ءبىزدىڭ اۋىلدا بوگەنايى بولەك ۇلى ءدۇبىر توي--- تەمىر تۇياقتىڭ جارىسى ءوتتى

  ءمارپۋحان ومىربەك قىزى

بۇگىن ياعني 12-ماۋسىم، اسپان شايداي اشىق، تەڭگەدەي بۇلت جوق. انتەك سوعىپ تۇراتىن بوران دا بۇگىن تىم-تىرىس.

    جۇرتتىڭ ءبارى تاڭ بوزىنان ءبىر باعىتتى بەتكە الىپ كەتىپ جاتىر. بارلىق ەلدىڭ جۇزىندە قۋانىشقا دەگەن اسىعۋ بار. ءيا، بۇل قۋانىش جۇڭگو تاكلاماكان ءشولىن اينالۋ اأۆتوكولىك، موتوسيكىل جارسىنىڭ قوبىقسارى اۋدانىنداعى وتكىزىلەتىن ەكىنشى جارس بولەگى ەدى.

    بۇرىن تەك تەلەۆيزوردان عانا جارىستى تاماشالايتىن ءار ۇلت حالقى ىرگەگە كەلىپ دۇبىرلەتىپ جاتقان تويعا قالاي اسىقپاسىن. ەستى بالادان ەڭكەيگەن كارياعا دەيىن اياق جەتەر جەرگە جەتىپ جارىستى ءوز كوزىمەن ءبىر كورىپ قالۋ قانداي عانيبەت. انە، جۇرتتىڭ ءبارى سوعان اسىعىپ بارادى. بىزدە سول باعىتقا كەتتىك...

    ءبىز جۇرت جينالعان جەرگە جەتىپ ۇلگىرگەندە. جيىلعان جۇرت جارىس كولىگى كەلگەنشە دەكبىرسىزدەنىپ بەينە اتى بايگەدەن كەلەردەي كۇي كەشىپ تولقىپ تۇر ەكەن.

    قوبىقسارى اۋدانى جاڭگىردىڭ مەكەنى، قوبىقسارى اۋدانىنداعى ءار ۇلت حالقى ءوز ۇلتىنىڭ قۇرىپ ادەتى بويىنشا قوناعىنا قۇشاعىن اشارى مۇندا تۇر. قولىنا اپپاق قاداسىن ۇستاعان موڭعۇل باۋىرلاستار كەلەتىن قوناعىن ءتىپتى دە اسىعا كۇتۋدە.

    قادا---موڭعۇل ۇلتىنىڭ قۇتتى قوناققا سيلار ەڭ اسىل تارتۋى. ول پاكتىكتىڭ، اماندىقتىڭ، دوستىقتىڭ سيمۆوألى. كەلگەن قوناقتىڭ مويىنىنا قاداسىن سالىپ، تىلەك ولەڭىن ايتۋ بۇل موڭعۇل ۇلتىنىڭ اتادان جالعاسىپ كەلە جاتقان ءداستۇرى.

    وبا-موڭعۇل ۇلتىنىڭ قاسيەتتى جەرى. ءار جىلى وباعا بارىپ تاكىپ، اق قادالارىن بايلاپ تىنىشتىقپەن باقىت تىلەيدى. سول سەبەپتى دە بۇگىنگى ەڭ سوڭعى كومبەنىڭ وباعا ورنالاستىرىلۋى موڭعۇل ۇلتىنىڭ قۇرىپ-ادەتىن ءتىپتى دە ارلەندىرە تۇسۋمەن سىپورتشىلارعا ءساتتى ناتيجە تىلەۋ ەكەن.

    كەنەت: كەلدى، كەلدى،- دەگەن داۋىس شىعىسىمەن بىزدە جانارىمىزدى سول جاققا تىگە قالدىق.

    الىستان بۋداقتاعان شاڭ كورىندى دە انە-مىنە دەگەنشە قۇلاقتى كۇڭىرەنتكەن قوتتىڭ داۋسىمەن جەر-دۇنيەنى زەل-زالا قىلىپ، جەر اپشىسىن قۇرعان جارىس كولىكتەرى جانىمىزدان وتە بارىپ ازەر توقتادى. ادۋىندى تەمىر تۇلپار، تابانى قىزىپ العان بايگەدەي ەرىك بەرمەسەدە، شەبەر سپورتشىنىڭ شاۋجايىنان قۇتىلار ەمەس.

