ءىشىنارا قوعام حاۋىپسىزدىگى رەفورماسى نىساندارىنىڭ اتقارىلۋ ونىمدىلىگىنە 3 – جاق باعا بەرۋ دوكلادى جاريالاندى

    بۇقارانىڭ باسقا جەرلەردە ازاماتتىق كۋالىك بىتىرۋگە ريزا بولۋ شاماسى ٪98.2 بولدى

    تاياۋدا بەيجيڭ ۋنيۆەرسيتەتى ۇكىمەت باسقارۋ ينستيتۋتى، جۇڭگو حالىق قوعام حاۋىپسىزدىگى ۋنيۆەرسيتەتى، مەملەكەتتىك ساناق مەكەمەسىنىڭ قوعام جاعدايى مەن حالىق تىلەگىن تەكسەرۋ ورتالىعى «ءىشىنارا قوعام حاۋىپسىزدىگى رەفورماسى نىساندارىنىڭ اتقارىلۋ ونىمدىلىگىنە باعا بەرۋ دوكلادىن» بىرگە جاريالادى. دوكلادتا كورسەتىلۋىنشە، بۇقارانىڭ ناپوسى جوق ادامداردى ناپوسقا قوندىرۋ، ازاماتتىق كۋالىكتى باسقا جەرلەردە جاساتۋ، اۆتوكولىك تەكسەرۋ ءتۇزىمى رەفورماسى، شوفەرلىك ەمتيحان ءتۇزىمى رەفورماسى، تاس جولدار جانە اۋىل – قىستاق وڭىرلەرىندەگى تاس جولداردا تۋىلعان قاتىناس شىرعالاڭدارىن تەز ءبىر جاقتى ەتۋ، تولەم سوماسىن تەز بەرۋ رەفورماسى، سونداي – اق شاڭحاي قالالىق عىلىم – تەحنيكادان جاڭالىق جاراتۋ ورتالىعى قۇرىلىسىنا قاتىستى شەكارادان كىرىپ – شىعۋ ساياساتى سىندى 6 ءتۇرلى رەفورما ساياساتى مازمۇنىنا ريزا بولۋ شاماسى جەكە – جەكە ٪94.6، ٪98.8، ٪96.2، ٪95.9، ٪97.2 جانە ٪96.8 بولسا، 6 ءتۇرلى رەفورما ساياساتىنىڭ اتقارىلۋ ونىمدىلىگىنە ريزا بولۋ شاماسى دا جەكە – جەكە ٪92.9، ٪98.2، ٪96.8، ٪95.2، ٪96.8 جانە ٪97.3 بولعان.

    دوكلادتا كورسەتىلۋىنشە، 6 ءتۇرلى قوعام حاۋىپسىزدىگى رەفورماسى حالىق جۇرەگىنە تەرەڭ ۇيالاپ، حالىق بۇقاراسىنىڭ ايرىقشا مويىنداۋىنا جانە بەلسەنە قولداۋىنا يە بولعان. ويتەتىنى، ورتالىق ورتاعا قويعان وسى رەفورما ساياساتتارى جۇرت رايىن بەينەلەپ، حالىق تىلەگىنە سايكەسكەن، حالىق تۇرمىسىن جاقسارتىپ، «حالىقتى وزەك ەتكەن» القاۋلى ساياسات بولعان. حالىق بۇقاراسى 6 ءتۇرلى قوعام حاۋىپسىزدىگى رەفورما ساياساتىنىڭ اتقارىلۋ تەبىنى مەن اتقارىلۋ ونىمدىلىگىنە جوعارى باعا بەرىپ، بۇل رەفورما شارالارىنىڭ كورىپ سەزىنە الاتىن جاڭا وزگەرىستەر مەن ناقتى يگىلىكتەنۋ سەزىمىن سيلاعانىن جاپپاي تىلگە تيەك ەتتى.

جاۋاپتى رەداكتور:سايراش تۇرارجان قىزى