قوعامنىڭ جاراسىمدى ورنىقتىلىعىن باتىل قورعايىق

    2014 - جىلى 27 - ساۋىردەن 30 - ساۋىرگە دەيىن، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ شينجياڭدا قىزمەت تەكسەرگەن كەزدە «شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن قوعام ورنىقتىلىعى مەن باياندى تىنىشتىققا قويۋ كەرەك» دەپ اتاپ كورسەتتى.

    وسىدان سوڭ اشىلعان ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسى پارتيا مەن مەملەكەت ىستەرىنىڭ دامۋ جالپى جاعدايىن كوزدەپ، ەل ءىشى، حالىقارا سىندى 2 ۇلكەن جاعدايدى ءبىر تۇتاس جوسپارلاپ، قوعام ورنىقتىلىعى مەن باياندى تىنىشتىقتىڭ شينجياڭ قىزمەتىنىڭ باس نىساناسى ەكەنىن تۇراقتاندىردى.

    جاراسىمدى، ورنىقتى قوعامدىق ورتا بولماسا، ەشقانداي ءىس وڭعا باسپايدى، بۇرىنعى ناتيجەلەر دە زايا كەتەدى. بۇل تاريح پەن شىندىق قايتا - قايتا دالەلدەگەن اقيقات.

    ەلىمىزدىڭ لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ الدىڭعى شەبى جانە نەگىزگى مايدانى بولعان شينجياڭنىڭ ورنىقتىلىعى مەملەكەتتىڭ ورنىقتىلىعىنا سايادى، شينجياڭنىڭ حاۋىپسىزدىگى مەملەكەتتىڭ حاۋىپسىزدىگىنە سايادى. شينجياڭ قىزمەتىنىڭ ويداعىداي ىستەلگەن - ىستەلمەگەندىگى، تۇپتەپ كەلگەندە، بولشەكتەۋشىلىككە قارسى كۇرەستىڭ قالاي جۇرگىزىلگەندىگىمەن، تىنىش تا ىنتىماقتى ساياسي جاعدايدىڭ، جاراسىمدى دا ورنىقتى قوعامدىق جاعدايدىڭ ساقتالعان - ساقتالماعانىمەن بايلانىستى. قوعامنىڭ جاراسىمدى ورنىقتىلىعىن باتىل قورعاۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭنىڭ لاڭكەستىككە قارسى تۇرىپ، ورنىقتىلىقتى قورعاۋ جاعدايى جونىندەگى ماڭىزدى پايىمداۋىن دايەكتىلەندىرۋدىڭ، تياناقتاندىرۋدىڭ ناقتى ارەكەتى، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋدىڭ ستراتەگيالىق شاراسى، لاڭكەستىككە قارسى تۇرۋدىڭ الەمدىك جاعدايىنىڭ كۇن سايىن ۋشىعۋىنا توتەپ بەرۋدىڭ كوكەي تەستى قاجەتى، شينجياڭ قىزمەتىنىڭ ناقتى جاعدايىنىڭ تابيعي تاڭداۋى، لاڭكەستىككە قارسى تۇرىپ، ورنىقتىلىقتى قورعاۋ كۇرەسىندە جەڭىسكە جەتۋدىڭ ءتۇبىرلى كەپىلى.

