مەكتەپتىڭ حاۋىپسىزدىك قىزمەتى تىڭعىلىقتى ىستەلدى

    داڭق ءاشىمحان ۇلى حابارلايدى. فۋكاڭ قالالىق 3-ورتا مەكتەبى حاۋىپسىزدىك قىزمەتىنە وسكەلەڭ دارەجەدە ءمان بەرىپ، ءتۇزىم قۇرىلىسىن كەمەلدەندىرىپ، مىندەت پەن جاۋاپكەرلىكتى ايقىنداپ، ءارقايسى بولىمدەر مەن جىلدىقتار ارا سەلبەستىكتى كۇشەيتىپ، حاۋىپسىزدىك قىزمەتىن تىڭعىلىقتى ىستەۋ ارقىلى «حاۋىپسىز، تىنىش، جاراسىمدى مەكتەپ اۋلاسىن» بەلسەنە قۇرىپ، وقۋ-وقىتۋ، ءتالىم-تاربيە ونىمدىلىگىن پارمەندى جەبەپ، وقۋشىلاردىڭ الاڭسىز ءبىلىم الۋى مەن اقاۋسىز ەسەيىپ-ەرجەتۋىن كەپىلدەندىردى.

    مەكتەپ باسشىلىعى، اۋەلى، اپتالىق ساياسي ۇيرەنۋ ۋاقىتىنان ۇتىمدى پايدالانىپ، ورتالىق جانە اۆتونوميالى رايوندىق پارتكوم مەن ۇكىمەتتىڭ ورنىقتىلىق قىزمەتى جونىندەگى ءماجىلىسىنىڭ رۋحىن مۇقيات ۇيرەنىپ، جالپى وقىتۋشى-قىزمەتكەرلەردىڭ شينجياڭنىڭ ورنىقتىلىعى مەن باياندى تىنىىشتىعىن جۇزەگە اسىرۋ سىندى باس نىسانا جونىندەگى تانىمىن تەرەڭدەتتى.

    وقۋشىلارعا باعىتتالعان يدەيا-ءمورال، زاڭ-ءتۇزىم، ۇلتتار ىنتىماعى، ۇشقارىلىقتى الاستاۋ، حاۋىپسىزدىك تاربيەسىن كوپ ءتۇرلى فورمامەن ىشكەرلەي جۇرگىزدى.

    مەكتەپ باسشىلىعى جاڭا وقۋ ماۋسىمىندا ءار ءبولىم، جىلدىق جانە كلاس جەتەكشىلەرىمەن حاۋىپسىزدىك قىزمەتى جونىندەگى جاۋاپكەرلىك توقتامىنا قول قويىستى. 24 ساعاتتىق ورنىقتىلىقتى ساقتاۋ كەزەكشىلىك ءتۇزىمى مەن مەكتەپتىڭ كۇندەلىكتى حاۋىپسىزدىك قىزمەتىن تىعىز ۇشتاستىرىپ، مەكتەپ قۇرىلعىلارى، مەكتەپ اۆتوبۋزى، وقۋشىلار جاتاعى، ازىق-تۇلىك، دەنەتاربيە ساباعى، ورتتەن ساقتانۋ، پسيحيكالىق اقاۋسىزدىق، كوللەكتيۆ ەڭبەك، ەرىكتى قيمىل، ت.ب. جاقتارداعى حاۋىپسىزدىك قىزمەتىن باسقارۋدى اناعۇرلىم تۇزىمدەندىرىپ، ولشەمدەندىرىپ، جۇيەلى ارناعا ءتۇسىردى.

