قوعامدىق جالپى جاعدايدىڭ جاراسىمدىلىعىن، ورنىقتىلىعىن بار كۇشپەن قورعايىق

    − باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ رۋحىن دايەكتىلەندىرۋ، تياناقتاندىرۋ جونىندە (1)

    ياۋ تۇڭ

    بيىل − باس شۋجي شي جينپيڭ شينجياڭدا قىزمەت تەكسەرگەندە سويلەگەن ماڭىزدى ءسوزى مەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزى جاريالانعاندىعىنىڭ 3 جىلدىعى. بۇكىل شينجياڭداعى ءار ۇلت كادر - جۇرتشىلىعىنىڭ باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋ، ۇگىتتەۋ، دايەكتىلەندىرۋ ورلەۋىن ىشكەرىلەي كۇشەيتۋ، بۇكىل اۆتونوميالى رايونداعى ءار ۇلت كادر - جۇرتشىلىعىن شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرۋگە، قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتۋگە، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭ قۇرۋ ءۇشىن قۇلشىنا كۇرەس جاساۋعا اتتانىسقا كەلتىرۋ جانە شابىتتاندىرۋ ءۇشىن، گازەتىمىز بۇگىننەن باستاپ «ۇدەرە العا تارتقان بەس جىل . باس نىسانا تۋىن جەلبىرەتەيىك» اتىندا ارناۋلى ايدار اشىپ، 3 جىلدان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكومنىڭ ءار ۇلت كادر - جۇرتشىلىعىن يدەيا مەن ارەكەتتى پارتيا ورتالىق كوميتەتىنىڭ كەلەلى شەشىم، ورنالاستىرۋلارىمەن بىرلىككە كەلتىرۋگە ىنتىماقتاستىرا باستاپ، باس نىسانانى مىقتاپ ارقاۋ ەتىپ، ءبىر قىدىرۋ جەلىلەس شارالاردى العا قويعاندىعىن جانە كورنەكتى ونىمدىلىككە قول جەتكىزگەنىن كۇش سالا حابارلايدى؛ جەر - جەردىڭ، تاراۋلاردىڭ باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنگەن، دايەكتىلەندىرگەن، تياناقتاندىرعان جاندى امالياتى مەن تىندىرىمدى ىستەرىن زور كۇشپەن ۇگىتتەيدى.

    «قوعام ورنىقتىلىعى مەن باياندى تىنىشتىق شينجياڭ قىزمەتىنىڭ باس نىساناسى». باس شۋجي شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە مىنالاردى تالاپ ەتتى: ەلىمىزدىڭ باتىس سولتۇستىگىندەگى ماڭىزدى ستراتەگيالىق قالتقى سانالاتىن شينجياڭ زورلىقتى كۇش، لاڭكەستىك ارەكەتتەرىنە قاتاڭ سوققى بەرۋدى، ءسوز جوق، كەزەكتەگى كۇرەستىڭ ماڭىزدى ءتۇيىنى ەتىپ، سوتسياليستىك زاڭمەن جونگە سالۋ تۋىن بيىك ۇستاپ، جۇمىلا ساقتانىپ، جابىلا وڭاۋ، ساقتاندىرۋ قابىلەتىن كۇشەيتىپ، قۇرىش قورعان سوعىپ، اسپاندا تور، جەردە قاقپان قۇرۋ كەرەك.

    3 جىلدان بەرى، وتە - موتە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايوندىق پارتكوم باس شۋجي شي جينپيڭنىڭ شينجياڭدا قىزمەت تەكسەرگەندە سويلەگەن ماڭىزدى ءسوزى مەن ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن باتىل دايەكتىلەندىرىپ، تياناقتاندىرىپ، قالىڭ پارتيا مۇشەلەرىن، كادرلاردى باستاپ، ءار ۇلت جۇرتشىلىعىن ىنتىماقتاستىرىپ، ءار ۇلت حالقىنا سۇيەنىپ، ءتۇرلى شارانى قاتار جۇرگىزىپ، جاپپاي يگەرىپ، ءبىر تۇتاس باسقارىپ، جان - جاقتى شارا قولدانىپ، كەشەندى شارالاردى اتقارىپ، لاڭكەستىككە قارسى تۇرىپ، ورنىقتىلىقتى قورعاۋدىڭ حالىقتىق شايقاستارىندا ىركەس - تىركەس جەڭىسكە قول جەتكىزىپ، شينجياڭنىڭ قوعامدىق جالپى جاعدايىنىڭ ورنىقتىلىعىن باتىل قورعادى.

    يدەيانى، ارەكەتتى باس نىسانامەن شىن مانىندە بىرلىككە كەلتىردى

    تاريحتا شەكارا ءوڭىر ورنىقتى بولسا، مەملەكەت تىنىش بولعان؛ شەكارا ءوڭىر بىلىقسا، مەملەكەتتى ورنىقسىزدىق جايلاعان. شينجياڭ قىزمەتىن تىڭعىلىقتى جاقسى ىستەۋ − بۇكىل پارتيانىڭ، بۇكىل ەلدىڭ ءىرى ءىسى، ول وتاننىڭ تۇتاستىعىنا، ۇلتتاردىڭ ىنتىماعىنا، مەملەكەتتىڭ حاۋىپسىزدىگىنە، «قوس 100 جىلدىق» كۇرەس نىساناسى مەن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بارىپ سايادى.

