اۆتونوميالى رايون ەكونوميكاسىنىڭ باياندى، اقاۋسىز دامۋىن بار كۇشپەن جەبەدى

    − باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنۋ، دايەكتىلەندىرۋ، تياناقتاندىرۋ تۋرالى (2)

    شى شين

    بۇل − شۇعىلالى 3 جىل، بۇل − قۇلشىنعان 3 جىل.

    3 جىلدان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزى مەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن باتىل دايەكتى تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتۋدى ايقىن العا قويىپ، شينجياڭنىڭ ەكونوميكاسىنىڭ ءارى جاقسى، ءارى تەز دامۋىن جەبەدى.

    اۆتونوميالى رايون پارتيا، ۇكىمەت ورىندارىنداعى نەگىزگى باسشىلار باستاماشى بولىپ، ورنىقتىلىق پەن ەكونوميكانى مىقتى يگەرۋ القاسىن قۇرىپ، قوعام ورنىقتىلىعى مەن باياندى تىنىشتىق باس نىساناسىنىڭ ءبىر تۇتاس جەتەكشىلىگىندە، ەكونوميكا قىزمەتىن مىقتى، ناقتى يگەرىپ، «ءۇشتى ازايتۋ، ءبىردى تومەندەتۋ، ءبىردى تولىقتاۋ» قىزمەتىن ۇزدىكسىز بار كۇشپەن ىلگەرىلەتىپ، وزىندىك ەرەكشەلىكتەگى ابزال كاسىپ سالالارىن جەتىلدىرىپ، كولەمدەندىرىپ، نەگىزگى قۇرىلعى جاعىنداعى ولقىلىقتى تولىقتىرىپ، جىبەك جولى ەكونوميكالىق بەلدەۋىندەگى وزەكتى رايون قۇرىلىسىن جەبەپ، شينجياڭ ەكونوميكاسىنىڭ ورنىقتى، اقاۋسىز دامۋ جاعدايىن ساقتادى.

    «ءبىر باس نىسانانى» مىقتاپ ورناتىپ، دامۋعا ءبىر تۇتاس جەتەكشىلىك ەتتى

    ساپالى ءتۇبىت ونىمدەرىن وندىرەتىن شينجياڭ بايپيڭ توقىماشىلىق عىلىم - تەحنيكا شەكتى سەرىكتەستىگىنىڭ ءوندىرىس لەنياسى شىلىڭگىر ىستىقتا دا قاۋىرت جۇمىس جۇرگىزدى. سەرىكتەستىكتىڭ جاۋاپتىسى: زاكاز كوپ، ءبىز 3 جىلدا ءونىم قۇنىن 500 ميلليون يۋانعا، ەكسپورت سوماسىن 50 ميلليون يۋانعا جەتكىزىپ، 1000 نەشە ادامدى كاسىپتەندىرۋگە سەنىمىمىز كامىل، - دەدى.

    بايپيڭ توقىماشىلىق شەكتى سەرىكتەستىگىنىڭ كاسىپتىك ناتيجەسى تۇتاس رايونىمىزدىڭ ەكونوميكالىق دامۋ جاعدايىنىڭ ايعاعى.

    مەملەكەتتىك ساناق مەكەمەسى بيىل 1 - توقساندا رايونىمىزدىڭ وڭىرلىك ءوندىرىس جالپى ءونىم قۇنىنىڭ GDP 179 ميلليارد 185 ميلليون يۋانعا جەتىپ، الدىڭعى جىلعى سول تۇستاعىدان %7.6 ارتىپ، ارتۋ دەڭگەيىنىڭ بۇكىل ەلىمىزدىكىنەن %0.7 جوعارى بولعاندىعىن، مۇنىڭ 2015 - جىلدان بەرگى 1 - توقسانداعى ەڭ تاماشا ورە ەكەندىگىن تەكسەرىپ تۇرقتاندىردى.

