بۇقارالار ءۇشىن ناقتىلى ىستەر ىستەلدى

  قىزمەت اترەتى قىستاق تۇرعىننىڭ اۋلاسىنا كوكونىس قالامشاسىن ەگۋدە 

    مەيرانبەك قالياسقار ۇلى، سايران ورىنبەك قىزى حابارلايدى. بۋرىلتوعاي اۋدانى قاراماعاي قالاشىعى سارقۇم قىستاعىنا تۇسكەن بۋرىلتوعاي اۋداندىق ورمان مەكەمەسىنىڭ قىزمەتكەرلەرى قىسقا عانا ءتورت اي ىشىندە قىستاق ەكى القاسىمەن تىعىز سايكەسىپ، بۇقارامەن ەتەنە بولىپ، «ۇعىسۋ، تيىمدىلىك جاساۋ، توعىسترۋ» قيمىلى بويىنشا كەدەيلىكتەن قۇتىلدىرۋدان قامال الۋ قىزمەتىن تىڭعىلىقتى ىستەدى.

    قىزمەت اترەتى كوكتەمگى اعاش ەگۋ قارساڭىندا، 4000 تۇپ تال تەرەك، 15 ءتۇپ قاراعاي، 200 تۇپ جەمىس اعاشىن اكەلىپ، قىستاقتىڭ بەت- بەينەسىن وڭاۋدا الدىمەن ورتانى جاسىلداندىرۋدان باستاپ كىرىستى.

    سونداي-اق، قىستاقتاعى كەدەي وتباسىلارىنا 1000 تاۋىق بالاپانىن تاراتىپ بەرىپ، ولاردىڭ تاۋىق باعىمشىلىعىمەن تاپاۋات تابۋىنا قول ءۇشىن بەردى. «8-ناۋرىز ايەلدەر مەرەكەسى» كەزىندە «ۇلتتار ىنتىماعىنىڭ بەرەكەلى شاڭىراعى» اتىندا كولەمدى قيمىل ۇيىمداستىردى. سونداي- اق، مەرەكە-مەيرامداردا قيىنشىلىعى اۋىر، كەدەي وتباسىلارىنان حال سۇراپ، ولارعا پارتيا مەن ۇكىمەتتىڭ مەيىر-شاپاعاتىن سەزىندىردى.

    قاراماعاي قالاشىعى سارقۇم قىستاعىنا تۇسكەن قىزمەت اترەتىنىڭ مۇشەسى سايران ورىنبەك قىزى: سارقۇم قىستاعى قالاشىقتان 40 كيلومەتر، اۋدان قالاشىعىنان 100 كيلومەتر شالعاي قىستاق. مەن وسى اراعا قىزمەت اترەتىنىڭ مۇشەسى بولىپ كەلگەنىنەن بەرى، قىستاق ەكى القاسىمەن سايكەسىپ، بۇقارا ءۇشىن ناقتىلى ىستەر ىستەۋگە كۇش سالدىق. «ۇعىسۋ، تيىمدىلىك جەتكىزۋ، توعىسترۋ» قيمىلىن كەڭ كولەمدە قانات جايدىردىق. كىشكەنتاي قىزىمدى دا الا كەلىپ، قىستاقتىڭ بالالار باقشاسىنا كىرگىزىپ، الاڭىسز قىزمەت ىستەپ جاتىرمىن. قىستاق بۇقاراسىمەن بەينە ءوز تۋىسىمداي ارالاسىپ، قيىنشىلىعى بارلارعا كومەك قولىمدى سوزىپ، جاقىننان جاردەم بەرىپ كەلەمىن. «جۇمىلا كوتەرگەن جۇك جەڭىل» دەگەندەي، قىستاق ەكى القاسىمەن قىزمەت اترەتى جالعاستى قۇلشىنا قىزمەت ىستەپ، كەدەيلىكتەن قۇتىلدىرۋدان قامال الۋ قىزمەتىن تىڭعىلىقتى ىستەيمىز،-دەدى.

    سونىمەن بىرگە، قىزمەت اترەتى قىستاق تۇرعىندارىن اۋلا شارۋاشىلىعىمەن شۇعىلدانۋعا جۇمىلدىرىپ، وزدەرىن زالالسىز كوكونىسپەن قامداۋعا قۋزاۋشىلىق ەتتى.

تىلشىلەردىڭ قىزمەت ورنى: بۋرىلتوعاي اۋداندىق راديو-تەلەۆيزيا مەكەمەسى 

جاۋاپتى رەداكتور:سايراش تۇرارجان قىزى