكتەپ ۇيىمدارى باتىل ءۇن قاتىپ، ايقىن پوزيتسيا ءبىلدىرۋ قيمىلىن وتكىزدى، كوپتەگەن جوعارى مەكتەپتىڭ باستىقتارى اۆتورلى ماقالا جاريالاپ، ايقىن پوزيتسيا ءبىلدىرىپ، تۇرعىلارىن ايگىلەپ، ادىلەت ءۇنىن پارمەندى تۇردە زورايتىپ، جاقسى ونىمدەرگە قول جەتكىزدى. وسى رەتكى سەرت بەرۋ جينالىسىن اشۋداعى ماقسات − بۇكىل رايونىمىزداعى جوعارى مەكتەپتەردىڭ كۇشىن بىرىكتىرىپ، سان مىڭداعان ادامنىڭ ءۇنىن شوعىرلاندىرىپ، ءبىر تۇرعىدا تۇرىپ، جاۋعا بىردەي كەكتەنىپ، تۋدى بيىك ۇستاپ، ايقىن پوزيتسيا ءبىلدىرىپ، «ءۇش ءتۇرلى كۇشپەن» كۇرەستى سوڭىنا دەيىن جۇرگىزەتىن بەرىك بەكىم جانە مىعىم سەنىمدى تۋىمىز ايقىن تۇردە ايگىلەپ، بۇكىل رايونىمىزداعى جوعارى مەكتەپتەردىڭ باتىل ءۇن قاتىپ، ايقىن پوزيتسيا ءبىلدىرۋ قيمىلىن تىڭ ورلەۋگە كوتەرۋ.

    جوعارى مەكتەپ − كىرشىكسىز القاپ، «ءۇش ءتۇرلى كۇشتىڭ» ونى يەمدەنۋىنە، بىلعاۋىنا استە جول بەرىلمەيدى. سوندىقتان، رايونىمىزداعى جوعارى مەكتەپتەر «4 تانىمدى» بەرىك ورناتىپ، وقۋ - اعارتۋدى ساياساتكەرلەر باسقارۋدىڭ امالياتتا ايگىلەۋشىسى بولۋ كەرەك. مۇرات - سەنىمدى بەكەمدەپ، سەنىم نەگىزىن كۇشەيتىپ، رۋحاني كالتسيدى تولىقتاپ، يدەيا باعىتىن دۇرىس مەڭگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي ءتۇسىنىپ، يگەرىپ، باس نىسانا تۋىن بيىك ۇستاپ، مىعىم شەپ تانىمىن ورناتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى باستان - اياق ساقتاۋ كەرەك؛ پارتيانىڭ وقۋ - اعارتۋ ىستەرىنە ادال بولىپ، سوتسياليستىك وقىتۋ باعىتىن قورعاۋشىلاردان بولۋ كەرەك. «قانداي ادام تاربيەلەۋ، ادامدى قالاي تاربيەلەۋ، كىم ءۇشىن تاربيەلەۋ» ماسەلەسىندە، «قانداي ۋنيۆەرسيتەت قۇرۋ، ۋنيۆەرسيتەتتى قالاي قۇرۋ» ماسەلەسىندە تۇرعىدا بەرىك تۇرىپ، بۇكىل رايونىمىزداعى جوعارى مەكتەپتەردى باستان - اياق سوتسياليزم ىستەرىنىڭ تولىمدى قۇرۋشىلارى جانە سەنىمدى ءىزباسارلارىن تاربيەلەۋدىڭ مىعىم بازاسى ەتۋگە كەپىلدىك ەتۋ؛ بولشەكتەۋشىلىككە قارسى تۇرۋدىڭ يدەيالىق تاربيەسىن ىشكەرىلەي ورىستەتىپ، وزىق يدەيا جانە مادەنيەتتىڭ تاراتۋشىسى بولۋ كەرەك. شيەلەنىستى دە كۇردەلى يدەولوگيا كۇرەسىندە ىرىقتىلىقپەن سوققى بەرىپ، سۇيەمدەي جەرگە تالاسىپ، سۇيەمدەي جەردەن ايرىلماي، ءتۇرلى قاتە يدەيا اعىمىنىڭ جوعارى مەكتەپتەرگە باسا كوكتەپ كىرۋىنە استە جول بەرمەۋ كەرەك؛ مورالمەن ادام تاربيەلەۋدەي ءتۇپ نەگىزدى ەستە بەرىك ساقتاپ، وقۋشىلاردىڭ اقاۋسىز جەتىلۋىندەگى جەتەكشى بولۋ كەرەك. يدەيالىق - ساياسي تاربيە قىزمەتىن قاتاڭ، پارمەندى جۇرگىزىپ، وقۋشىلاردىڭ تۇسىنىك پەن ارەكەتتى بىرلەستىرۋ جاعىندا شوگەلدىكپەن ۇيرەنەتىن، ءمورال جەتىلدىرەتىن، اق پەن قارانى ايقىن ايىراتىن، تۋراشىل جارامدى دارىندى بولىپ شىعۋعا تاربيەلەۋ، جەتەكشىلىك ەتۋ كەرەك.

    وقۋ - اعارتۋ گۇلدەنسە، دارىندىلار مولايادى، وقۋ - اعارتۋ دامىسا، مەملەكەت قۇدىرەتتەنەدى. جوعارى مەكتەپتەر جاس دارىندىلاردى تاربيەلەپ جەتىلدىرەتىن ماڭىزدى ورىن، بۇكىل رايونداعى جوعارى مەكتەپتەر پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن ىشكەرىلەي ءتۇسىنىپ جانە يگەرىپ، باس نىسانا تۋىن جەلبىرەتىپ، كۇشتى بازا تانىمىن، ادام تاربيەلەۋ تانىمىن ورناتىپ، ادامدى عىلمي نازاريامەن جەتىلدىرىپ، دۇرىس يدەيامەن جەتەكتەپ، بولشەكتەۋشىلىككە، كەۋلەپ كىرۋگە قارسى تۇرۋدىڭ الىنباس شەبىن بەكەمدەگەندە عانا، رايونىمىزداعى 400 مىڭنان استام جوعارى مەكتەپ وقۋشىلارىن پارتيانىڭ ءسوزىن تىڭدايتىن، پارتياعا العىس ايتاتىن، پارتياعا ىلەسەتىن جۇڭگوشا سوتسياليزم ىستەرىنىڭ تولىمدى قۇرۋشىلارى جانە سەنىمدى ءىزباسارلارى ەتىپ تاربيەلەپ شىعۋ كەرەك.

جاۋاپتى رەداكتور:سايراش تۇرارجان قىزى