قىستاققا تۇسكەن كادرلار بالالاردىڭ مەكتەپكە ءتۇسىپ وقۋ ارمانىن ىسكە اسىردى

 

    جەڭىسحان اسقار ۇلى، اۋاحان تۇراپ قىزى حابارلايدى. سابيلەردى تاربيەلەۋ مەزگىلى سابيلەردىڭ فيزولوگيالىق، پسيحيكالىق جاقتان ءوسىپ-جەتىلۋىندەگى ماڭىزدى كەز.

    ساۋان اۋداندىق تەمەكى شارۋاشىلىعىن باسقارۋ سەرىكتەستىگىنەن نۇيجۋانزى مال فەرماسى شوقان قىستاعىنا تۇسكەن قىزمەت اترەتىندەگى كادرلار ناۋرىز ايىنىڭ باسىنان باستاپ قىستاققا كەلىپ تۇرعاننان بەرى، وتباسىلارىن ارالاپ احۋال ۇعىسۋ بارىسىندا قىستاقتاعى جاستاردىڭ بارلىعى سىرت ورىندارعا بارىپ جۇمىس ىستەپ، جاس بالالارىن قارتتارعا قاراۋعا تاستاپ كەتكەندىگىن بايقايدى. ونىڭ ۇستىنە قىستاق ورتالىعىندا بالالار باقشاسى بولماعاندىقتان، قىستاقتاعى كوپتەگەن اتا-انالار فەرما ورتالىعىنداعى بالالار باقشاسىنان، بالالارىن وقىتۋ ءۇشىن فەرما ورتالعىنان ءۇي سالىپ نەمەسە ءۇيدى مايعا الىپ سول ارادا بالالارى ءۇشىن تۇرىپ، جازدا كۇننىڭ ىستىعىنا كۇيىپ، قىستا كۇننىڭ سۋىعى مەن قوسا جول ازابىن تارتاتىندىعىن ۇعىسادى. سونىمەن، قىستاققا تۇسكەن قىزمەت اترەتىندەگى كادرلار، ناقتىلى احۋالدى جوعارى ورىندارعا مالىمدەيدى. ناۋرىز ايىنىڭ سوڭىندا اۋداندىق وقۋ-اعارتۋ مەكەمەسى، مەملەكەتتىك جەر بايلىعى مەكەمەسى، ءۇي قۇرىلىس مەكەمەسى قاتارلى ورىندار قىستاققا كەلىپ، ناقتىلى جاعدايعا تەكسەرۋ-زەرتتەۋ جۇرگىزىپ، ەڭ سوڭىندا اۆتونوميالى رايونىڭ حالىق تۇرمىسىن جاقسارتىپ، تيىمدىلىك جەتكىزۋ ساياساتى بويىنشا، 2017-جىلعى نىسان قۇرىلىسىنا ەنگىزىپ، بالالار باقشاسىن سالۋدى تياناقتاندىرادى.

    شوقان قىستاعىندا جالپى 50 وتباسى، 178 جان سان بار. فەرما ورتالىعىنان ارا قاشىقتىعى 90 كيلومەتر، ماناس اۋدانى مەن شەكارالاسادى. قاتىناسى قولايسىز، قىستاقتاعى تۇرعىندار نەگىزىنەن مال شارۋاشىلىعىمەن شۇعىلدانادى.

    قىستاق تۇرعىنى تۇرسىن سىمايىل ۇلى قىستاقتان بالالار باقشاسى سالىنادى دەگەن حاباردى ەستىپ، قىستاققا تۇسكەن قىزمەت اترەتىندەگى كادرلاردى ىزدەپ كەلىپ: «مەنىڭ ەكى نەمەرە قىزىم بالالار باقشاسىن وقيتىن جاسقا تولىپ قالدى. مەن ەندى ولاردى قارتايعان شاعىمدا فەرماداعى بالالار باقشاسىنا قايتىپ اپارىپ وقىتام دەپ باسىم قاتتى اۋىرىپ وتىر ەدى. ەندى مىنە جاقسى بولدى. مەملەكەت ءبىزدىڭ قىستاعىمىزعا مەكتەپ سالىپ بەرەتىن بولدى. قازىر پارتيانىڭ ساياساتتى وتە جاقسى. بارلىق ءىستى حالىق ءۇشىن ىستەيتىن بولدى»،-دەدى.

