قىزمەت اترەتى شالعاي مال شارۋاشىلىق رايونداعى مالشىلارعا كوكونىس جەتكىزىپ بەردى

    مەيرامگۇل مۇسىنات قىزى حابارلايدى. قوبىقسارى موڭعۇل اۆتونوميالى اۋدانى بوستەڭكى مال فەرماسىنىڭ ۇلانعادا قىستاعى جانە بۇعىتى قىستاعى مال شارۋاشىلىق قىستاق بولىپ، فەرمادان 40 شاقىرىم شالعايدا، ءتورت تۇلىك مالىنىڭ قامى ءۇشىن وسى ەكى قىستاقتىڭ مالشى تۇرعىندارى جەردىڭ شۇرايلىسىن، سۋدىڭ تۇنىعىن قۋالاپ كوشپەندى تۇرمىس كەشىرەتىندىكتەن، مالشىلاردىڭ قىسى جازى كوكونىس ساتىپ الىپ تۇتىنۋى توتەنشە قيىنعا تۇسەتىن، جايشىلىقتا مالشى بۇقارا كوكونىس تۇتىنۋ ءۇشىن، مال شارۋاشىلىق رايوننان 80 شاقىرىم شالعايداعى اۋدان ورتالىعىنان بارىپ ساتىپ اكەلەتىن بولعاندىقتان كەيدە ەكى اپتا بويى كوكونىس تۇتىنا الماۋ قالىپتى جاعدايعا اينالىپ قالعان، ولار نەگىزىنەن ءۇش ۋاقىتتىق استا نان، ءسۇت ونىمدەرى، قوي ەتى قاتارلىلاردى تۇتىناتىن.

    وسى ەكى قىستاققا تومەنگە تۇسكەن اۋداندىق ورمان شارۋاشىلىعى مەكەمەسىنىڭ قىزمەت اترەتى ءار جولى وتباسىلارىن ارالاپ احۋال ۇعىسقاندا مالشىلاردىڭ تۇرمىسىنداعى كوكونىس تۇتىنۋى قيىن بولۋ ماسەلەسىن بايقاپ، اپتا سايىن ءوز جاندارىنان قاراجات شىعارىپ قىستاق تۇرعىندارىنا كوكونىس ساتىپ الىپ جەتكىزىپ تۇرۋدى ۇيعارادى.

    جاپ–جاسىل جاس كوكونىستەردى تاپسىرىپ العان ۇلانعادا قىستاعىنىڭ مالشىسى گىميڭ تەبىرەنگەنىنەن: سىزدەر ءتۇرلى جاڭا كوكونىستەردى وتباسىمىزعا دەيىن جەتكىزىپ بەرىپ جاتىرسىزدار، سىزدەرگە العىسىمىز شەكسىز،-دەدى.

    وسىلايشا، قوبىقسارى موڭعۇل اۆتونوميالى اۋدانى بوستەڭكى مال فەرماسىنىڭ ۇلانعادا قىستاعى جانە بۇعىتى قىستاعىنا تومەنگە تۇسكەن اۋداندىق ورمان شارۋاشىلىعى مەكەمەسىنىڭ قىزمەت اترەتى بۇقارانىڭ تۇرمىسىنداعى ءاربىر ۇلكەندى-كىشىلى قيىنشىلىقتارىن كوزدە ۇستاي وتىرىپ، شىنايى شەشىم ەتىپ، حالىق بۇقاراسىنىڭ ناعىز جاناشىر جاقىندارىنان اينالدى.

ءتىلشىنىڭ قىزمەت ورنى: قوبىقسارى اۋداندىق راديو–تەلەۆيزيا مەكەمەسى

جاۋاپتى رەداكتور:سايراش تۇرارجان قىزى