    سوندىقتان دا شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ستراتەگيالىق جالپى جاعداي تۇرعىسىنان زەر سالىپ جانە شينجياڭ قىزمەتى جونىندە جوبا - جوسپار جاساپ، قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ تۇراقتاندىردى؛

    سوندىقتان دا باس شۋجي شي جينپيڭ شينجياڭ قىزمەتىنە باعا بەرگەندە «تۇپتەپ كەلگەندە، بولشەكتەۋشىلىككە قارسى تۇرۋ كۇرەسىنىڭ قانداي جۇرگىزىلگەنىنە، تىنىش، ىنتىماقتى ساياسي جاعدايدىڭ، جاراسىمدى، ورنىقتى قوعامدىق جاعدايدىڭ ساقتالعان - ساقتالماعاندىعىنا قاراۋ كەرەك» دەپ تالاي رەت باسا دارىپتەگەن ەدى.

    باس نىسانا قۇرعاق ۇران ەمەس، قايتا ءبىر تۇتاس جەتەكشى، شينجياڭ قىزمەتىن تىڭعىلىقتى جاقسى ىستەۋدىڭ جالپى باعدارلاماسى. شينجياڭداعى بارلىق قىزمەتتى قوعام ورنىقتىلىعى مەن باياندى تىنىشتىق سىندى باس نىسانانى ارقاۋ ەتە وتىرىپ قانات جايدىرۋ كەرەك.

    اۆتونوميالى رايوندىق پارتكوم باس نىسانا تالابىن قايتا - قايتا ايقىنداپ، ءداپ باسىپ ءدال يگەرىپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن جانە قوعام ورنىقتىلىعى مەن باياندى تىنىشتىق باس نىسانا تالابىن ىشكەرىلەي ۇيرەنۋ، تۇسىنۋدەن ىسكە كىرىسىپ، بۇكىل اۆتونوميالى رايونداعى ءار ۇلت كادر - جۇرتشىلىعىنىڭ يدەياسى مەن ارەكەتىن بىرلىككە كەلتىرۋدى شىعار ءت−ۇيىن ەتىپ، بۇكىل اۆتونوميالى رايون كولەمىندە باس شۋجي شي جينپيڭنىڭ ماڭىزدى ءسوزىنىڭ رۋحىن مۇقيات ۇيرەنۋ، دايەكتىلەندىرۋ، تياناقتاندىرۋ ورلەۋىن دۇركىن - دۇركىن قوزعادى.

    بۇگىن دە قوعام ورنىقتىلىعى مەن باياندى تىنىشتىق باس نىساناسىنىڭ ءبىر تۇتاس جەتەكشىلىگىندە، بۇكىل اۆتونوميالى رايون يدەيانى، ارەكەتتى بىرلىككە كەلتىرىپ، لاڭكەستىككە قارسى تۇرىپ، ورنىقتىلىقتى قورعاۋدىڭ داعدىلى كۇيىن، ۇزاق ۋاقىتتىق ونىمدىلىگىن ساقتاپ، ءتۇرلى ىستەردە ايتارلىقتاي ىلگەرىلەۋشىلىكتەرگە قول جەتكىزدى.

    بيىل ناۋرىزدا باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقان كەزدە، ءار ۇلت حالىق قۇرىلتايى ۋاكىلدەرى باس شۋجيگە بىلاي دەپ مالىمەت بەردى: بۇگىنگى شينجياڭدا پارتيا ورتالىق كوميتەتىنىڭ شينجياڭدى جونگە سالۋ جالپى جوباسى ءاربىر ادامنىڭ جۇرەگىنىڭ تورىنەن ورىن الدى، باس نىسانا تالابى ءاربىر ادامنىڭ كوكەيىنە تەرەڭ ۇيالادى، بەرەكە - بىرلىك، ورنىقتىلىق − قۇت، بولشەكتەۋشىلىك، بىلىقپالىق − جۇت دەگەندى ءاربىر ادام ىشكەرىلەي، جىعا تانىدى، ءاربىر ادام قوعام ورنىقتىلىعى مەن باياندى تىنىشتىققا بەلسەنە ۇلەس قوسادى.

    تيانشان تاۋىنىڭ تۇستىگى مەن تەرىستىگىندەگى وراسان زور وزگەرىستەر مىنانى تولىق سىپاتتادى: قوعام ورنىقتىلىعى مەن باياندى تىنىشتىق باس نىساناسى بۇكىلدەي دۇرىس، وعان، ءسوز جوق، ۇزاق ۋاقىت تاباندى بولۋ كەرەك! وسى ءتۇيىن ايقىندالسا، قازىرگى جانە بۇدان بىلايعى ءبىر مەزگىلدەگى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن ءداپ باسىپ ءدال تابۋعا بولادى؛ وسى ءتۇيىن تىڭعىلىقتى يگەرىلسە، شينجياڭدى زاڭمەن جونگە سالۋدىڭ، شينجياڭدى ىنتىماقتاستىرا ورنىقتىرۋدىڭ، شينجياڭدى باياندى كوركەيتۋدىڭ جەتەكشىلىك ۇقىعى مەن ىرىقتىلىق ۇقىعىن يگەرۋگە بولادى.

جاۋاپتى رەداكتور:سايراش تۇرارجان قىزى