جۇڭگو مەن قازاقستان «كومپوزيتور» اتتى فيلىمدى قازاقستاندا تۇسىرە باستادى

    جۇڭگو مەن قازاقستان بىرگە تۇسىرەتىن «كومپوزيتور» اتتى فيلىم 8 – ماۋسىمدا قازاقستاننىڭ ەلورداسى استانا قالاسىندا تۇسىرىلە باستادى، جۇڭگو مەملەكەتتىك اقپارات – باسپا ءسوز، راديو – تەلەۆيزيا باس مەكەمەسىنىڭ باستىعى نيە چىنشي مەن قازاقستاننىڭ مادەنيەت – دەنە تاربيە مينيسترى ارىستانبەك مۇحامەدي ۇلى ءتۇسىرىلىمدى باستاۋ سالتىنا قاتىناستى.

    «كومپوزيتور» اتتى فيلىمدە جۇڭگولىق مۋزيكانت شيان شيڭحايدىڭ الماتىدا قازاق كومپوزيتورى باقىتجان بايقاداموۆتىڭ كومەگىنە يە بولعانى تۋرالى حيكايا باياندالادى. بۇل فيلىمگە جۇڭگو مەن قازاقستاننىڭ كينو قىزمەتكەرلەرى بىرگە جەتەكشىلىك ەتەدى، ەكى ەل اكتەرلەرى نەگىزگى رولداردى الادى، بۇل جۇڭگو مەن قازاقستان ەكى ەل ۇكىمەت اراسىنداعى بىرگە كينو ءتۇسىرۋ تۋرالى كەلىسىمشارتتىڭ باستالۋى ءارى جۇڭگو مەن قازاقستان ەكى ەلدىڭ «ءبىر بەلدەۋ، ءبىر جول» اياسىنداعى گۋمانيتارلىق سالاداعى ەكى جاقتىلى سەلبەستىگىنىڭ باستاماسى رەتىندەگى ماڭىزدى نىسان ەسەپتەلەدى.

    ۇعىسۋعا قاراعاندا، جۇڭگو مەن قازاقستاننىڭ نىسانعا جاۋاپتى ۇجىمى ەكى جىلدان استام ۋاقىت تەكسەرىپ- زەرتتەۋ جانە قاتىستى ادامدارمەن سۇحباتتاسۋ ارقىلى، ءتۇرلى قيىنشىلىقتاردى جەڭە وتىرىپ، بۇرىن جارىق كورمەگەن كوپتەگەن قىمباتتى ماتەريالدارعا يە بولعان. ءتۇسىرىلىمدى باستاۋ سالتىندا كينونى تۇسىرەتىن ۇجىم مەن جوبانىڭ اۆتورلارى ەكى ەلدىڭ كومپوزيتورلارى اراسىنداعى تەرەڭ دوستىقتان اسەرلەنگەنىن ايتىپ، ەكى ەل حالقىنىڭ تىلەكتەرىنىڭ توعىسۋى مەن جۇڭگو – قازاقستان ەكى ەلدىڭ كينو سالاسىنداعى سەلبەستىگىنىڭ دامۋىن جەدەلدەتۋ ءۇشىن كينونى ويداعىداي تۇسىرۋگە كۇش سالاتىندىقتارىن ءبىلدىردى.

جاۋاپتى رەداكتور:اقىن ادەنوۆ