اعالى-ىنىلەر قول ۇستاسىپ، مەملەكەتتىك جارىسقا جول الدى

麦麦提图尔孙·琼(左)和库尔班江·琼兄弟俩是新疆拳击队的核心队员。(本报全媒体记者周志东摄)

مامەتتۇرسىن چۇڭ (سولدا) قۇربانجان چۇڭ اعالى -ءىنىلى ەكەۋى شينجياڭ جۇدىرىقشىلار كومانداسىنىڭ بەلدى مۇشەلەرى

    مامەتتۇرسىن چۇڭ مەن قۇربانجان چۇڭ شينجياڭ جۇدىرىقشىلار كومانداسىنداعى ءبىر جۇپ ايباتتى اعايىندىلار. اعاسى بولعان مامەتتۇرسىننىڭ اتى بۇرىننان ايگىلى، ءىنىسى قۇربانجان دا ودان قاعىس قالمايدى.

    بيىل ءساۋىر ايى مەن مامىر ايىندا، وسى ەكى اعالى-ءىنىلى ەكەۋى ارت-ارتىنان تيانجين مەملەكەتتىك سپورت جارىسىندا جۇدىرىقشىلار شەشۋشى جارىسىنا قاتىناسۋ تولىمدىلىعا يە بولعان.

    14-ماۋسىمدا، ولار سول كەزدەگى بارىستى تىلشىگە بايان ەتتى.

    مامەتتۇرسىن بۇرىن جۇڭگو كومانداسىنا ۋاكىل بولىپ، بەيجيڭ جانە لوندوندا وتكەن سپورت جارىستارىنا قاتىناسادى. 2013-جىلى شىنياڭ مەملەكەتتىك سپورت جارىسىندا ەكى التىن مەدەلعا يە بولعاننان كەيىن، شينجياڭ جۇدىرىقشىلار كومانداسىنىڭ مەملەكەتتىك سپورت جارىسىندا ارت-ارتىنان بەس رەت التىن الۋ ارمانىن ىسكە اسىرادى.

    قۇربانجان ءۇيدىڭ كىشكەنەسى بولعاندىقتان، اعاسىنىڭ ىقپالىنا ۇشىراپ، ول دا جۇدىرىقشىلىق ونەرىن ۇناتىپ قالادى. ول ءوزىنىڭ جۇدىرىقشىلىق ونەرىن ۇيرەنۋ يدەياسىن اعاسىنا ايتقان كەزدە، اعاسى وعان ەسكەرتىپ بىلاي دەيدى: مەن ساعان جۇدىرىقشىلىق ونەرىن ۇيرەتەيىن. ءبىراق، سەن سپورتشى بولماي-اق قوي، سپورتشى ناتيجە ءۇشىن كوپتەگەن بوداۋلاردى بەرۋ ءتيىس،-دەيدى.

    اعاسىنىڭ وسىنداي ءبىر سوزدەرى ءىنىسىن توسىپ قالا المايدى. 2008-جىلى قۇربانجان چۇڭ قاشقار دەنەتاربيە مەكتەبىنە بارىپ، جۇدىرىقشىلىق ونەرىن ۇيرەنەدى.

    ءبىراق، جۇدىرىقشىلىق سىندى وسى ءبىر كاسىپتىڭ جولى تىم قيىن ەدى. 2014-جىلى، وزبەكستان جۇدىرىقشىلار كومانداسى جۇدىرىقشىلار ورتالىعىنا كەلىپ دوستىق جارىس وتكىزەدى. جارىس بارىسىندا قۇربانجان ەكى رەت سوققىعا ۇشىرايدى. جارىستان كەيىن، ول ءۇش اي دەمالادى.ءتىپتى، وسى كاسىپتى ءبىر جولاتا قويعىسى دا كەلەدى.

    اعاسى ونى ۇزدىكسىز شابىتتاندىرىپ، اقىلىن ايتىپ، جاس شاعىندا تاعى ءبىر رەت سىناۋعا ءناسيحات بەرەدى. قۇربانجان قايتادان جىگەرىنە ءمىنىپ، جۇدىرىقشىلىق كاسىبىنە قايتا كەلەدى ءارى 2015-جىلى مەملەكەتتىك جۇدىرىقشىلار جارىسىندا 64 كيلوگرامدىق دەنە سالماقپەن جارىستا بەسىنشى بولادى.

    ءبىر ۇيدەگى ەكى بالانىڭ كاسىبى جۇدىرىقشىلىق كاسىبى بولسا دا، ۇيدەگى اتا-انالار جۇدىرىقشىلىق جارىسىن كورگەن ەمەس.

    ولاردىڭ اكەسى چۇڭ مامەت تەلەفوندا بىلاي دەدى: ولار جارىس بارىسىندا جاراقات الاتىن بولسا، شەشەسى ەكەۋىمىزدىڭ جۇرەگىمىز اۋىرادى. سوندىقتان، جارىستى كورمەيمىز. ءبىراق، بۇل بالالاردىڭ ارمانى، سونىمەن بىرگە، وزدەرى تاڭداعان ءومىر جولى. ءبىز تاعى دا ولاردى قولدايمىز.

    قۇربانجاننىڭ ارمانى ەڭ ۇزدىك ناتيجەمەن مەملەكەت كومانداسىنا كىرۋ. بيىل قۇلشىنىستارى ارقىلى، مەملەكەتتىك سپورت جارىسىنا كىردى. اعاسى ەرەكشە قۋانىشتى تۇردە: ءىنمىنىڭ ارەكەت جىلدامدىعى ەرەكشە تەز. جاتتىعۋ بارىسىندا ول مەننەن كەرەمەت. ال، جارىس بولسا، پسيحيكالىق جاقتان ورنىقسىز بولىپ قالادى. وسى رەت ونەرىن قالىپتى ساۋلەلەندىرسە، مەملەكەتتىك جارىستا الدىڭعى قاتارعا ءوتىپ، ارمانىن ىسكە اسىرىپ قالار دەگەن ۇمىتتەمىن،-دەيدى. 

جاۋاپتى رەداكتور:سايراش تۇرارجان قىزى