شينجياڭ جۇڭگو - ەۆروپا ەلدەر بىرلەستىگى زات اينالىم شەكتى سەرىكتىگى مەن كۇيتۇن قورعالمالى باجى زات اينالىم ورتالىعىن باسقارۋ كوميتەتى ستراتەگيالىق سەلبەستىك توقتامىنا قول قويىستى

    ەركىنعازى احىمەتباي ۇلى حابارلايدى. 15 – ماۋسىمدا، شينجياڭ جۇڭگو - ەۆروپا ەلدەر بىرلەستىگى زات اينالىم شەكتى سەرىكتەستىگى مەن كۇيتۇن قورعالمالى باجى زات اينالىم ورتالىعىن باسقارۋ كوميتەتى ستراتەگيالىق سەلبەستىك توقتامىنا قول قويدى. كۇيتۇن قالاسىنىڭ باسشىلارى، شينجياڭ جۇڭگو - ەۆروپا ەلدەرى بىرلەستىگى زات اينالىم شەكتى سەرىكتەستىگىنىڭ باس القاسى مەن قاتىستى تاراۋلاردىڭ جاۋاپتىلارى قول قويۋ سالتىنا قاتىناستى. كۇيتۇن قالاسىنىڭ باسشىلارى سالتتا ءسوز سويلەپ، بىلاي دەدى: كۇيتۇن قازىر جەدەل دامۋدىڭ «ارىندى كەزەڭىندە» تۇر. ءارى جىبەك جولى ەكونوميكالىق بەلدەۋىن دامىتۋ ساياساتىنداعى «ورايدىڭ» سەزوندى كەزەڭىنە ءوتتى. ءبىز سوندىقتان ءتۇرلى فاكتورلاردان تولىق پايدالانىپ، ساۋدا زات اينالىم قىزمەت وتەۋىن وسىزامانداندىرۋ قۇرىلىس اياق الىسىن جەدەلدەتىپ، بەلسەندى تۇردە مەملەكەت دارەجەلى ۇلگىلى ينجەنەريالاردى ءوتىنىش ەتىپ، كۇيتۇن قورعالمالى باجى زات اينالىم ورتالىعىنىڭ امبەباپ رايونىن بار كۇشپەن جەبەپ، كۇيتۇندى جىبەك جولى ەكونوميكالىق بەلدەۋىندەگى «شىعىستى باتىسقا باۋرايتىن، باتىستى شىعىسقا تۇتاستىراتىن» ماڭىزدى قالا، وڭىرلىك ساۋدا زات اينالىم ورتالىق قالاسى، حالىقارالىق ىشكى قۇرىلىق پورتى، يمپورت - ەكسپورت بۇيىمدارىن شوعىرلى تيجارات ەتەتىن ورتالىق جانە مانەرلەۋ ورتالىعى ەتىپ قۇرىپ شىعۋعا قۇلشىنس جاساۋ كەرەك. وسى رەتكى ستراتەگيالىق سەلبەستىك توقتامىن جاساسۋ - كۇيتۇن قالاسىنىڭ ساۋدا زات اينالىم قىزمەت وتەۋ كاسىبىنىڭ قارشتاپ دامۋىن تىكە جەبەۋدەگى تىڭ بارىس بولماق. كۇيتۇن قالالىق پارتكوم مەن حالىق ۇكىمەتى ماڭىزدى كاسىپورىنداردىڭ دامۋىنا بۇرىنعىداي ءمان بەرىپ، نىسان قۇرىلىسى مەن اينالىم تيجاراتىن قولداپ - قۋاتتاپ، كاسىپورىننىڭ ءوندىرىس تيجارات جۇرگىزۋ بارىسىنداعى قيىنشىلىقتارىن شەشىپ، كاسىپورىنداردى ۇزدىكسىز قۇدىرەتتەندىرىپ، ورتاق دامىپ، كۇيتۇننىڭ ەكونوميكا قوعامىنىڭ قارىشتاپ دامۋىنداعى تىڭ داستاندى بىرلىكتە جازىپ شىعۋىمىز كەرەك.

