شالعاي مال وتارىن ارالاپ، پارتيانىڭ باعىت-ساياساتتارىن ۇگىتتەدى

    سەرىك يمانقان ۇلى حابارلايدى. پارتيا مەن ۇكىمەتتىڭ ماڭىزدى تاپسىرماسىن الىپ، حالىق ءۇشىن قىزمەت ىستەۋگە تۇسكەن نەگىزگى ساتىداعى كادرلار حالىقتىڭ ورىندى تالابىن جەرگە قالدىرماي، كەيبىر شەت شالعاي ورنالاسقان مال وتارلارىنا بارىپ، پارتيانىڭ ابزال ساياساتىن جەتكىزۋگە قۇلشىندى. سونداي-اق، مالشىلاردى قوعام ورنىقتىلىعى مەن باياندى تىنشتىقتىڭ بەسىگىندە تەربەتىپ، ولاردى كەدەيلىكتەن قۇتىلدىرىپ، دوڭگەلەك داۋلەتتى قوعامعا باستاۋدى وزدەرىنىڭ نەگىزگى قۇلشىنىس باعىتى ەتتى.

    جاقىندا «ۇعىسۋ، تيىمدىلىك جاساۋ، توعىستىرۋ» قىزمەتى بويىنشا ءاربىر مالشى وتباسىنا پارتيانىڭ ءۇنىن جەتكىزۋ ءۇشىن التاي ايماقتىق پروكۋراتۋرا مەكەمەسىنەن بۋرىلتوعاي اۋدانى قاراماعاي قالاشىعى سارتال قىستاعىنا تۇسكەن قىزمەت اترەتىنىڭ باستىعى جاڭالبەك باستاعان جولداستار قاتتى قارىسىپ سوققان بورانعا قاراماي، قىستاق كەڭسەسىنەن شەت شالعاي بولعان ساردويرا، ءۇش بۇلاق ءوڭىرىن بەتكە الىپ، وتارداعى مالشى قاۋىمدارىنا امانداسا باردى.

    سارتال قىستاعىندا شامامەن 105 وتباس بار. مۇنىڭ ىشىندە، 24 وتباسى جەر جىلىنىپ، توڭ جىبگەن شاقتان باستاپ ءارقايسى مال وتارىنا مال جايۋعا كەتەدى. وتارعا باراتىن جول كۇدىر، الىس بولىپ، ول اراداعى مالشىلاردىڭ سىرتپەن بولعان حابار-ينفورماتسياسى از ەدى. مىنە وسى جاعدايدى تولىق ەسكەرگەن قىزمەت اترەتىندەگى كادرلار تاڭ بوزىنان تۇرىپ، قىستاقتىڭ ۇگىت لەكسياشسى بايتاق جولداستى ەرتىپ، بارعان جەرلەرىندەگى مالشى كيىز ۇيلەرىندە مەملەكەت تۋىن جەلبىرەتىپ، پارتيانىڭ ابزال ساياساتىن ۇگىتتەدى.

    قىزمەت اترەتى جيىنى 16 مالشى وتباسىنا كىرىپ، ولاردىڭ كوزالداعى ءوندىرىس، تۇرمىس جانە مال جان احۋالىن يەلەپ، ارمان-تىلەكتەرىنە قۇلاق تۇردى. سونداي-اق، مالشى بۇقارالارىن لاڭكەستىككە قارسى تۇرىپ، ورنىقتىلىقتى قورعاۋداعى ۋادە توقتامىنا قول قويدىردى.

    قىزمەت اترەتىندەگىلەر تاڭ راۋانداپ قيمىلداعاننان كەشكە جاقىن ارەڭ دەگەندە ەڭ سوڭعى كوزەۋلى وتباسىنا باردى. الىس جول باسىپ، شەت-شالعاي جاتقان مالشىلارعا پارتيانىڭ ءۇنىن جەتكىزىپ، ولاردىڭ تۇرمىس تىرشىلىگىنە نازار اۋدارى نەگىزگى ساتىعا تۇسكەن كادرلاردىڭ قاشان دا حالىقتىڭ قامىن ويلاپ، حالىقپەن ەتەنە بولعاندىعىن تولىق ايگىلەپ كورسەتتى.

ءتىلشىنىڭ قىزمەت ورنى: بۋرىلتوعاي اۋداندىق ورگان ىستەرىن باسقارۋ مەكەمەسى

جاۋاپتى رەداكتور:سايراش تۇرارجان قىزى