    ۇعىسۋعا قاراعاندا، ۇستەگى جىلعى جۇڭگو تاكلاماكان ءشولىن اينالۋ راللي جارسىنىڭ قوبىقسارى اۋدانداعى جارىس بولەگى جالپى 290شاقىرىم بولىپ، تەمىر تامنان شىققان جارىس كولىكتەرى قوبىقسارى اۋدانىنىڭ ءدام وزەنى كورىنىس رايونى، لۇڭجيگۋ كورىنىس رايونىن باسىپ، قوبىقسارى اۋدانى تەكبسۋ اۋىلى باين ءوندىر وباسىنا دەيىن جارىس وتكىزەدى ەكەن. بۇل جارىس بولەگىنىڭ جول جاعدايى ءبىرشاما كۇردەلى، قۇم توپىراق، وزەن سۋ بولعانىمەن بۇنداي كەدەرگىنى ەلەڭ قۇرلى كورمەگەن 54 جارىس كولىك اترەتىنىڭ 113 كولىگى مەن 5 موتوسيكىل اترەتىنىڭ 13 موتوسيكىلى شينجياڭ ۋاقتى 11:43 وتكەندە كوزدەگەن ورىن ءبايىن وندىرگە جەتىپ ۇلگىردى.

   جارىس كولىكتەرىنەن تۇسكەن سپورتشىلاردى قۇراق ۇشىپ قاۋمالاعان ەل، ولاردىڭ ءتىلىن تۇسىنبەسەدە ءجۇزىن كورىپ، ەرلىگىنە موينسال بولعسى كەلدى مە كىم ءبىلسىن، ايتەۋ بىزدەن بۇرىن سپورتشىلادى قاۋمالاي جونەلدى.

    سپورتشىلار: قوبىقسارى اۋدانىنىڭ كورىنىسى كوركەم ەكەن. تاۋ جولدارى كۇدىر، قيا بولسادا، رولعا جاعالاسىپ وتىرىپ، كوز تارتاتىن كورىنىستەردەن ءلاززاتتاندىق. حالقى اق ەدىل مەيماندوس ەكەن. ءبىز كولىكتەن تۇسە سالىپ ءوز بالالارى جارىسقا قاتىناسقانداي قادالارىن موينىمىزعا تاعىپ قاۋمالاي جونەلدى. وسى جولعى جارىس بولەگىنە ءدان ريزامىز. شينجياڭعا كوپتەپ كەلىپ تۇراتىن بولامىز،- دەدى.

    ماشينانىڭ قارقىنى مەن سپورتشىنىڭ ونەرىنە رازى بولعان حالىقتا، وسىنداي تاماشا جارىستى كورۋ ورايىن تۋدىرعان سپورتشىلارعا العىستارىن ايتىپ جاتتى. سپورتشىلار كوزدەگەن ورىنعا جەتكەننەن كەيىن قوبىقسارى اۋدانىنىڭ ات بايگە الاڭىنا بارىپ اأتوكولىكتەرىن جۋىپ، رەيمونتتاپ، تاماق ءىشىپ، دەم الدى.

    كەشتە قوبىقسارى اۋداندىق ات بايگە الاڭىندا بۇگىنگى جارىستىڭ جۇلدەگەرلەرىن ماراپاتتاۋ سالتى وتكىزىلدى. سالتىتا اۋدان باسشىلارى سپورتشىلارعا سيلىق تاراتتى. جۇڭگو تاكلاماكان ءشولىن اينالۋ جارسىنىڭ قوبىقسارى اۋدانىنداعى وتكىزىلگەن ەكىنشى جارس بولەگىندە جۇلدەگەر بولعان T1 گرۋپپاسىنداعى جيلين اأۆتوكولىك اترەتىندەگى حان أي مەن جول باستاۋشىسى، 2 T گرۋپپاسىنداعى جياڭشي ۋشىليڭ اترەتىندەگى حى شۇيدۇڭ مەن جول باستاۋشىسى اعا جۇلدەگەرلىكتى جەڭىپ الدى.