    كوشكىننەن، سەلدەن، سۋعا تۇنشىعۋدان ساقتانۋ، قاتىناس حاۋىپسىزدىگى قاتارلى مازمۇندارداعى اشىق حات، ۇگىت ماتەريالدارىن اتا-انالار قاۋىمىنا تارقاتىپ، ساقتىق دابىلىن قاقتى. ءار وقىتۋشى ءوزى وتەتىن ءپاننىڭ سيپاتى مەن ەرەكشەلىگىنە ساي وقۋشىلارعا كۇندەلىك تۇسكى دەمالىس پەن كەشكى ساباقتان تۇسۋدەن ىلگەرگى ءبىر مينۋتتىق حاۋىپسىزدىك تاربيەسىن جۇرگىزىپ وتىردى.

    مەكتەپ حاۋىپسىزدىگىن اماندىق كەڭسەسىنىڭ قىزمەتكەرى كۇندەلىك تەكسەرۋ، مەكتەپ باسشىلىق القاسى اپتاسىنا ءبىر رەت تەكسەرۋ ءتۇزىمىن جولعا قويىپ، مەكتەپ قۇرىلعى-قۇرىلىستارى، دەنە تاربيە اسپاپتارى، سۋ، توك، گاز جۇيەسى، ورتتەن ساقتانۋ قۇرىلعىلارى ت.ب. لارعا جۇيەلى تەكسەرۋ جۇرگىزىپ، بايقالعان كىناراتتاردى دەركەزىندە ارىلتتى.

    قاتىستى مامانداردى حاۋىپسىزدىك تاقىرىبىنداعى ارناۋلى لەكسيالاردى جاساۋعا ۇسىنىس ەتۋ ارقىلى وقىتۋشى-وقۋشىلاردىڭ حاۋىپسىزدىك تانىمىن، جاۋاپكەرلىك سەزىمىن، حاۋىپ-قاتەردەن ساقتانۋ، توسىن جاعدايدا باس اماندىعىن قورعاۋ جاعىنداعى قابىلەت قارىمىن جوعارىلاتۋعا باسا ءمان بەردى.

    «مەملەكەتتىك ورتا-باستاۋىش مەكتەپ، بالالار باقشالارىنىڭ شۇعىل جاعدايدا حاۋىپسىز ورىنعا جوتكەلۋ جاتتىعۋ باعدارلاماسىن» مۇقيات ۇيرەنىپ، ناقتىلى تالاپتارى مەن باسقىشتارى بويىنشا ءار كۇنگى ارالىق گيمناستيكا ۋاقىتىندا وقىتۋ بيناسىنان كلاس-كلاستار بويىنشا تەز، ءتارتىپتى، حاۋىپسىز شەگىنىپ شىعۋ جاتتىعۋ قيمىلىن ۇدايى جۇرگىزىپ، تاجىريبەلەردى دەركەزىندە قورتىندىلادى.

    وقىتۋشى-وقۋشىلار ءبىر نيەت،ءبىر تىلەكتە جۇدىرىقتاي جۇمىلىپ، جوسپارلى تۇردە قىرپۋلى قۇلشىنىستار جاساعان بۇل مەكتەپ جۋىق جىلداردان بەرى «سانجى حۇيزۋ اۆتونوميالى وبلىستىق حاۋىپسىزدىك قىزمەتىندەگى ۇلگىلى مەكتەپ»، «سانجى حۇيزۋ اۆتونوميالى وبلىستىق يدەيا-ءمورال قىزمەتىندەگى ۇلگىلى مەكتەپ»، «اۆتونوميالى رايون دارەجەلى مادەنيەتتى ورىن»، «بۇكىل مەملەكەتتىك ورتتەن ساقتانۋ حاۋىپسىزدىك قىزمەتىندەگى ۇلگىلى مەكتەپ» سىندى بيىك مارتەبەلەرگە قول جەتكىزىپ، ۇلاعاتتى ۇرپاق تاربيەلەۋ ۇلى بورىشىن ادا ەتۋ ساپارىنا ارشىندى قادام تاستادى.

    ءتىلشىنىڭ قىزمەت ورنى: فۋكاڭ قالالىق 3-ورتا مەكتەپ

جاۋاپتى رەداكتور:سايراش تۇرارجان قىزى