    تۇرسىن سىمايىل ۇلىنىڭ ەكى بالاسى بىردەي سىرتقا شىعىپ جۇمىس ىستەيدى. ەكى نەمەرە قىزىن باعىپ-قاراۋ جۇمىسىنىڭ بارلىعى قارتتىڭ موينىندا. الايدا، نەمەرە قىزدارىنىڭ تۇرمىسىندا ەشقانداي ماسەلە جوق. ءبىراق، ولاردىڭ وقۋ-وقىپ ءبىلىم الۋ جاعىنا كەلگەندە ەكى قارت ەش نارسە ۇقپايدى. ەكى بالانى جاندارىنا الىپ فەرما ورتالىعىنا كوشىپ كەلىپ، بالالار باقشاسىنا كىرگىزىپ وقىتۋ ولار ءۇشىن وتە قيىن شارۋا. ەندى مىنە جاقسى بولدى. بالالاردىڭ ءبىلىم الۋى ەسىك الدىنداعى مەكتەپتەن باستالاتىن بولدى. قىستاقتا تۇرسىن سىمايىل ۇلى سياقتى وتباسىلارى ءتىپتى كوپ، كوپشىلىكتىڭ بارلىعى قىستاقتان سالىنىپ جاتقان بالالار باقشاسى قۇرىلسى ەرتەرەك اياقتاپ وقۋ باستاۋىن اسىعا كۇتىپ، بالالارىنىڭ بولاشاعىنا بەرىك نەگىز قالاۋىن ارمانداۋدا.

    2017-جىلى 14-ماۋسىم كۇنى بالالار باقشاسىنىڭ نەگىزگى تۇلعالىق قۇرىلىعى قۇرىلسى سالىنىپ بولدى. مەجەمەن شىلدە ايىنىڭ سوڭىندا جالپى قۇرىلىس سالىنىپ بولىپ، كۇزدە بالالار باقشاسى وقۋ باستاپ كەتەدى ەكەن.

    نيۇجۋانزى مال فەرماسى جاتاقتى مەكتەبىنىڭ باسشسى مۇرات بايدولار ۇلى: «كەزەكتە شوقان قىستاعىنان جاڭادان سالىنىپ جاتقان بالالار باقشاسىنىڭ كولەمى 540 كۆادرت، نەگىزگى قۇرىلعى قۇرىلىستارى اقىرلاسۋ الدىندا تۇر. ءبىز بۇل قىستاقتاعى تۇرعىنداردىڭ ناقتىلى جاعدايىنا قاراي وتىرىپ، 3 جاستان 6 جاس ارالعىنداعى 30 ءسابي بالانى وسى جاڭادان اشىلعان قوس ءتىلدى بالالار باقشاسىندا تاربيەلەۋدى جوسپارلاپ وتىرمىز. بۇعان ءبىز مەكتەبىمىزدەن تىرەكتى وقىتۋشىلار قوسىنىن ۇيىمداستىرىپ، تاربيەلەپ جاتىرمىز. كۇز ماۋسىمىندا رەسىمي ساباق باستاپ، قىستاقتاعى تۇرعىندارىنىڭ كوپ جىلداردان بەرگى ارمانىن ىسكە اسىرامىز»،-دەدى.

تىلشىلەردىڭ قىزمەت ورنى: ساۋان اۋداندىق مادەنيەت، دەنەتاربيە مەكەمەسى

جاۋاپتى رەداكتور:سايراش تۇرارجان قىزى