    3 جىلدان بەرى، اسىرەسە، ج ك پ شينجياڭ ۇيعۇر اۆتونوميالى رايوندىق 9 - قۇرىلتايىنان بەرى، شينجياڭ ورتالىقتىڭ شەشىمدەرى مەن ورنالاستىرۋلارىن باتىل تياناقتاندىرىپ، نازاردى باس نىساناعا شوعىرلاندىرىپ، باس نىسانانى كوزدەپ، باس نىسانانى تياناقتاندىرىپ، ورنىقتىلىقتى قورعاۋدى قاشاندا بارلىعىن باسىپ تۇسەتىن ساياسي مىندەت، تايشان تاۋىنان دا ماڭىزدى ساياسي جاۋاپكەرشىلىك دەپ ءبىلىپ، بارىنشا قىراعى بولىپ، ساقتىق دابىلىن ۇزبەي قاعىپ، ەرتە باستان، كىشكەنەدەن، تەز، ويداعىداي يگەرىپ، باستامانى جاقسى باستاپ، ىرىقتى شايقاستى جاقسى جۇرگىزىپ، ۇزاق بولاشاققا ساياتىن ساياسات جوبالاپ، نەگىزدىك بەكەمدەيتىن شارا قولدانىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءتۇرلى شارالارىن كەمەلدەندىرىپ، تياناقتاندىرىپ، بولشەكتەشىلىككە قارسى كۇرەستىڭ ىرىقتىلىعىن مىقتاپ يگەردى؛ شوعىرلى وڭاۋ جانە جونگە سالۋ، زورلىقتى كۇش لاڭكەستىككە قاتاڭ سوققى بەرۋ ارناۋلى ارەكەتىن ىشكەرىلەي ورىستەتىپ، ورنىقتىلىقتى قورعاۋدىڭ پارمەندى «كەشەندى شارالارىن» اتقاردى؛ «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» بويىنشا قىستاقتا تۇرۋ قىزمەتى مەن «ۇلتتار ىنتىماعىنىڭ بەرەكەلى شاڭىراعى» قيمىلىن ىشكەرىلەي ورىستەتىپ، ورنىقتىلىق، دامۋ ىستەرىنىڭ نەگىزگى ساتى نەگىزىن بەكەمدەدى؛ ۋنيۆەرسال جونگە سالۋدى مىقتاپ يگەرىپ، قاعىس قالاتىن جەر، ساڭىلاۋ، اقتاڭداق قالدىرماۋعا قۇلشىندى؛ لاڭكەستىككە قارسى تۇرىپ، ورنىقتىلىقتى قورعاۋدىڭ قىزمەت مەحانيزمىن كەمەلدەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ ءتۇرلى شارالارىنىڭ ناقتى تياناقتانۋىنا كەپىلدىك ەتتى؛ قوعامدىق ساقتانۋ - مەڭگەرۋ جۇيەسىن كەمەلدەندىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ الىنباس قورعانىس قامالىن سوقتى ... ىنتىماقتاسا كۇرەسىپ، قيىنشىلىقتارعا مويىماي ورگە ۇمتىلعان شينجياڭدىقتار جاۋاپكەرشىلىكتى باتىل ارقالايتىن رۋحپەن، تىڭعىلىقتى، تياناقتى ستيلمەن، ناقتىلى دا جاسامپاز شارالارمەن قوعامنىڭ جاراسىمدى ورنىقتىلىعىن قورعاۋدىڭ قۇرىش قامالىن سوعۋعا كۇش سالدى.

    قوعامنىڭ جاراسىمدى ورنىقتىلىعىن باتىل قورعاۋدا، ەڭ الدىمەن، تانىمدى بارىنشا بىرلىككە كەلتىرىپ، يدەياداعى قىراعىلىقتى ءارقاشان بوساڭسىتپاۋ كەرەك. اماليات شينجياڭدا ورنىقتىلىق بولماسا، بارلىعى نولگە تەڭ ەكەندىگىن تولىق دالەلدەپ وتىر. ورنىقتىلىقتى قورعاۋ قىزمەتىندە قاتىسسىز جەر، قاتىسسىز مەكەمە، قاتىسسىز ادام بولمايدى دەيتىن يدەيانى بەرىك ورناتىپ، ورنىقتىلىقتى قورعاۋ سىندى ارقاۋدى ءارقاشان شيراتىپ وتىرعاندا عانا، قوعامنىڭ جاراسىمدىلىعىن، ورنىقتىلىعىن قورعاۋ قىزمەتىن ءتىپتى دە باتىل پوزيتسيامەن، ءتىپتى دە پارمەندى شارالارمەن، ءتىپتى دە ناقتىلى ستيلمەن تىڭعىلىقتى، ويداعىداي ىستەۋگە بولادى.

