كۇيتۇن قالاسى مەملەكەتتىك ءوندىرىس حاۋىپسىزدىك ايى ۇگىت قيمىلىن وتكىزدى

    ەركىنعازى احىمەتباي ۇلى حابارلايدى. بيىلعى ماۋسىم ايى 16 - رەتكى «ءوندىرىس حاۋىپسىزدىك ايى». كۇيتۇن قالاسى «ءوندىرىس حاۋىپسىزدىك ايى» ۇگىت قيمىلىن قانات جايدىرىپ، بۇقارانىڭ ءوندىرىس حاۋپسىزدىگى جونىندەگى تانىمدارىن جوعارىلاتىپ،ءتۇرلى شىرعالاڭداردىڭ تۋىلماۋىنا بەرىك نەگىز قالادى.

    ۇگىت قيمىلى بارىسىندا، كۇيتۇن قالالىق ءوندىرىس حاۋىپسىزدىگىن باقىلاۋ مەكەمەسى، دامۋ رەفورما كوميتەتى، بازاردى باقىلاپ - باسقارۋ مەكەمەسى، وقۋ – اعارتۋ مەكەمەسى، كەگەنشي اۋىلى، كوشە ءىس باسقارماسى، الەۋمەتتىك اۋماق قاتارلى ءوندىرىس حاۋپسىزدىك كوميتەتىنە مۇشە ورىندار ۇگىت اۆتوموبيىلىن شىعارۋ، ۇگىت تاقتاسىن كورمەگە قويۋ، ۇگىت ۇرانىن ءىلۋ سىندى فورمالارىمەن بۇقارعا «ءوندىرىس حاۋىپسىزدىگى زاڭى»، «ورتتەن ساقتانۋ زاڭى»، «تاس جول قاتىناس حاۋىپسىزدىك زاڭى» سياقتى زاڭ – ەرەجەلەردى ۇگىتتەپ، ءوندىرىس حاۋىپسىزدىگىنە قاتىستى بىلىمدەردى ءتۇسىندىرىپ، 30 مىڭ نۇسقادان استام ۇگىت ماتەريالىن تاراتىپ، اقىل – كەڭەس سۇراي كەلگەن مىڭنان استام بۇقارانى قابىلداپ، حاۋىپسىزدىك ءبىرىنشى دەگەن يدەيانى ادامداردىڭ جۇرەگىنە تەرەڭ ۇيالاتىپ، بارلىق ادام «ءومىردى قاستەرلەپ، حاۋىپسىزدىككە كوڭىل بولەتىن» تاماشا قوعامدىق اۋقىم قالىپتاستىردى.

    ۇگىت قيمىلى بارىسىندا، حاۋىپسىزدىك جونىندەگى مول بىلىمدەرگە يە بولعان قالا تۇرعىندارى ءبىر اۋىزدان: ءوندىرىس حاۋىپسىزدىگىن ۇگىتتەۋ قيمىلىنىڭ ورىستەتىلۋىنىڭ بىزگە بولعان تاربيەلىك ءمانى وتە زور بولىپ،ءبىزدىڭ حاۋىپسىزدىك تانىمىزدى ارتتىردى. بۇدان كەيىن ءبىز حاۋىپسىزدىكتى دارىپتەپ، حاۋىپسىزدىكتى ۇگىتتەۋشى بولىپ، جاراسىمدى، تىنىش قالا قۇرۋعا كۇش سالامىز، - دەستى.

    قالا تۇرعىنى ۋاڭ ليلي بىلاي دەدى: بۇگىن ۇگىت قيمىلىنا قاتىناسىپ، ۇگىت جۇرگىزۋشى ورىنداردىڭ تاراتقان ۇگىت ماتەريالدارىن، شىعارعان ۇگىت تاقتالارىن كورىپ، حاۋىپسىزدىككە قاتىستى كوپتەگەن بىلىمدەرگە يە بولدىم. بۇدان كەيىن حاۋىپسىزدىككە كوڭىل بولۋىمەن بىرگە تۋىس – تۋعان، دوس – جاراندارىما حاۋىپسىزدىك بىلىمدەرىن ۇگىتتەپ، ولاردىڭ حاۋىپسىزدىك تانىمدارىن جوعارىلاتۋعا كۇش سالامىن.

ءتىلشىنىڭ قىزمەت ورنى: كۇيتۇن حالىق راديو ستانسياسى

جاۋاپتى رەداكتور:سايراش تۇرارجان قىزى