«شي جينپيڭ شەرتكەن اڭگىمەلەردىڭ» باسپادان شىعۋى بايلانىسىمەن اڭگىمە ءماجىلىسى وتكىزىلدى

    ۇلى ءداۋىر ۇلى شىعارماعا جۇكتى بولادى، گۇلدەنگەن جۇڭگونى تارتىمدى شىعارمامەن بەينەلەۋگە تۋرا كەلەدى. 15 – ماۋسىمدا، ياعني «حالىق گازەتى» شىعا باستاعانىنىڭ 69 جىلدىعى ساتىندە حالىق گازەتى مەكەمەسى ۇيىمداستىرىپ جازعان، حالىق باسپاسى باسپادان شىعارعان «شي جينپيڭ شەرتكەن اڭگىمەلەردىڭ» باسپادان شىعۋى بايلانىسىمەن بەيجيڭدە اڭگىمە ءماجىلىسى وتكىزىلدى.«شي جينپيڭ شەرتكەن اڭگىمەلەردە» باس شۋجي شي جينپيڭنىڭ 100دەگەن سوزدەرى مەن ماقالالارىنان سۇرىپتاپ الىنعان، ونىڭ ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن بەينەلەيتىن جۇزدەن استام اڭگىمەلەرى ەنگىزىلىپ، ولارعا ايقىن تۇسىنىك بەرىلگەن.

    حالىق گازەتى مەكەمەسىنىڭ باستىعى ياڭ جىن – ۋ سوزىندە بىلاي دەدى: اڭگىمەنى شەبەرلىكپەن بايانداۋ ــ ەجەلدەن بەرگى جۇڭگولىق، شەتەلدىك ايگىلى ساياساتشىلاردىڭ، ويشىلداردىڭ ورتاق ەرەكشەلىگى، سونداي – اق باس شۋجي شي جينپيڭنىڭ باسشىلىق ستيلىنىڭ ايقىن ەرەكشەلىگى. بۇل اڭگىمەلەردە پاكتىك، ادامگەرشىلىك، ەرىك - جىگەر، جونگە سالۋ، حالىقتار دوستىعى، مەملەكەتتەر بارىس - كەلىسى، مادەنيەتتى ءتۇسىنۋ، تاريحي سۇيىسپەنشىلىك سياقتىلار قامتىلعان. «شي جينپيڭ شەرتكەن اڭگىمەلەردىڭ» باسپادان شىعۋى وقىرمانداردىڭ باس شۋجي شي جينپيڭنىڭ جەلىلەس ماڭىزدى سوزدەرىنىڭ يدەيالىق ءمانىن جانە ونداعى تۇعىر، كوزقاراس، ءتاسىلدى ءتىپتى دە ويداعىداي تۇسىنۋلەرىنە كومەكتەسەدى.

جاۋاپتى رەداكتور:اقىن ادەنوۆ