كۇيتۇن قالاسى مەملەكەتتىك ەنەرگيانى ۇنەمدەۋ ۇگىت اپتالىعى مەن مەملەكەتتىك تومەن كومىرتەكتى كۇنى ۇگىت قيمىلىن ورستەتتى

    ەركىنعازى احىمەتباي ۇلى حابارلايدى. 13 - ماۋسىم دا، كۇيتۇن قالاسى مەملەكەتتىك ەنەرگيانى ۇنەمدەۋ ۇگىت اپتالىعى مەن مەملەكەتتىك تومەن كومىرتەكتى كۇنى ۇگىت قيمىلىن ورستەتىپ، قالا تۇرعىندارىن ۇنەمشىل دە ءمورالدى بولىپ، تومەن كومىر تەكتى ورتا قۇرۋ تانىمىن ورناتۋعا ۇندەدى.

    ۇعىسۋعا قاراعاندا، 11 - ماۋسىمنان 17 - ماۋسىمعا دەيىنگى ارالىق مەملەكەتتىك ەنەرگيانى ۇنەمدەۋ ۇگىت اپتالىعى بولىپ، 13 – ماۋسىم مەملەكەتتى تومەن كومىرتەكتى كۇن ەكەن.

    بيىلعى ەنەرگيانى ۇنەمدەۋ ۇگىت اپتالىعى قيمىلىنىڭ نەگىزگى تاقىرىبى: «ەنەرگيانى ۇنەمدەۋگە ات سالىسىپ، جاسىل ءتۇستى جانعا جايلى ورتادان ورتاق ءلازات الۋ» بولسا، مەملەكەتتىك تومەن كومىر تەكتى كۇن ۇگىت قيمىلىنىڭ نەگىزگى تاقىرىبى «تومەن كومىرتەكتى ونەركاسىپتى دامىتۋ» بولدى.

    قيمىل مايدانىندا، كۇيتۇن قالالىق دامۋ رەفورما كوميتەتى، ەكونوميكا ينفورماتسيا كوميتەتى، عىلىم - تەحنيكا مەكەمەسى، ورتانى قورعاۋ مەكەمەسى، تۇرعىن ءۇي قالا - اۋىل قۇرىلىس مەكەمەسى قاتارلى ورىنداردىڭ قىزمەتكەرلەرى اقىل - كەڭەس بەرۋ ورنىن قۇرىپ، كەرمە تۋ ءىلىپ، ۇگىت تاقتاسىن شىعارىپ، ارى – بەرى وتكەن قالا تۇرعىندارىنا تومەن كومىر تەكتى تۇرمىس ورتاسىن قالىپتاستىرۋعا قاتىستى ۇگىت ماتەريالدارىن تاراتىپ، قالا تۇرعىندارىنا تومەن كومىر تەكتى تۇرمىس ورتاسىن جاراتۋعا قاتىستى بىلىمدەردى كىشپەيىلدىكپەن ءتۇسىندىرىپ، قالىڭ قالا تۇرعىندارىنىڭ وزدەرى ونەگە بولىپ، ۇساق ىستەردەن باستاپ تومەن كومىر تەكتى ورتا كوزقاراسىن ورناتىپ، باسقالارعا ۇلگى بولىپ، قوعامعا ۇلەس قوسىپ، كورىكتى كۇيتۇن قۇرۋعا ورتاق ات سالسۋدى دارىپتەدى.

    قالا تۇرعىنى جياڭ شياۋحۋا بىلاي دەدى: ۇنەمى جاياۋ ءجۇرىپ نەمەسە ۆەلەسبيت ءمىنىپ ماتورلى كولىكتەردى كوپ پايدالانباي ورتانىڭ ىلاستاۋىنىڭ الدىن الۋىمىز كەرەك. مۇنان ءتىس سۋدى، قاعازدى ۇنەمدەپ، سۋلياۋ قالتالاردى از پايدالانىپ، جاساعان ورتامىزدى قورعاۋىمىز كەرەك.

 
 

ءتىلشىنىڭ قىزمەت ورنى: كۇيتۇن حالىق راديو ستانسياسى

جاۋاپتى رەداكتور:نۇرجان مينۋار قىزى