نىلقى اۋدانى قاس وزەنىنە 20 مىڭ بالىق شاباعىن قويا بەردى

    ەركىنبەك وكەن ۇلى حابارلايدى. قاس وزەنى اعارىنداعى جەرلىك بالىق قاينارىن ساقتاپ، ەكولوگيالىق تەپە-تەڭدىكتى قورعاۋعا باسا ءمان بەرگەن نىلقى اۋدانى تاياۋدا كاسىپتىك قىزمەتكەرلەردىڭ جەتەكشىلىگىندە قاس وزەنىنە 20 مىڭ شينجياڭ قوس ەرىن بالىعى، قوس ەرىن تەڭبىل بالىعى شاباعىن قويا بەردى.

    نىلقى اۋداندىق سۋ يگىلىگى مەكەمەسى، ورتانى قورعاۋ تاراۋلارىنىڭ زاڭ اتقارۋ قىزمەتكەرلەرى، اۋداندىق كۋالاندىرۋ ورنىنىڭ كۋالاندىرۋشى قىزمەتكەرلەرى قويا بەرىلگەن بالىق شاباقتارىنىڭ ءتۇرى، ولشەمى جانە سانىن ناق مايداندا باقىلاپ تۇراقتاندىردى.

    نىلقى اۋداندىق سۋ يگىلىگى مەكەمەسىنىڭ ورىنباسار مەكەمە باستعى قايرات راقادىل ۇلى: بالىق شارۋاشىلىعى بايلىعىن كوبەيتۋ، قالپىنا كەلتىرۋ، بالىق شارۋاشىلىعى ەكونوميكاسىنىڭ عىلمي دامۋىن جەبەپ، اقاۋسىز، ءۇرتىس دامىتۋ اۋدانىمىزدىڭ نەگىزگى كاسىپتەرىنىڭ ءبىرى. ءبىز بۇدان كەيىن بالىق شارۋاشىلىعىنا بولعان زاڭ اتقارۋدى كۇشەيتىپ، ءتۇرلى زاڭعا قايشى بالىق اۋلاۋ ارەكەتتەرىنە قاتاڭ سوققى بەرۋگە شىنايى تۇردە كەپىلدىك ەتىپ، ءارسالاداعىلاردى اتتانسقا كەلتىرىپ، ۇگىت تەبىنىن ارتتىرىپ، بالىق شارۋاشىلىعى مەن ەكولوگيالىق ورتانى قورعاۋدىڭ تاماشا اۋقىمىن، باياندى مەحانيزمىن قالىپتاستىرىپ، ادام مەن تابيعاتتىڭ جاراسىمدىلعىن قورعاپ، كوركەم اتا مەكەن قۇرۋعا كۇش سالامىز،-دەدى.

    ۇعىسۋعا قاراعاندا، بالىق تۇرلەرىن جاساندى جولمەن ءوسىرىپ، قويا بەرۋ قاس وزەنى اعارىنداعى بالىق شوعىرىنىڭ سانى مەن بالىق تۇرلەرىنىڭ كوپ تۇرلىگىن ارتتىرۋعا، قاس وزەنى اعارىنىڭ ەكولوگيالىق ورتاسىن قورعاپ، بالىق تۇرلەرىن قورعاۋ، تولىقتاۋ رولىن اتقارىپ، جاراتىلستىق شارت- جاعداي استىنداعى بالىق شوعىرىنىڭ كولەمىن كەڭەيتىپ، بالىق تۇرلەرىنىڭ كوپ تۇرلىلىگىن قورعاۋدى جۇزەگە اسىرۋعا كۇش سالعان نىلقى اۋدانى 2010- جىلدان بەرى ۇدايى 7 جىل جەرلىك بالىق شاباعىن قاس وزەنىنە قويا بەرۋ قيمىلىن ورىستەتكەننەن بەرى، وزەنگە قويا بەرىلگەن بالىق سانى 220 مىڭعا جەتكەن.

        ءتىلشىنىڭ قىزمەت ورنى: نىلقى اۋدانى مىس اۋىلى پارتكوم ۇگىت كەڭسەسى

جاۋاپتى رەداكتور:سايراش تۇرارجان قىزى