    قوعامنىڭ جاراسىمدى ورنىقتىلىعىن باتىل قورعاۋدىڭ ءتۇرلى شارالارىن، ءسوز جوق، جاپپاي تياناقتاندىرۋ كەرەك. كەزەكتە، ءبىزدىڭ شينجياڭدى جونگە سالۋ، شينجياڭدى ورنىقتىرۋ جاعىنداعى ۇتىمدى «تىرەكتىك» ساياسات - شارالارىمىز بەلگىلەنىپ بولدى، ورنىقتىلىقتى قورعاۋعا قاتىستى ءتۇرلى قىزمەتتىك ورنالاستىرۋلار دا ايقىندالدى. وسى كەلەلى شەشىمدەر مەن ورنالاستىرۋلاردىڭ تياناقتانىپ، تامىر تارتۋىن ىلگەرىلەتۋ تىڭعىلىقتى، ناقتى تياناقتاندىرۋدان ايرىلا المايدى. تەك استە بۇلجىماعاندا، استە بوساڭسىماعاندا، استە ءارى - سارى بولماعاندا، استە قۇر قاڭقالىققا سالىنباعاندا عانا، ورنىقتىلىقتى قورعاۋدىڭ ءاربىر قىزمەتىن، ورنىقتىلىقتى قورعاۋدىڭ ءاربىر بۋىنىن يگەرەتىن، باسقاراتىن جانە جاۋاپتى بولاتىن ادامى بولۋعا كەپىلدىك ەتىپ، تاباندىلىقپەن سوڭىنا دەيىن مىقتى يگەرىپ، قوعامنىڭ جاراسىمدى ورنىقتىلىعىن قورعاۋدىڭ بەرىك قورعانىس شەبىن بەكەمدەۋگە بولادى.

    قوعامنىڭ جاراسىمدى ورنىقتىلىعىن باتىل قورعاۋدا، ءسوز جوق، بەرىك سەنىم بولۋ كەرەك. كەزەكتە، شينجياڭنىڭ «3 مەزگىل قاباتتاسقان» جاعدايىندا تۇبەگەيلى وزگەرىس بولعان جوق، ورنىقتىلىقتى قورعاۋ قىزمەتى ءدوپ كەلگەن سىن - سايىستار ءالى دە قاتاڭ ءارى كۇردەلى، باياندى تىنىشتىقتىڭ تەرەڭ قاتپارداعى ماسەلەلەرى ۇزدىكسىز شەشۋدى قاجەت ەتەدى. «ءۇش ءتۇرلى كۇش» ارام ويىنان ءالى قايتپاي، قاساقانا بۇلىك تۋددىرۋدا، «ەكىبەتكەيلەر» ءار ۇلت كادر - جۇرتشىلىعىنىڭ اراسىنا جاسىرىنىپ، ءتۇرلى كەدەرگىلەر مەن اۋرەشىلىكتەر تۋدىراتىن، شينجياڭنىڭ ورنىقتىلىعىن قوعاۋ جالپى جاعدايىن بىلىقتىراتىن وراي كۇتۋدە. جاعداي قانشالىق كۇردەلى، قانشا قاتال بولعان سايىن، سەرگەك وي - سانانى جانە كوتەرىڭكى جىگەردى سونشالىق جاقسى ساقتاۋىمىز؛ قيىنشىلىق قانشالىق كوپ، سىن - سايىس قانشالىق اۋىر بولعان سايىن، نازاردى بارىنشا شوعىرلاندىرىپ، كۇشتى بارىنشا شوعىرلاندىرۋىمىز، سەنىمدى بەكەمدەپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىنىڭ جەڭىسىنە جەتۋدىڭ قۇدىرەتتى كۇشىن توپتاۋىمىز كەرەك.

    3 جىلدان بەرى، شينجياڭنىڭ تابىستى امالياتى ورتالىقتىڭ شينجياڭ قىزمەتى جونىندەگى ۇلكەن ساياسات - باعىتتارىنىڭ بۇكىلدەي دۇرىس ەكەنىن تاعى ءبىر رەت دالەلدەدى. ءبىز قوعامنىڭ جاراسىمدى ورنىقتىلىعىن باتىل قورعاۋدى بارلىعىن باسىپ تۇسەتىن ساياسي مىندەت ەتۋدەن جازباي، بارلىق ادام جاۋاپكەرشىلىك ارقالاپ، بارلىق ادام جاۋاپكەرشىلىگىن ادا ەتسە بولعانى، وتانىمىزدىڭ شينجياڭىن ءتىپتى دە نۇرلى ەتىپ قۇرىپ شىعا الامىز.

جاۋاپتى رەداكتور:سايراش تۇرارجان قىزى