بۇقاراعا ەرەكشە تيىمدى بولعان «ەكى وتىراقتاسۋ» ينجەنەرياسى

    ءادىل تۋعانباي ۇلى حابارلايدى. ماۋسىم ايىنىڭ اپتاپ ىستىعىمەن قوسا ساتكە بولسا جانىڭا تىنىم بەرمەي وزىنشە تىرلىك ءۇشىن ىڭىلداپ-شىڭىلداپ جۇرگەن ماسا شىركەيىن ايتسايشى. ءبىراق، بۇنىڭ بارلىعى قۇرىلىستىڭ قارقىندى جۇرىلۋىنە ەش اسەرىن تيگىزە الماپتى. ويتكەنى، ءار جەردەن بوي كوتەرگەن ەڭسەلى قۇرلىستاردا بۇنىڭ دالەلى.

    جاۋ گۋاڭجى بيىل 56جاستا، قابا اۋدانى جايىلما اۋىلدىعىنىڭ تۇرعىنى،ءبىر سەميادا 6 جان بار بولىپ بارلىعى كونە توز توپىراق ۇيدە تۇرىپ جاتقالى مىنە تابانى كۇرەكتەي 20 جىل بولعان. قىستا تەرىستىكتىڭ ازىنانعان اق بورانى تام قابىرعاسىنداعى ساڭىلاۋدان سىعالاسا، جازدىڭ جاڭبىرى توبەدەن ساۋلاپ تىنىم بەرمەيتىن-دى. ونىڭ ۇستىنە قاتەرلى، قاي كۇنى قۇلاپ كەتەرى بەلگىسىز.

    جاۋ گۋاڭجى: «بيىل اۋىلدىعىمىز حالىقتى بايىتىپ بەيقۇت ءۇي سالۋ ينجەنەريا تيىمدىلىگىن بەردى. قازىر ءۇيىمنىڭ سالۋ قۇرىلىسى دا اقىرلاسىپ قالدى. مەن قاتتى قۋانىشتامىن. پارتياعا، ۇكىمەتكە العىسىم شەكسىز»،-دەپ اعىنان اقتارىلىپ قۋانىشىن جاسىرا المادى.

    سونىمەن قاتار ءۇيىنىڭ قۇرىلىمىن دا تانىستىرا كەتكەن ول: «ءۇيىمنىڭ كولەمى 110 شارشى كۆادرات مەتر، ۇكىمەت جاعىنان 38 مىڭ500 يۋان تيىمدىلىك الدىم. قازىر، ۇكىمەتىمىزدىڭ ساياساتتارى شىنىندا جاقسى. اۋىلدىقتىڭ كادرلارى دا كەلىپ قۇرىلىستىڭ ساپاسىن، جۇرىلۋ احۋالىن قاداعالاپ تۇرادى. ءبىز الاڭسىز اتىزدا جۇمىسىمىزدى ىستەپ ءوز شارۋامىزدا بولامىز. مەنىڭ مىنا سالىنىپ جاتقان جاڭا ءۇيىمنىڭ قابات ۇيدەن ەش پارقى جوق. ءوزى كەڭ، ەدەننەن جىليدى، تازالىق ءۇيى ىشىندە»،-دەدى جاۋ گۋاڭجى ايدارىنان جەل ەسىپ.

    ۇعىسۋعا قاراعاندا، حالىقتى بايىتىپ بەيقۇت ءۇي سالۋ ينجەنەرياسىنا ۇكىمەتتىڭ بەرەتىن قوسىمشا قاراجاتى38 مىڭ 500يۋان، مالشىلاردى وتىراقتاستىرۋعا 60 مىڭ يۋان بەرەدى ەكەن. 2011-جىلى «ەكى وتىرىقتاسۋ» ينجەنەرياسى اتتانىسقا كەلگەننەن بەرى جايىلما اۋىلدىعى حالىق تۇرمىسىن كوزدە ۇستاي وتىرىپ حالىقتى بايىتىپ بەيقۇت ءۇي سالۋ ينجەنەرياسىنان1315 سەميا، مالشىلاردى وتىرىقتاندىرۋ ينجەنەرياسىنان 433سەميا سالىپ، حالىققا تيىمدى ساياساتتاردى دەرلىكتەي تياناقتاندىرىپتى.

    جايىلما اۋىلدىعى قىستاق قۇرىلىسى دامۋ ورتالىعىنىڭ كادرى ەرسىن ماۋىتقان ۇلى: «اۋىلدىعىمىزدا 18 اكىمشىلىك قىستاق بار. بۇنىڭ ىشىندە 4 مالشىلىق قىستاعى بار. بيىل حالىقتى بايىتىپ بەيقۇت ءۇي سالۋدا 85 سەميا، مالشىلاردى وتىراقتاستىرۋدا 40 سەميا جوسپارعا الىنعان، قازىرگە دەيىن قۇرىلىس جالپى بەتتىك جۇرىلىپ كەتتى. شامامەن قىركۇيەك ايىنىڭ اياعىندا بۇكىلدەي اقىرلاسادى دەپ جوسپارلانىپ وتىر. ءبىز جالعاستى قۇرلىستىڭ ساپاسىن، جۇمىس ونىمدىلىگىن، جۇمىس بارىسىنداعى ساقتالعان ماسەلەلەردى دەركەزىندە سايكەستىرۋ قىزمەتتەرىن قاداعالاپ، ەگىنشى-مالشى قاۋىمىنىڭ ۋاقىتىندا جاڭا ۇيلەرىنە كوشىپ كىرىپ الاڭسىز بولۋىنا كەپىلدىك ەتەمىز»،-دەدى.

ءتىلشىنىڭ قىزمەت ورنى: قابا اۋداندىق پارتكوم ۇگىت ءبولىمى

جاۋاپتى رەداكتور:نۇرجان مينۋار قىزى