    سيلىققا قادا، التىن دۋلعا مەدالى بەرىلىپ، قوبىقسارى اۋدانىنداعى ءار ۇلت حالقى جاساعان اق قۇرتتارى تارتۋ رەتىندە ۇسىنىلدى.

    سالىتتان كەيىن قوبىقسارى اۋداندىق مادەنيەت ۇيىرمەسى دايىنداعان ويىن نومىرلەرى قويىلىپ، سپورتشىلاردىڭ كوڭىلىن جەلپىنتىپ، شارشاۋدان ايىقتىرعانداي بولدى.

    ارەدىكتە سپورتشىلار قولونەر، ىشپەك-جەمەك، ەرەكشە ونىمدەر قويىلعان كورگىزبەنى تاماشالاپ وزىنە كەرەكتى زاتىن الىپ جاتتى.

    ءبىر سپورتشى تونارعا جابىلعان ناندى جەپ كورمەگەندىگىن ءدامى وتە تاماشا ەكەنىن ايتىپ ساتىپ الىپ جاتسا، بىرەۋلەرى بۇل جەردە پىسقان پالاۋدىڭ ءدامى دە وزگەشە ەكەن دەسىپ، ەندى بىرەۋلەرى اپپاق قۇرتتىڭ نەدەن قالاي جاسالاتىندىعىن سۇراپ، ءشول دالادا جۇرگەندە تابىلمايتىن ازىق ەكەن دەسىپ ساتىپ الىپ جاتتى.

    تويدىڭ بولادىسىنان بولعانى قىزىق دەمەكشى، زىمىراعان ۋاقىت 12-ماۋسىمنىڭ شىمىلدىعىن جاۋىپ 13-ماۋسىمنىڭ تۇڭىلدىگىن اشىپتا ۇلگىردى.

    تاڭعى ساعات 4دەن باستاپ كەلگەن قوناقتى جولعا سالۋدىڭ ابىگەرىنە تۇسكەن حالىق ەندى باينوبا اۋىلىنا قاراي اعىلدى. سپورتشىلاردى اتتاندىرۋ الاڭىندا قازاق ۇلتىنىڭ كونە قولونەر بۇيىمدارى، ىشپەك –جەمەكتەرى رەتتى بولىپ تىزىلگەن،قوناعىن قۇدايىنداي كورەتىن كەڭ قولتىق جۇرتتىڭ تاڭ بوزىنان دايارلانعان دايارلعىنا ىشتەي ءدان ريزاسىڭ.

    التاي ايماعىنىڭ كوكتوعاي اۋدانىن بەتكە الىپ اتتانعان اأتوكولىكتەر، جارىستى باستاۋ يشاراتى بەرىلسىمەن ىلەزدە كوز ۇشىنان عايىپ بولىپ ارتىنا دوڭگەلەگىنەن كوتەرىلگەن شاڭدى قالتىردى دا كەتە باردى. ءبىز سپورتشىلاردىڭ تاۋەكەلشىلدىگىمەن جۇرەكتىلگىنە تانتى بولىپ قالا بەردىك.

    سولايدا، سولاي ساۋىر تاۋىنىڭ باۋرايىندا دۇبىرگە تولى توي بولىپ ءوتتى. جارىسقا قۇمارى قانباعان حالىق، قوبىقسارىنىڭ تابيعاتىنا تامسانىپ تۇنىق اۋاسىن مولداپ سىمىرۋگە ۇلگىرمەگەن سپورتشى ءبارى-ءبارى ىشتەي اتتەگەن-ايىن ايتىپ، قيماي- قيماي شىعارىپ سالدى، ولار الىستاي بەردى.

   ءتىلشىنىڭ قىزمەت ورنى: قوبىقسارى اۋداندىق اۋىل شارۋاشىلىق مەكەمەسى

جاۋاپتى رەداكتور:نۇرجان مينۋار قىزى