    شينجياڭ جۇڭگو- ەۆروپا ەلدەر بىرلەستىگى زات اينالىم شەكتى سەرىكتەستىگىنىڭ باس القاسى كۇيتۇن قورعالمالى باجى زات اينالىم ورتالىعىمەن قول ۇستاسىپ، كۇيتۇننىڭ باتىسقا ەكسپورت ەتەتىن حالىقارالىق جۇك تاسىمال پويەزىن جالعاستى ىسكە قوسىپ، زات اينالىم ارقىلى كاسىپ سالالارىن شوعىرلاندىرىپ، كۇيتۇننىڭ تاڭداۋلى ونىمدەرىن بازارعا سالىپ، كاسىپورىندارعا ويداعدا قىزمەت وتەيتىندىگىن ءبىلدىردى.

    قول قويۋ سالتىندا، كۇيتۇن قورعالمالى باجى زات اينالىم ورتالىعىن باسقارۋ كوميتەتىنىڭ جاۋاپتىسى شينجياڭ جۇڭگو - ەۆروپا ەلدەر بىرلەستىگى زات اينالىم شەكتى سەرىكتەستىگىنىڭ جاۋاپتىسىمەن ستراتەگيالىق سەلبەستىك توقتامىنا قول قويىستى.

    توقتامعا قول قويىلعاننان كەيىن، جىبەك جولى ەكونوميكالىق بەلدەۋىندەگى لەنيا قۇرىلىسىن ورتاق جەبەپ، قارجىگەر باۋراۋ، تانىستىرۋ، تاجىريبە الماستىرۋ جاقتارىن بار كۇشپەن كۇشەيتىپ، ينفورماتسيادان ورتاق يگىلىكتەنۋ سەلبەستىگىن جاساپ، كاسىپورىنداردىڭ تاجىربيە الماستىرۋىن ىلگەرلەتىپ، كاسىپ سالاسىن دامىتۋعا قىزمەت وتەپ، تاماشا قىزمەت وتەۋمەن ورتا ەۆروپاعا قاتىنايتىن پويەزعا ويداعداي قىزمەت ەتەدى.

    ۇعىسۋعا قاراعاندا، جاقىنعى جىلداردان بەرى، كۇيتۇن قالالىق پارتكوم مەن حالىق ۇكىمەتى وسى زامانعى ساۋدا زات اينالىم قىزمەت وتەۋىن بار كۇشپەن دامىتۋدى رەفورمانى تەرەڭدەتۋدىڭ وتكەلى، ەكونوميكانى دامىتۋدىڭ ءتۇيىنى ەتىپ، مەملەكەتتىڭ «ءبىر بەلدەۋ، ءبىر جول» ستراتەگياسىنداعى ماڭىزدى تاريحي ورايدى مىقتى ۇستاپ، وڭىرلىك قاتىناس ابزالدىلىعىنا سۇيەنىپ، قالانىڭ سيىمدىلىق قۋاتىن ۇزدىكسىز ارتتىرىپ، ەلىمىز ىشىندەگى ءارقايسى ءىرى قالالار مەن پورتتار اراسىنداعى ستراتەگيالىق سەلبەستىكتى ۇلعايتىپ، ەۆروپا مەن ءارقايسى مەملەكەتتەر اراسىنداعى دوستىق كوپىرىن سالىپ شىعۋعا بەرىك نەگىز قالاپتى. اسىرەسە، كۇيتۇن قورعالمالى باجى زات اينالىم ورتالىعىنىڭ ىسكە قوسىلۋى كۇيتىڭگە ءتىپتى دە كوپ دامۋدىڭ ورايىن جاراتىپ بەرىپتى.

ءتىلشىنىڭ قىزمەت ورنى: كۇيتۇن حالىق راديو ستانسياسى

جاۋاپتى رەداكتور:سايراش تۇرارجان قىزى