2017- جىلعى شينجياڭ حالىقارالىق ىلە تۇلپار ساياحات مەرەكەسىنىڭ دايىندىق قىزمەتتەرى ءتارتىپتى جۇرىلۋدە

    ارزىگۇل ابدەش قىزى حابارلايدى. 2017 شينجياڭداعى ون ءىرى ساياحات مەرەكەسىنىڭ ءبىرى، تۇلپارلار تۇياعىنىڭ ءدۇبىرى الىسقا جەتىپ جاتقان، بيىلعى شينجياڭ ىلە حالىقارالىق تۇلپار ساياحات مەرەكەسى 16- شىلدە موڭعۇلكۇرە تۇلپار مادەنيەت باقشاسىندا وتكىزىلمەك. قازىر، ءتۇرلى دايىندىق قىزمەتتەرى تارتىپپەن جۇرىلۋدە.

    ۇعىسۋعا قاراعاندا، 2017-جىلعى شينجياڭ حالىقارالىق ىلە تۇلپار ساياحات مەرەكەسى شىلدە ايىنىڭ 16- كۇنىنەن 18- كۇنىنە دەيىن وتكىزىلىپ، باستى قيمىل مايدانى اۋداندىق تۇلپار مادەنيەت باقشاسى ەكەن. قيمىل باستالۋ سالتى، جارىس تۇرلەرى، « ءبىر بەلدەۋ، ءبىر جول» قارىم- قاتىناسى، مادەنيەت بازارى، جالپى حالىق ات سالىسۋ جانە ۇگىتتى كەڭەيتۋ سىندى التى مازمۇندى قامتىپ، ءار قىرىنان « تۇلپار مەكەنىنىڭ» ايبىنىن ايگىلەپ، بارشا ساياحاتشىلاردىڭ جان-جاقتى، وزگەشە اۋەسىن قاناعاتتاندىرماق. قيمىلدىڭ جارىس تۇرىنە «مەملەكەتتىك ات ونەرى شىدامدىلىعىن سىناۋ جارىسى»، «جۇڭگو ات بايگە جارىسى»، «تانىمالى جۇلدىزداردىڭ ءان كەشى»، «موتوسيكىل قارقىندى دالا جارىسى»، جەكەلىك كولىكپەن ساياحاتتاۋ، ساياحات تۇيىندەرىن ارالاۋ سىندى قىزىقتى قيمىلداردى قامتيدى ەكەن.

    بيىلعى حالىقارالىق ىلە تۇلپار ساياحات مەرەكەسى ارقىلى تۇلپار مادەنيەتىن جان-جاقتىلى بەينەلەپ، مەرەكەنى جىبەك جولىنداعى جىلقى مادەنيەتىن وزەك ەتكەن كورگىزبە رايونى ەتىپ، حالىقارالىق تۇلپار مەرەكەسىن ەل ءىشى-سىرتىنا ءتىپتى دە تانىتىپ، موڭعۇلكۇرەنىڭ وزگەشە تابيعاتىن، ۇلتتىق ەرەكشەلىكتەرىن ۇگىتتەپ، «شوپان جىرى شىرقالعان تۇلپار مەكەنى» ماركاسىنىڭ اتاعىن اسپانداتىپ، 19-پارتيا قۇرىلتايىنىڭ ءساتتى اشىلۋىن تاماشا رۋحاني بەينەمەن قارسى الۋ بولماق.

    قازىر، 2017-جىلعى شينجياڭ حالقارالىق ىلە تۇلپار ساياحات مەرەكەسىنىڭ دايىندىق قىزمەتتەرى ەڭ سوڭعى ساتىعا جەتىپ، باستالۋ سالتىندا قويىلاتىن توپتىق ءبيدىڭ ارتيستەرى جاتتىعۋ جۇرگىزىپ، تۇتاس شينجياڭ كولەمىندە ۇگىتتى كەڭ كولەمدى كۇشەيتتى، سونىمەن قاتار، ات بايگە جارىس تۇرلەرىنىڭ موڭعۇلكۇرە بەكەتىندەگى دايىندىق قىزمەتتەرى اياقتالىپ، 17-ماۋسىم كۇنى ءبىر ءبولىم شىدامدىلىق بايگە جارىستارى ياعني 60تا 80 كيلومەترلىك شىدامدىلىق جارىستارى باستاپ ورىستەتىلمەك.

    موڭعۇلكۇرە اۋداندىق ساياحات مەكەمەسىنىڭ ورىنباسار باسىتىعى، تۇلپار مەرەكەسىن ۇيىمداستىرۋ كوميتەتى كەڭسەسىنىڭ ورىنباسار مەڭگەرۋشىسى قالينا قاپار قىزى بىلاي دەدى: حالىقارالىق ىلە تۇلپار مەرەكەسى 16-شىلدە كۇنى شىمىلدىعىن اشادى. بۇل مەرەكە 1992-جىلدان باستاپ وتكىزىلىپ كەلەدى. مىنە قازىرگە دەيىن 25 جىلدىق تاريحقا يە بولدى. تۇلپار مەرەكەسى موڭعۇلكۇرە حالقىنا ءتان مەرەكە بولىپ قالماستان، تۇتاس شينجياڭداعى ءار ۇلت حالقىنىڭ مەرەكەسى، بيىلعى حالىقارالىق ىلە تۇلپار مەرەكەسى التى ءتۇرلى مازمۇن بويىنشا ورىستەتىلەدى. مۇندا، مەرەكەنىڭ باستالۋ سالتى، ات بايگە جارسى، مادەنيەت اۋىس-كۇيىسى، ساياحاتقا بۇكىل حالىق ات سالىسۋ قيمىلى جانە ۇگىت ىستەرىن قامتىپ، باي مازمۇندى جەلىلەس قيمىلدار ارقىلى تۇلپار مەرەكەسىنىڭ مازمۇنىن بايىتامىز. بۇل رەتكى مەرەكەنىڭ باستالۋ سالتى وڭىرلىك ساياحاتتىڭ دامۋىنا مۇمكىندىك جاراتىپ، «كورىكتى موڭعۇلكۇرە، ەكولوگيالى موڭعۇلكۇرە» ساياحات ماركاسىن شار تاراپقا تانىتۋدا تاماشا رول اتقاراتىندىعىنا سەنممىز كامىل.

ءتىلشىنىڭ قىزمەت ورنى: موڭعۇلكۇرە اۋداندىق راديو-كينو-تەلەۆيزيا تاراتۋ ورتالىعى

جاۋاپتى رەداكتور:سايراش تۇرارجان قىزى