ەلىمىز قۋاتتى X ساۋلەسىمەن رەتتەلەتىن ءدۇربىلى جاساندى سەرىكتى ءساتتى ۇشىردى، ونىمەن قارا ۇڭگىر بارلانادى

    مەملەكەت قورعانىسى، عىلىم - تەحنيكا ونەركاسىپ مەكەمەسىنەن ۇعىسۋىمىزشا، بۇگىن 11 ساعات 00 مينۋتتا ەلىمىز جيۋچۋان جاساندى سەرىك ۇشىرۋ ورتالىعىندا ۇزاق جورىق 4 ب (CZ-4B) تاسىمال رەكاتاسىمەن ءبىر تال قۋاتتى X ساۋلەسىمەن رەتتەلەتىن ءدۇربىلى جاساندى سەرىكتى كوككە ۇشىرعان. جەر شارىنىڭ جوعارعى كەڭىستىگىندەگى سانسىز «كوزدەردىڭ» بىرەۋى رەتىندە ول الەمنىڭ شالعاي قويناۋىنا نازار اۋدارىپ، قارا ۇڭگىر، نەيتروندىق جۇلدىز سياقتى شالعايداعى اسپان دەنەلەرىن بارلاۋ مىندەتىن اتقارادى.

    «كورەگەن كوز» قارا ۇڭگىردى ايىرا الادى

    «كورەگەن كوز» دەپ اتالعان وسى جاساندى سەرىكتىڭ مىناداي 4 ۇلكەن مىندەتى بار: ءبىرىنشى، قۇس جولى جازىقتىعى، شارشاسى جانە وزەگى سىندى كەڭ الەمدى شارلاپ جانە ولشەپ، جوعارى ەنەرگيا قاينارىنىڭ وزگەرىسىن جانە ءمالىم بولعان جوعارى ەنەرگيالى اسپان دەنەلەرىنىڭ جاڭا قوزعالىسىن بايقاۋ؛ ەكىنشى، قۇس جولى جۇيەسىندەگى قاراڭ ۇڭگىر مەن نەيتروندىق جۇلدىزداردى ۇزاق ۋاقىت ءجيى باقىلاپ – ولشەپ، قاراڭ ۇڭگىر مەن نەيتروندىق جۇلدىزدار جۇيەسىنىڭ قيمىلى مەن وزگەرىس مەحانيزمىن يگەرۋ؛ ءۇشىنشى، كۇشتى اعىس وڭىرىندەگى قاراڭ ۇڭگىر مەن نەيتروندىق جۇلدىزداردى جوعارى ساناق ولشەمىمەن باقىلاپ – ولشەۋ ارقىلى قاراڭ ۇڭگىر مەن نەيتروندىق جۇلدىزدار جۇيەسىنىڭ نەگىزگى قاسيەتىن ءتۇسىنۋ؛ ءتورتىنشى، 200 keV-3 MeV كە كەڭەيگەن بارلاۋ – ولشەۋ قۋاتىنان پايدالانىپ جاڭا گامما ساۋلەسى جارىلىسىنىڭ جانە باسقا جارىلىس قۇبىلىستارىنىڭ ەنەرگيا سپەكترىنە جانە وزگەرىستى ولشەۋ ساندى مالىمەتىنە قول جەتكىزىپ، جوعارى ەنەرگيا سەبەبىنەن كۇشتى جارىلىس جاسايتىن اسپان دەنەلەرىنىڭ نەگىزگى قاسيەتىن ءتۇسىنۋ، الەمنىڭ شالعاي قويناۋىنداعى شومبال تۇراقتى جۇلدىزداردىڭ كوزدەن عايىپ بولۋى جانە نەيتروندىق جۇلدىزداردىڭ بىرىگۋى سياقتى بارىستارداعى قارا ۇڭگىرلەردىڭ قالىپتاسۋىن زەرتتەۋ.

جاۋاپتى رەداكتور:اقىن ادەنوۆ