    وتكەن 3 جىلعا نازار سالساق، دۇنيە ءجۇزى ەكونوميكاسىنىڭ ارتۋى تۇلعالىق جاقتان باياۋلاعان جاعدايدا، اۆتونوميالى رايوندىق پارتكوم تۋدى بيىك ۇستاۋدان، باس نىسانانى ءدال كوزدەۋدەن باستان - اياق جازباي، ورنىقتىلىق بارىسىندا ىلگەرىلەۋ نەگىزگى اۋەنىنە تاباندى بولىپ، «5 ۇلكەن دامۋ ۇستانىمىن» ورناتىپ، ەكونوميكانىڭ دامۋ جاڭا قالىبىنا ۇيلەسىپ، ساپا مەن ونىمدىلىكتى جوعارىلاتۋدى وزەك ەتىپ، شينجياڭنىڭ اناعۇرلىم جاقسى، اناعۇرلىم تەز دامۋىن جەبەدى.

    مۇنان دا قۋانارلىعى، وسى 3 جىلدا ارتتىرۋ جاعىنداعى قيىنشىلىق پەن ۇلگىگە بۇرىلىس جاساۋ جاعىنداعى اۋرەشىلىك قاباتتاسىپ وتىرسا دا، اۆتونوميالى رايون ساپا مەن ونىمدىلىكتى جوعارىلاتۋدى، دامىتۋدى وزەك ەتۋدەي ماندىك تالاپتى جەتە ۇعىنىپ جانە ءداپ باسىپ يگەرىپ، ەكونوميكانى دامىتۋدا تىڭ جاڭالىققا قول جەتكىزدى.

    1 - كاسىپ سالاسىنىڭ دەڭگەيىن وسىرۋدەن جازباي، استىقتى ورنىقتىرۋ، ماقتانى رەتتەۋ، جەمىس - جيدەكتى ساپالىلاندىرۋ، مال شارۋاشىلىعىن كوركەيتۋ توڭىرەگىندە ەگىن، مال شارۋاشىلىعىنىڭ دامۋ كومەسكى كۇشىن تولىق اشىپ، استىق ءوندىرىسىنىڭ ءۇرتىس 9 جىل ارتۋىن جۇزەگە اسىردى.

    2 - كاسىپ سالاسىندا ءتۇيىندى يگەرۋدەن جازباي، جاڭاشا ونەركاسىپتەندىرۋدى ورتاشا، جوعارى دەڭگەيگە بىرتىندەپ كوتەردى، بەي مۇناي ونەركاسىپىنىڭ يەلەيتىن سالىستىرماسى %69.6كە جەتىپ، مۇناي ونەركاسىبى «ءوز الدىنا بىرەگەي» بولاتىن جاعداي تۇبەگەيلى اياقتادى.

    3 - كاسىپ سالاسىن بارىنشا دامىتۋدان جازبادى، 3 - كاسىپ سالاسىنىڭ يەلەيتىن سالىستىرماسى 10 نەشە جىلدان بەرى تۇڭعىش رەت 2 - كاسىپ سالاسنان اسىپ، ەكونوميكانىڭ ارتۋىنا قوسقان ۇلەسى %55تەن استى.

    جاڭادان كوركەيگەن كاسىپ سالالارىنان الىپ قاراعاندا، ەنەرگيا ۇنەمدەۋ، قورشاعان ورتانى قورعاۋ، جاڭا بۋىن ينفورماتسيا تەحنيكاسى، جوعارى ورەلى جابدىق جاساۋ سياقتى 7 ءىرى ستراتەگيالىق جاڭادان كوركەيگەن كاسىپ سالاسىنىڭ GDP دايەلەيتىن سالىستىرماسى %7كە جەتىپ، كاسىپ سالالارى دەڭگەيىنىڭ جوعارىلاۋ اياق الىسى كورنەكتى جەدەلدەدى.

    قورعاستان ي - ۋ حالىقارالىق ساۋدا ورنىن سالۋعا قارجى قوسقان جىجياڭدىق ساۋداگەر جين شيڭجۇڭ ۇزاق ۋاقىتتان بەرى جىجياڭ مەن شينجياڭ اراسىندا جۇمىس جۇرگىزىپ كەلەدى، ونىڭ باسقان ءاربىر قادامى وسى ءوڭىردىڭ دامۋ وزگەرىسىنە كۋا. ول: شينجياڭنىڭ مىعىم دامۋ قۋاتى مەن ۋنيۆەرسال قۋاتى ءبارىمىزدى باۋرايدى، - دەدى.

جاۋاپتى رەداكتور:سايراش تۇرارجان قىزى